Fjárhagsáætlun 2013 og 2014 - 2016

Bæjarstjóri, Sigurður Valur Ásbjarnarson, gerði grein fyrir tillögu að áherslum við gerð fjárhagsáætlunar 2013 og 2014 - 2016.
Til máls tóku Egill Rögnvaldsson, Þorbjörn Sigurðsson, Sigurður Valur Ásbjarnarson og Ingvar Erlingsson.

Bæjarstjórn samþykkti með 8 atkvæðum eftirfarandi áherslur.

Í fyrsta lagi:
Bæjarstjóra, skrifstofu- og fjármálastjóra er falið að móta tillögu að ramma fyrir rekstur næsta árs til umfjöllunar í bæjarráði.
1. Að rekstur málaflokka taki mið af áætluðum rekstri fyrir árið 2012.
2. Að laun taki mið af kjarasamningum og hugsanlegum breytingum næstu árin.
3. Að í rekstri verði tekið mið af verðlagsforsendum sem fram koma á fjármálaráðstefnu sveitarfélaga 27. og 28. september n.k.
4. Að rekstrarniðurstaðan verði jákvæð öll árin.
5. Að veltufé frá rekstri miðist við að lágmarki 10% en sé miðuð við 15%.
6. Að fjármögnunarhreyfingar miðist við að greiða niður skuldir um 100 m.kr. ár hvert.
7. Að til almennrar fjárfestinga verði varið um 125 m.kr.- á árinu 2013 og hvert ár þar á eftir.
8. Að til fjárfestinga í skólamálum verði varið fjármagni til að ljúka framkvæmdum við uppbygginu skólamannvirkja á árinu 2013.
9. Að lóðarframkvæmdir við skóla ljúki 2014 og þar með verði átaki í uppbyggingu skólamannvirkja í Fjallabyggð lokið að sinni.

Bæjarráði er falið að taka til umfjöllunar tillögur að ramma fjárhagsáætlana og forsendur á næsta fundi sínum sem haldinn verður þriðjudaginn 2. október n.k.

Í öðru lagi:
Deildarstjórar og forstöðumenn tryggi í nánu sambandi við sínar fagnefndir eftirfarandi:
1. Að rekstrartölur fyrir árið 2012 ásamt áætlun séu yfirfarnar og séu til umræðu sem megin forsenda við áætlunargerð fyrir næsta fjárhagsár.
2. Að allar upplýsingar um viðhaldsverkefni einstakra deilda og eða stofnana liggi fyrir í forgangsröð og verði til umræðu hjá viðeigandi fagnefnd.
3. Að allar upplýsingar um fyrirhugaðar verklegar framkvæmdir á vegum einstakra deilda verði settar upp í forgangsröð til yfirferðar og umræðu.

4. Að búið verði að reikna öll laun núverandi starfsmanna og staðfesta þau af deildarstjórum og eða forstöðumönnum. Lögð er áhersla á staðfestingu þeirrar yfirferðar.
5. Að búið sé þar með að fara vandlega yfir öll stöðugildi og reikna auk þess út óskir fagnefnda um viðbótar stöðugildi fyrir árið 2013 komi slíkar óskir fram.
6. Að búið sé að reikna innri leigu þannig að hægt sé að setja hana inn í reiknilíkan bæjarfélagsins og staðfesta hana.
7. Að búið sé að yfirfara og skoða gjaldskrár, komi fram ábendingar eða tillögur.
8. Að koma fram með tillögur um fjárfestingar fyrir árin 2013 - 2016.
9. Að koma fram með tillögur um viðhaldsverkefni fyrir árin 2013 - 2016.

Bæjarráði er falið að taka til umfjöllunar tillögur á fundi sínum sem haldinn verður þriðjudaginn 16. október n.k..

Lagðar fram til umfjöllunar, forsendur áætlunar 2013 og 2104 - 2016.

Umfjöllun um forsendur áætlunar 2013 og 2104 - 2016.

Farið var yfir forsendur að fjárhagsáætlun og þær samþykktar.
Fjárhagsramma og forsendum svo samþykktum vísað til umfjöllunar í fagnefndum.

