Fundargerðir

Til bakaPrenta
Markaðs- og menningarnefnd Fjallabyggðar - 57. fundur - 2. október 2019

Haldinn í Ráðhúsi Fjallabyggðar, Gránugötu 24, Siglufirði,
02.10.2019 og hófst hann kl. 17:00
Fundinn sátu: Ólafur Stefánsson formaður, D lista,
Ida Marguerite Semey aðalmaður, I lista,
Jón Kort Ólafsson aðalmaður, H lista,
Ægir Bergsson varaformaður I lista,
Linda Lea Bogadóttir markaðs- og menningarfulltrúi,
Ríkey Sigurbjörnsdóttir deildarstjóri fræðslu- frístunda- og menningarmála.
Fundargerð ritaði: Ríkey Sigurbjörnsdóttir, deildarstjóri fræðslu-, frístunda- og menningarmála.
Sigríður Guðmundsdóttir boðaði forföll og varamaður hennar einnig.


Dagskrá: 
Almenn erindi
1. 1909059 - Erindi varðandi Listaverkasafn Fjallabyggðar
Erindi hefur borist Fjallabyggð frá Trölla.is um Listasafn Fjallabyggðar.
Spurt er um eftirfarandi:
1. Getum við fengið lista yfir listaverk í eigu Fjallabyggðar?
2. Hverjir voru gefendur?
3. Hvar og hvernig þau eru geymd og hvernig varðveislu þeirra er háttað?
4. Hvert er áætlað verðmæti safnsins?
Markaðs- og menningarfulltrúi hefur þegar bent forsvarsmönnum Trölla.is á heimasíðu Listaverkasafns Fjallabyggðar http://listasafn.fjallabyggd.is/ en þar er að finna lista yfir skráð listaverk í eigu Fjallabyggðar, listamenn, staðsetningu og hverjir eru gefendur.
Markaðs- og menningarnefnd felur markaðs- og menningarfulltrúa að svara erindi Trölla.is í samræmi við niðurstöðu fundarins.
2. 1909063 - Málverk - e.Thorvald Molander
Erindi hefur borist Fjallabyggð frá Ingibjörgu Þórisdóttur þar sem hún býður sveitarfélaginu til kaups málverk úr dánarbúi foreldra sinna. Myndin er af Siglufirði, máluð á síldarárunum. Málverkið er eftir Thorvald Molander. Markaðs- og menningarnefnd þakkar gott boð en hefur ekki fjárheimildir til málverkakaupa.
Til kynningar
3. 1907009 - Upplýsingamiðstöðvar Fjallabyggðar - Fjöldi ferðamanna 2019
Hrönn Hafþórsdóttir forstöðumaður Bóka- og Héraðsskjalasafns Fjallabyggðar sat undir þessum lið. Upplýsingamiðstöðvar Fjallabyggðar eru reknar inn á bókasöfnum sveitarfélagsins. Hrönn fór yfir tölulegar upplýsingar varðandi fjölda ferðamanna fyrstu átta mánuði ársins 2019. Fram kom að fjöldi ferðamanna sem koma á upplýsingamiðstöðvarnar er mun færri í ár en síðustu tvö ár. Samtals hafa komið 2288 ferðamenn á upplýsingamiðstöðina á Siglufirði í janúar - ágúst en á sama tíma komu 3452 ferðamenn árið 2018 og 3351 ferðamaður árið 2017.
Í upplýsingamiðstöðina í Ólafsfirði komu 136 ferðamenn á fyrstu 8 mánuðum ársins 2019, 284 ferðamenn komu á sama tíma árið 2018 og 363 ferðamenn fyrstu átta mánuði ársins 2017.
Ekki er ástæða til að ætla að þessar tölur endurspegli í raun fækkun ferðamanna í Fjallabyggð. Markaðs- og menningarnefnd þakkar forstöðumanni fyrir góðar og skýrar upplýsingar.
4. 1909073 - Listaverkasafn Fjallabyggðar
Rætt um Listaverkasafn Fjallabyggðar og geymsluaðstaða safnsins skoðuð. Nauðsynlegt er að gera söfnunar- og útlánastefnu fyrir safnið.
5. 1908063 - Reglur Fjallabyggðar um úthlutun styrkja til menningarmála
Farið yfir drög að nýjum reglum um úthlutun menningarstyrkja í Fjallabyggð. Markaðs- og menningarnefnd samþykkir drögin fyrir sitt leyti.
6. 1909004 - Haustfundur ferðaþjónustu, menningar og afþreyingar í Fjallabyggð
Markaðs- og menningarfulltrúi kynnti hugmynd að dagskrá Haustfundar ferðaþjónustu, menningar og afþreyingar í Fjallabyggð. Fyrirhugað er að halda fundinn þann 14. nóvember í Tjarnarborg.
Fleira ekki gert. Fundi slitið kl. 18:35 

Til bakaPrenta