Skipulags- og umhverfisnefnd Fjallabyggðar

Lagt fram að nýju Aðalskipulag Fjallabyggðar 2020-2032 eftir auglýsingu frá 16. apríl - 28. maí sl. Umsagnir bárust frá eftirtöldum aðilum á kynningartímanum: Heilbrigðiseftirliti Norðurlands vestra, Rarik, Dalvíkurbyggð, Samgöngustofu, Minjastofnun, Umhverfisstofnun og Vegagerðinni. Umsagnir og ábendingar bárust eftir auglýstan tíma frá Hafnarstjórn Fjallabyggðar og Veðurstofu Íslands. Skipulagsfulltrúi fór yfir samantekt athugasemda sem bárust og hvernig brugðist er við þeim í greinargerð skipulagsins. Einnig var lögð fram og rædd tillaga hafnarstjórnar um útvíkkun landnotkunarflokks hafnarsvæða í þéttbýlum Fjallabyggðar.

Lögð fram að nýju tillaga að breytingu á deiliskipulagi útivistarsvæðis í Hóls- og Skarðsdal. Tillagan sem var auglýst frá 16. apríl - 28. maí felur í sér að staðsetja námu í Skarðsdal vegna vinnu við nýjan veg og bílastæði. Umsagnir bárust frá Vegagerðinni, Umhverfisstofnun og Minjastofnun.

Lögð fram drög að deiliskipulagsbreytingu Hafnarsvæðis á Siglufirði. Breytingartillagan , sem telst óveruleg, nær til Tjarnargötu 16 og utan um nýjan byggingarreit dælubrunns við suðausturhorn lóðarinnar. Ástæða breytingarinnar er færsla dælubrunns sem nær að hluta inn á lóð Tjarnargötu 16 og koma þannig til móts við dóm sem féll 7. apríl sl.

Lögð fram umsókn um byggingarleyfi dagsett 5.5.2021 þar sem Konráð Baldvinsson sækir um leyfi fyrir hönd Selvíkur ehf., fyrir fjölgun fasteignanúmera úr tveimur í sjö skv. meðfylgjandi skráningartöflu og teikningum.

Lögð fram umsókn um byggingarleyfi þar sem Björgvin Karl Gunnarsson sækir um leyfi fyrir niðurrifi og byggingu nýs stiga og steyptu plani í samræmi við meðfylgjandi teikningar.

Lögð fram umsókn um byggingarleyfi dagsett 12.05.2021 þar sem Ari Elísson sækir um leyfi fyrir hönd Olíudreifingar á niðurrifi tveggja eldsneytisgeyma á lóðinni Ránargötu 4 í tengslum við gildandi byggingarleyfi nr. 1508013. Frágangur og framkvæmd verður í samræmi við fyrirliggjandi leyfi.

Lögð fram umsókn um byggingarleyfi dagsett 31.5.2021 þar sem L-7 ehf. sækir um leyfi fyrir hönd Fiskmarkaðarins fyrir klæðningu á húsið með standandi báruáli, endurnýjun glugga og uppsetningu nýrrar ráphurðar á vesturhlið hússins.

Lögð fram umsókn um byggingarleyfi dagsett 31.5.2021 þar sem eigendur Hafnartúns 6 sækja um leyfi fyrir byggingu bíslags í samræmi við meðfylgjandi teikningar.

Lagt fram erindi dagsett 11.5.2021 þar sem Haukur Guðmundsson sækir um frest til að skila inn teikningum fyrir Skógarstíg 10. Áætlað er að framkvæmdir hefjist vorið 2022.

Lagt fram erindi Ásdísar Gunnlaugsdóttur og Bryngeirs Kristinssonar þar sem óskað er eftir staðfestingu sveitarfélagsins á landamerkjum frístundalóðar úr landi Ósbrekku skv. hnitsettum uppdrætti, einnig að lóðin sem í dag er skráð á þrjú landnúmer verði sameinuð í eitt landnúmer undir nafninu Ósbrekka 2.