Lögð fram drög að starfsáætlunum vegna fjárhagsáætlunar 2013 fyrir skipulags, umhverfis og hreinlætismál.

Lagt fram til kynningar.

Farið yfir tillögur að fjárhagsáæltun eftir umfjöllun og niðurstöðu fagnefnda.

Lokatillaga til fyrri umræðu verður tekin til afgreiðslu á fundi bæjarráðs 8. nóvember n.k.

Eftirfarandi tillaga vegna fjárhagsáætlunar 2013 var samþykkt með 2 atkvæðum. 

- Gjaldskrá Leiskóla Fjallabyggðar hækki um 2% frá 01.01.2013. 
- Heildarframlag til frístundakorta hækki um 475 þús. 
- Snjóaeftirlit á skíðasvæði á Siglufirði verði greitt af Fjallabyggð. 
- Heildarkostnaður við skíðasvæði í Ólafsfirði 2013 verði 8.5 milljónir. 
- Skólahús við Hlíðarveg á Siglufirði verði sett í sölumeðferð. Afhending húsnæðisins verði miðuð við 1. ágúst 2013. 
- Ekki verður tekinn ákvörðun um ráðstöfun framkvæmdafjár hafnarinnar fyrr en nauðsynlegar upplýsingar, s.s. um Hafnarbryggju, liggja fyrir. 
- Ráðinn verði ráðgjafi til þess að gera stjórnsýsluúttekt á sveitarfélaginu. Niðurstöður og tillögur úr þeirri úttekt liggi fyrir 1. maí 2013. 
- Málefni Upplýsingamiðstöðva færast undir menningarnefnd. Á Siglufirði verður hún starfrækt í bókasafni og starfsmenn bókasafns og héraðsskjalasafns sinna starfi upplýsingafulltrúa. Stefnt er að því að gera þjónustusamning við verktaka um rekstur upplýsingamiðstöðvar í Ólafsfirði.

Egill Rögnvaldsson sat hjá þar sem hann er ósáttur við aðferðarfræðina við framkomna tillögu og ekki sáttur við forgangsröðun í framkvæmdum fjárhagsáætlunar.

Bæjarráð samþykkir samhljóða að vísa fjárhagsáætlun til fyrri umræðu í bæjarstjórn.

Fjárhagsáætlun tekin til fyrri umræðu.

Bæjarstjóri flutti eftirfarandi stefnuræðu með tillögu að fjárhagsáætlun 2013 og 2014-2016.

I.                    Inngangur.

Frumvarp fjárhagsáætlunar fyrir árið 2013 er hér lagt fram í dag til fyrri umræðu miðvikudaginn 14. nóvember 2012, en síðari umræða verður miðvikudaginn 12. desember nk.

Á bæjarráðsfundum 20. nóvember og 27. nóvember n.k. verða ræddar tillögur að breytingum sem bæjarfulltrúar munu eða hyggjast gera á milli bæjarstjórnarfunda.

Fjárhagsáætlun fyrir árið 2013 var unnin á forsendum og tillögum frá fulltrúum framboða í fagnefndum, sem og ábendingum frá bæjarfulltrúum í bæjarráði/ bæjarstjórn Fjallabyggðar og baklandi þeirra. Allar ábendingar voru teknar til skoðunar, en ekki var hægt að verða við öllum framkomnum óskum við gerð áætlunar fyrir árið 2013.

Bæjarráð Fjallabyggðar leggur hér í dag, með tillögum sínum, fram sín markmið og þar með þeim áherslum um frekari uppbyggingu samfélagsins. Þeim er hér með fylgt úr hlaði. Samstaða var um neðanritað í bæjarráði;

1. Bæjarráð hefur sannreynt stöðu bæjarfélagsins með útkomuspá fyrir árið 2012.
2. Bæjarráð hefur lagt mat á þróun og breytingar næstu þrjú árin.
3. Bæjarráð hefur forgangsraðað verkefnum, til að ná fram settum markmiðum.
4. Bæjarráð leggur áherslu á að skuldir bæjarfélagsins og rekstur verði ávalt í góðu jafnvægi.

