Sorphirða og flokkun

Frá og með 1. september 2025 verður tekið í notkun rafrænt „klippikort“ sem skal framvísa þegar komið er með sorp á móttökustöðvar á Siglufirði og Ólafsfirði. Sjá nánar um rafræn klippikort hér

 Nýtt samræmt flokkunarkerfi

Með síðustu breytingum á lögum um meðhöndlun úrgangs var komið á samræmdu flokkunarkerfi yfir allt land. Þetta er mikilvægt fyrir innleiðingu hringrásarhagkerfis á Íslandi og stórt framfaraskref þar sem sýnt hefur verið fram á að sérsöfnun á hráefni leiði til meiri og betri flokkunar.
Nýja flokkunarkerfið byggir á sérsöfnun á eftirfarandi flokkum við íbúðarhús:

  • Pappír og pappi
  • Plastumbúðir
  • Lífrænn eldhúsúrgangur
  • Almennt sorp

Þá er sveitarfélögum einnig skylt að nota samræmdar flokkunarmerkingar sem mun einfalda fólki mikið við flokkun. Merkingarnar eru samnorrænar og mikið af innfluttum vörum
frá Norðurlöndunum eru nú þegar merktar með þessum merkjum til að leiðbeina neytendum hvernig skuli flokka.

______________________________________________________________

Sorphirðudagatal 2025 Gjaldskrá 2025

Rafrænt Klippikort - upplýsingar

Reglur um notkun sorpíláta úr plasti 

Samþykkt um meðhöndlun úrgangs

 

 Rafrænt klippikort

Frá og með 1. september 2025 verður tekið í notkun rafrænt „klippikort“ sem skal framvísa þegar komið er með sorp á móttökustöðvar á Siglufirði og Ólafsfirði. Sjá nánar um rafræn klippikort hér

Upplýsingar um kortin:

  • Kortin eru sótt inn á https://fjallakort.is/
  • Notandi notar rafræna innskráningu til að auðkenna sig.
  • Skráðir eigendur fasteigna sem fá til sín greiðsluseðla vegna sorpgjalds (fasteignagjöld) geta sótt 16 skipta klippikort sér að kostnaðarlausu. Athugið að þeir eigendur sem ekki fá til sín greiðsluseðla geta ekki sótt kortið nema greiða fyrir eins og um viðbótarkort sé að ræða.
  • Kortið er vistað í rafrænu veski t.d SmartWallet fyrir Android síma eða Apple Wallet fyrir Iphone síma. Þetta virkar eins og kort í líkamsrækt og sundlaugar Fjallabyggðar.
  • Þeir sem ekki eru með snjallsíma eða vilja ekki nýta sér rafræna kortið í símanum geta prentað út kortið og notað á sorpmóttökustöðum. Passa þarf að QR kóðinn sem er á klippikortinu sé vel sýnilegur svo hægt sé að skanna hann.
  • Hægt er að deila kortinu til annarra. Þegar að búið er að sækja kortið í síma er hægt að deila kortinu áfram til annarra aðila. Þannig er hægt að deila kortinu áfram til annarra einstaklinga sem búa í sömu fasteign, til leigjanda í viðkomandi fasteign o.s.frv.
  • Fasteignaeigendur geta komið á bæjarskrifstofur Fjallabyggðar á Siglufirði og Ólafsfirði og fengið útprentað kort með QR kóða sem er skannaður við komu á gámastöð.

 

 

Flokkun:

Frekari flokkunarleiðbeiningar má finna á
heimasíðu Íslenska gámafélagsins.

4 tunnan Leiðbeiningar fyrir íbúa

Sorting instructions

Instrukcja sortowania

 

♻️ Opnunartími gámasvæða og flöskumóttöku ♻️

🗓️ Gámasvæði - opnunartími
📍 Opið alla virka daga kl. 15:00–18:00
📍 Laugardagar kl. 11:00–13:00

📌 Gámasvæði eru staðsett í báðum byggðarkjörnum:

🔹 Ólafsfjörður – Námuvegur 3
🔹 Siglufjörður – Við Ránargötu

🥤 Flöskumóttaka
🔸 Ólafsfjörður – Skíðafélag Ólafsfjarðar, Pálsbergsgötu 1 (aftan við Ísfell)
🕠 Opnunartími: Þriðjudagar kl. 17:30–18:30

🔸 Siglufjörður – Á gámasvæðinu við Ránargötu
🕓 Opnunartími: Mánudagar kl. 15:45–17:45

👉 Endilega nýtið ykkur þessa þjónustu og hjálpið okkur að halda byggðunum snyrtilegum 🌱

 

 

Lífrænn eldhúsúrgangur

Brúna tunnan er ætluð undir lífrænan eldhúsúrgang. Allir matarafgangar sem falla til á heimilinu og annar lífrænn úrgangur má fara í þennan flokk. Dæmi um lífrænan úrgang frá heimilum er t.d. afskurður af ávöxtum, kjöti eða fisk. Brauðmeti, kaffikorgur, tannstönglar, tepokar og þess háttar. Lífrænum úrgangi er safnað innandyra í maíspoka sem brotna niður við jarðgerðina. Mjög mikilvægt er að nota ekki poka úr plasti þar sem þeir brotna ekki niður og geta valdið tjóni í jarðgerðarstöðinni.