Lögð fram svohljóðandi tillaga Helga Jóhannssonar:

1. Skipulags- og umhverfisnefnd leggur til við bæjarstjórn að einbýlishúsalóðir við Bakkabyggð í Ólafsfirði, austan við nr. 5 og 8 verði að nýju lausar til úthlutunar.

2. Komið verði upp betra korti á vef Fjallabyggðar yfir lausar lóðir í sveitarfélaginu þannig að með auðveldum hætti sé hægt að sjá hvar lausar lóðir eru staðsettar.

3. Einnig er lagt til við bæjarstjórn að við gerð fjárhagsáætlunar ársins 2022 verði gert ráð fyrir að klára Bakkabyggð austur að Mararbyggð með malbikun, í stað þess að skilja helming eftir eins og nú er lagt upp með.

Það er alls ekki boðlegt að bjóða íbúum í nágrenni við Bakkabyggð upp á ókláraða götu með tilheyrandi foki á jarðvegi yfir nágrennið. Svo eigum við að sína metnað í að svæðið líti vel út svo þeir sem eru að spá í lausar lóðir fái betri mynd af því þegar götur og gangstéttar eru fullbúnar.

Lögð fram umsókn dagsett 1.6.2021 þar sem Sölvi Sölvason og Finnur Ingi Sölvason sækja um raðhúsalóð nr. 30-38 við Eyrarflöt, Siglufirði.

Lögð fram umsókn Hilmars Þórs Hreiðarssonar f.h. húsfélagsins á Hvanneyrarbraut 58 þar sem óskað er eftir endurnýjun á útrunnum lóðarleigusamning svo hægt sé að þinglýsa afsali vegna sölu íbúðar í húsinu.

Lagðar fram tillögur skipulags- og umhverfisnefndar að umhverfisverkefnum og kostnaðaráætlun verkefna.

Lagt fram til kynningar erindi Áskels Þórissonar f.h. Landgræðslunnar þar sem óskað er eftir umsögnum um drög að landgræðsluáætlun 2021-2031.

Lögð fram umsókn Múlatinds ehf. um stöðuleyfi gáms sem staðsettur yrði bakvið hús Múlatinds við Múlaveg 13.

Lagt fram erindi Skógræktarinnar, dags. 10.05.2021 þar sem fram kemur að Skógræktin og Landgræðslan leita til sveitarfélaga til að taka þátt í Bonn - áskorun um útbreiðslu skóga sem er alþjóðlegt átak um útbreiðslu eða endurheimt skóga á stórum samfelldum svæðum eða landslagsheildum. Stjórnvöld hafa sett Íslandi það markmið innan Bonn-áskorunarinnar að auka verulega þekju birkiskóga og birkikjarrs en hún er nú 1,5% af flatarmáli landsins. Með verkefnum til útbreiðslu birkiskóga og birkikjarrs vilja íslensk stjórnvöld taka þessari áskorun og þar með auka landgæði, efla jarðvegsauðlindina og styrkja byggð í landinu. Fjármunir renna til slíkra verkefna á komandi árum af framlögum ríkisins til loftslagsaðgerða. Landgræðslan og Skógræktin óska nú eftir þátttöku sveitarfélaga og annarra hagsmunaaðila vítt og breitt um landið.

Lagt fram erindi Helga Jóhannssonar vegna vatnsleka í Héðinsfjarðargöngum.

Lagður fram til kynningar úrskurður úrskurðarnefndar umhverfis- og auðlindamála vegna kæru ákvörðunar bæjarstjórnar Fjallabyggðar frá 15. janúar 2021 um að samþykkja breytingu á deiliskipulagi við Skógarstíg 2 á Saurbæjarási.

Lagt fram til kynningar umburðarbréf vegna breytinga á jarðalögum 2021.