Bæjarráð leggur því hér í dag fram fyrir bæjarstjórn niðurstöður sínar sem og stjórnenda, starfsmanna og fagnefnda Fjallabyggðar þ.e. fjárhagsáætlun fyrir 2013.

Fjárhagsáætlunarferlið var ákveðið á fundi í bæjarráði 18.09.2012, en þá var tímaáætlun fram til áramóta ákveðin.  Mótuð tillaga um áætlun fyrir 2013 var síðan í burðarliðnum um síðustu mánaðarmót og niðurstaða bæjarráðs liggur nú hér fyrir. Ætlunin og ákveðið var að fyrri umræða yrði á aukafundi þann 28.11.2012 næst komandi, en þar sem frágangi var hraðað og niðurstaða í útkomu fyrir árið 2012 var mun betri en áætlun ársins gerði ráð fyrir, þá gaf það möguleika á að halda fyrri umræðuna á föstum fundartíma bæjarstjórnar hér í dag. Í áætlun ársins koma fram tillögur er byggja á forsendum sem bæjarráð setti í upphafi áætlunargerðar fyrir árið 2012 sem og með áherslum sem komu fram við frekari vinnu bæjarráðs nú í haust. Þriggja ára áætlun fylgir með í þessari umræðu en kann að taka breytingum á milli umræðna.

Tekin var umræða um áherslur og breytingar sem fagnefndir og deildarstjórar lögðu fram og er rétt hér að þakka þessum aðilum mikla vinnu og vel framsettar tillögur.

II.                  Almenn atriði.

Tillaga að vinnuferli við gerð fjárhagsáætlunar var samþykkt af bæjarráði og með greinargerð og starfsáætlunum sem unnar voru af deildarstjórum bæjarfélagsins eftir umræður í fagnefndum.

Vinnuferlið greinir frá verklagi starfsmanna og kjörinna fulltrúa við undirbúning að tillögu að fjárhagsáætlun Fjallabyggðar fyrir árið 2013. Í upphafi áætlunargerðar voru settir rammar að fjárhagsáætlun næsta árs fyrir hvern málaflokk og deildir.

Náið samráð deildarstjóra var haft við aðalbókara, launafulltrúa, skrifstofu- og fjármálastjóra, bæjarstjóra og endurskoðanda við gerð tillagna til fjárhagsáætlunar og við undirbúning.

Í fyrstu drögum að frumvarpi til fjárhagsáætlunar, vinnuplani sem var til umræðu í bæjarráði 18.10.2011  var farið yfir forsendur að fjárhagsáætlun og þær samþykktar.
Fjárhagsramma og forsendum var svo samþykktum vísað til umfjöllunar í fagnefndum.

Deildarstjórum var ætlað að vinna náið með sínum fagnefndum en einstakar tillögur voru settar fram til umræðu og yfirferðar í bæjarráði.

Ljóst er að nokkrar breytingar verða á starfsmannahaldi bæjarfélagsins á árinu 2013 en gert er ráð fyrir að heildarúttekt fari fram á stjórnsýslu  á árinu 2013 og þar með á rekstri bæjarfélagsins.

Rétt er að minna á að deildarstjórum er heimilt að lækka starfshlutfall einstakra starfsmanna að höfðu samráði við fagnefndir.

Forsendur tekjuhluta frumvarpsins eru þessar á árinu 2013.

• Útsvar er og verður 14.48% fyrir árið 2013.
• Fasteignagjöld verða óbreytt á árinu en sorphirðugjald hækkar og lóðarleiga á fyrirtæki lækkar.    

Bæjarráð leggur til við bæjarstjórn að álagningarstofnar fyrir árið 2013 verði þannig:

III.                Meginforsendur áætlunar fyrir árið 2013 eru;

Tekjuáætlun - samanburður - A og B hluti.

Áætlun um skatttekjur byggir á lögum um tekjustofna sveitarfélaga nr. 4/1995 með síðari breytingum sbr. lög nr. 122/1996 um breytingu á lögum nr. 4/1995 og 79/1996.

Skatttekjur Fjallabyggðar skiptast í útsvar, fasteignaskatt og  framlag úr Jöfnunarsjóði.