Flokkunartafla - lífrænn úrgangur

Pappír og pappi

Allir íbúar Fjallabyggðar eru með Græna tunnu við heimili sitt undir þann hluta heimilisúrgangs sem er endurvinnanlegur.  Mikilvægt er að gengið sé frá hráefninu samkvæmt meðfylgjandi leiðbeiningum, annars er hætt við að hráefnið verði óhæft til endurvinnslu og endi í urðun. 

Í tunnu fyrir pappír og pappa má setja pappír, bylgjupappa, fernur og sléttan pappa, dagblöð og tímarit. Til að hægt sé að endurvinna umbúðir/hráefni þarf það að vera hreint. Það er því mikilvægt að tæma og hreinsa matarleifar úr umbúðunum, annars eiga þær heima með almennu sorpi.

Flokkunartafla - pappi og pappír 

Almennt sorp

Almennt sorp er í raun blandaður úrgangur frá fyrirtækjum og heimilum. Þetta er að mestu úrgangur sem ekki getur flokkast í skilgreindan endurvinnsluferil og er þar af leiðandi óendurvinnanlegt. Dæmi um almennt sorp frá heimilum er t.d. bleiur, umbúðir úr blönduðu hráefni (t.d. plastumbúðir með álfilmu sem ekki er hægt að skilja frá), umbúðir sem ekki er hægt að hreinsa o.fl.

Plastumbúðir

Í tunnu fyrir plastumbúðir má eingöngu setja umbúðir úr plasti. Til að hægt sé að endurvinna plastumbúðir þurfa þær að vera hreinar. Það er því mikilvægt að tæma og hreinsa matar- og efnaleifar úr umbúðunum, annars eiga þær heima með almennu sorpi.

Flokkunartafla - plastumbúðir

Frá og með 1. september 2025 verður tekið í notkun rafrænt „klippikort“ sem skal framvísa þegar komið er með sorp á móttökustöðvar á Siglufirði og Ólafsfirði.

Rafræna kortið veitir aðgang að svæðinu og því er nauðsynlegt að hafa það meðferðis þegar farið er á gámasvæði, hvort sem um gjaldskyldan eða ógjaldskyldan úrgang er að ræða. Þegar komið er með gjaldskylt sorp á móttökustöð er kortið skannað af starfsmanni móttökustöðvar. Einungis er klippt af kortinu fyrir gjaldskyldan úrgang og tekið er á móti ógjaldskyldum úrgangi án þess að klippa af kortinu (endurvinnanlegum úrgangi eins og pappír og pappa, plasti, gleri o.s.frv.).

Hvert heimili fær 16 skipta kort til að nota yfir almanaksárið. Skráðir eigendur fasteigna sem fá greiðsluseðla fyrir sorpgjald (fasteignagjöld) geta sótt kortin inn á https://fjallakort.is/

 Valið er “Klippikort fyrir gámasvæði Fjallabyggðar”, svo rétt tegund korts sem við á og smellt á rafræna innskráningu. Ef innskráður notandi á rétt á kortinu án endurgjalds breytist verðið á kortinu í 0 kr. Athugið að setja þarf kortið í rafrænt veski í símanum svo það virki.

Þeir aðilar sem ekki eru með rafrænt veski geta prentað út klippikortið og látið skanna kóðan á klippikortinu á sorpmóttökustöð. Eftir að klippikortið hefur verið sótt í síma er hægt að deila því áfram á aðra íbúa húsnæðisins til notkunar. Þannig geta fleiri en einn verið með sama klippikortið í símanum sínum.

Þegar komið er með sorp á móttökustöð er kóðinn á kortinu skannaður af starfsmanni móttökustöðvar. Ekkert þarf að greiða fyrir ógjaldskyldan úrgang en tekið er af kortinu fyrir allan gjaldskyldan úrgang. Hvert klipp gildir fyrir allt að 0,25 m3. Á hverju korti eru 16 skipti, sem duga samtals fyrir 4,0 m3.

Að öllu jöfnu ætti hvert kort að duga út árið. En ef kort klárast er hægt að kaupa auka kort á https://fjallakort.is/  

Mikilvægi flokkunar

Með flokkun til endurvinnslu minnkar magn þess úrgangs sem endar í urðun. Þannig er umhverfið verndað samhliða því sem förgunargjöld lækka.

Megnið af því efni sem kemur inn á móttökustöð er endurnýtt með einum eða öðrum hætti. Þannig er úrgangi breytt í verðmæti og fyrir skil á slíkum úrgangi þarf ekki að greiða. Fyrir annað efni, sem þarfnast sérstakrar meðhöndlunar, þarf að greiða fyrir.

Með því að flokka rétt er komið í veg fyrir sóun verðmæta og tryggt er að eingöngu sé greitt þegar við á.

Góð ráð:
Best er að flokka farminn áður en komið er á móttökustöð. Ef úrgangur kemur blandaður saman (gjaldskylt og ógjaldskylt) þarf að greiða fyrir allan úrganginn.

Bæklingur til lestrar og útprentunar (pdf)

Ef þú finnur ekki þær upplýsingar sem þú leitar að á þessum síðum biðjum við þig að láta okkur vita svo við getum bætt úr því. Þannig getum við byggt upp góðan upplýsingabanka sem auðveldar okkur að flokka rétt. Sendu okkur tölvupóst eða hringdu í síma 464 9100.