Skóla- og frístundaakstur

Skóla- og frístundaakstur í Fjallabyggð

Frá og með 25 ágúst tekur við vetraráætlun skóla- og frístundaaksturs í Fjallabyggð.  Almennir farþegar eru velkomnir í skólarútu ef sæti eru laus en nemendur grunnskóla, menntaskóla og starfsfólk sveitarfélagsins ganga fyrir sætum, í þessari röð.

 

Reiknað er með að nemendur fari heim með skólarútu. Ef annar háttur er hafður á eru
nemendur á ábyrgð forráðamanna. Ætlast er til að forráðamenn yngri nemenda láti ritara vita fari þeir ekki með skólarútu.

Bílstjóri skólarútu er Baldur Jörgen Daníelsson.

Fyrirtækið Suðurleiðir er þjónustuaðili. Aksturstafla er unnin í samvinnu við Menntaskólann á Tröllaskaga og félagsmiðstöðina Neon.

Almennir farþegar eru velkomnir í skólarútu ef sæti eru laus en nemendur grunnskóla, menntaskóla og starfsfólk sveitarfélagsins ganga fyrir sætum, í þessari röð.
   

 

Vetraráætlun til  útprentunar 

 

Almenningssamgöngur í Fjallabyggð

STRÆTÓ ehf ekur milli Fjallabyggðar og Akureyrar. Strætó annast strætisvagnaþjónustu á landsbyggðinni og er með fastar ferðir milli Fjallabyggðar og Akureyrar. Strætóferðir á virkum dögum frá Siglufirði eru kl. 06:40, 09:30 og 15:00 og stoppar vagninn við Múlaveg í Ólafsfirði kl. 06:56, 09:46 og 15:16. Um helgar er eingöngu ekið á sunnudögum og er þá farið frá Siglufirði kl. 10:30.  Bíllinn er þá í Ólafsfirði kl. 10:46. Sama tímasetning er á helgidögum. Aksturstími til Akureyrar er um 1 klst. og 10 mín. Á virkum dögum fer Strætó frá Menningarhúsinu Hofi kl. 08:15, 13:15 og 16:30.  Á sunnu- og helgidögum kl. 15:40.

Allar nánari upplýsingar er að finna á heimasíðu Strætó.

Fréttir


Lokun Túngötu vegna malbikunar

14.09.2026
Þriðjudaginn 15. september verður Túngötu á Siglufirði lokað á milli klukkan 10:00 til 17:00 vegna malbikunarframkvæmda.
Lesa meira

Sumaráætlun aksturs milli byggðakjarna tekur gildi 8. júní næstkomandi.

04.06.2026
Sumaráætlun aksturs milli byggðakjarna tekur gildi 8. júní næstkomandi. Athugið að áætlunin verður endurskoðuð og uppfærð eftir þörfum í samræmi við nýtingu þjónustunnar yfir sumartímann. Við hvetjum notendur til að fylgjast með upplýsingum um mögulegar breytingar.
Lesa meira

Breyttur akstur skólarútu vegna skólaslita 2026

02.06.2026
Breyting verður á akstri skólarútu vegna skólaslita Grunnskóla Fjallabyggðar fimmtudaginn 4. júní og föstudaginn 5. júní.
Lesa meira
Mynd tekin á dögunum við lokun á Siglufjarðarvegi í átt að Strákagöngum.

Ályktun bæjarstjórnar Fjallabyggðar um samgöngumál

20.03.2026
Á bæjarstjórnarfundi Fjallabyggðar, 19. mars 2026 var eftirfarandi ályktun samþykkt.
Lesa meira

Vegna veðurspár er mikilvægt að hreinsa frá niðurföllum

18.03.2026
Umskipti verða í veðri næsta rúma sólarhringinn með hlýjindum og úrkomu. Veðurstofa Íslands hefur gefið úr gula veðurviðvörun þar sem segir að hvasst verði í veðri með 15-25 m/s og vindhviður staðbundið yfir 35 m/s, hvassast vestantil á svæðinu. Varasamt ferðaveður.
Lesa meira