Hér höfum við tekið saman helstu upplýsingar fyrir þá sem eru að skoða að flytja hingað til okkar í Fjallabyggð. Vonandi nýtast þær, annars er líka alltaf velkomið að senda okkur póst á fjallabyggd@fjallabyggd.is.
Fjallabyggð fagnar þér
Nýr vefur Fjallabyggðar
Fjallabyggð, sameinað samfélag Ólafsfjarðar og Siglufjarðar, hefur brugðið á það ráð að fela sérstökum flutningsfulltrúa að einfalda fólki búferlaflutninga til staðarins. Í stað þess að þurfa að leita til margra aðila getur fólk nú beint öllum fyrirspurnum til flutningsfulltrúans sem ýmist svarar um hæl eða leitar svara og hefur samband til baka.
Allar upplýsingar má finna á fagnar.is, nýjum upplýsingavef Fjallabyggðar.
Ráðhús
Opnunartími
Mánudaga – fimmtudaga
Afgreiðsla: 9:30 - 15.00
Skiptiborð: 8:00 - 15:00
Föstudagar
Afgreiðslan: 8:30 - 14:00
Skiptiborð: 8:00 - 14:00
Í Ráðhúsi er sameiginleg símsvörun fyrir stjórnsýslu- og fjármáladeild, fjölskyldudeild og tæknideild. Veittar eru allar almennar upplýsingar um þjónustu og starfsemi bæjarins. Þar er einnig hægt að tilkynna breytingar á búsetu, nálgast öll eyðublöð, ganga frá umsóknum og fl. Allar þessar upplýsingar er einnig að finna á heimasíðunni www.fjallabyggd.is
Flutningstilkynning
Tilkynna skal um flutninga í afgreiðslu Ráðhúss Fjallabyggðar á 3. hæð strax eftir flutning. Upplýsingum er komið til Þjóðskrár Íslands, íbúaskrár. Íbúum er einnig bent á þann möguleika að fylla inn rafrænar tilkynningar en það er hægt að gera á vefjunum www.skra.is og www.island.is
Sorpflokkun
Í Fjallabyggð er þriggja tunnu kerfi í sorpflokkun og sorphirðu.Markmiðið með flokkuninni er að uppfylla kröfur um úrbætur í umhverfismálum og bæta þjónustu við íbúa. Öll heimili flokka í þrjár tunnur, almennt sorp fer í gráa tunnu, endurvinnanlegt sorp í græna tunnu og lífrænt sorp í brúna tunnu. Nánari upplýsingar færðu hér á síðunni.
Húsnæði og heimili
Viltu byggja?
Tæknideild veitir allar upplýsingar um lóðir og framkvæmdir.
Opnunartími: Mánudaga til föstudaga frá 09:30-16:00 og 08:00-14:00 á föstudögum
Sími: 464 9100 Fax: 464 9101
Netfang: armann@fjallabyggd.is
-> Skoða lausar lóðir.
Viltu kaupa húsnæði í Fjallabyggð?
Ýmsar fasteignasölur sjá um að selja húsnæði í Fjallabyggð. Þessar eru helstar:
- Domus fasteignasala á Blönduósi s. 664 6028 eða 440 6028.
- Hvammur Eignamiðlun 466 1600
- Eignamiðlun Akureyrar Hofsbót 4 Akureyri sími 464 5555
- Fasteignasalan Byggð 464 9955
- Fasteignasala Akureyrar s. 460 5151
- Fasteignasalan Bær og Hannes S:822 7518
- Miðlun fasteignir 412-1600
Hiti og rafmagn
Rarik sér um dreifingu á rafmagni í Fjallabyggð og heitu vatni á Siglufirði. Skrifstofa er að Vesturtanga 10 Siglufirði.
Norðurorka sér um dreifingu á heitu vatni í Ólafsfirði. Fyrirtækið er með aðstetur að Aðalgötu 11b. Bakvaktarsími fyrir Ólafsfjörð er 893 1814. Rekstrarstjóri Norðurorku í Ólafsfirði er Ingvi Óskarsson, netfang: ingvi@no.is
Sími
Þú getur flutt gamla númerið með þér hvert á land sem er. Hins vegar þurfa þeir sem eru í fyrsta skipti að sækja um nýtt símanúmer að sækja um hjá viðeigandi símafyrirtæki.
Samgöngur
Strætó heldur uppi áætlunarferðum á milli Fjallabyggðar og Akureyrar. Sjá tímatöflu hér. Þá er í gangi sérstök skólarúta sem gengur á milli Ólafsfjarðar og Siglufjarðar. Nánar hér.
Heilsugæsla
Í Fjallabyggð er rekin öflug heilbrigðisþjónusta á vegum Heilbrigðisstofnunar Fjallabyggðar.
Í Ólafsfirði er heilsugæslan til húsa í Hornbrekku. Sími: 466 4050
Tímapantanir: 08:00 - 16:00 virka daga
Símaviðtalspöntun og endurnýjun lyfseðla milli kl. 08:00 -12:00 virka daga
Á Siglufirði er heilsugæslan til húsa að Hvanneyrarbraut 37. Sími: 460 2100
Tímapantanir og endurnýjun lyfseðla: 08:00 - 16:00 virka daga.
Símaviðtalstími lækna: 13:00 - 13:40 virka daga.
