1.Fasteignagjöld - Aðgerðir til viðspyrnu vegna Covid-19
2.Notendagjöld - Aðgerðir til viðspyrnu vegna Covid19.
3.Áframhaldandi viðbrögð - Aðgerðir til viðspyrnu vegna Covid19.
4.Snjósöfnun við Suðurgötu 70 Siglufirði
5.Æfingarsvæði á Hóli, erindi frá Golfklúbbi Siglufjarðar
6.22.grein náttúruverndarlaga
8.Kennitölur á vegum Fjallabyggðar
9.Brunavarnaáætlun Fjallabyggðar 2020-25 og framkvæmdaáætlun
10.Rekstraryfirlit - 2020
11.Tillaga H-listans v. framkvæmda á árinu - Covid- 19
13.Athugasemd við frumvarp um flutningsjöfnun
14.Tillaga að umsögn um lagafrumvarp
17.Til umsagnar 666. mál frá nefndsviði Alþingis
18.Fundargerð 7. fundar stjórnar SSNE
Fundi slitið - kl. 09:40.
Meirihluti bæjarráðs harmar að ekki sé fyrir hendi vilji hjá minnihluta að standa saman að þeim aðgerðum sem nú er gripið til vegna COVID-19. Formaður bæjarráðs hafði samband við H-listann á laugardag og bauð forsvarsmönnum listans fulla aðkomu að þeirri tillögugerð sem er hér á dagskrá, ásamt og aðkomu að framhaldi þeirrar vinnu sem fram fer á komandi vikum og mánuðum. Þessu boði meirihluta hafnaði H-listinn í gær eftir að hafa fundað um málið.
Í ljósi ofangreinds þá leggur meirihluti bæjarráðs fram eftirfarandi tillögu er varðar frestun eindaga fasteignagjalda hjá fyrirtækjum í tímabundnum rekstrarvanda:
Gjaldendum verði heimilt að óska eftir því að eindagar fasteignagjalda sem áttu að vera 1. apríl, 1. maí, og 1. júní 2020 frestist um allt að 6 mánuði vegna Covid-19 og mögulegra áhrifa þeirrar farsóttar, enda verði óskað eftir því með tölvupósti á netfangið fjallabyggd@fjallabyggd.is.
Óskir um frestun eindaga skulu rökstuddar af umsækjanda og ákvörðun tekin á grundvelli þess rökstuðnings.
Að bæjarráð Fjallabyggðar veiti bæjarstjóra og deildarstjóra stjórnsýslu- og fjármála heimild til fullnaðarafgreiðslu umsókna er tengjast beiðni um frestun eindaga fasteignagjalda. Hafni starfsmenn umsókn er gjaldanda heimilt að skjóta ákvörðuninni til bæjarráðs.
Bæjarráð Fjallabyggðar samþykkir ofangreinda tillögu með tveimur atkvæðum, Helgu Helgadóttir D-lista og Nönnu Árnadóttur I-lista, varðandi frestun eindaga fasteignagjalda í samþykktri gjaldskrá fasteignagjalda árið 2020. Jón Valgeir Baldursson H-lista situr hjá.