Fréttir

Sumaráætlun aksturs milli byggðakjarna tekur gildi 8. júní næstkomandi. Athugið að áætlunin verður endurskoðuð og uppfærð eftir þörfum í samræmi við nýtingu þjónustunnar yfir sumartímann. Við hvetjum notendur til að fylgjast með upplýsingum um mögulegar breytingar.

 273. fundur bæjarstjórnar Fjallabyggðar, verður haldinn í Tjarnarborg, Aðalgötu 13, Ólafsfirði 25. júní 2026 kl. 17:00. 

Berjadagar tónlistarhátíð – Olafsfjordur Music Festival verður haldin 26. júní–28. júní í Ólafsfirði, frá föstudagsmorgni til sunnudagskvölds. Þar verða flutt einleiksverk, óperuaríur, íslensk sönglög, þjóðlög og spuni og koma fram tveir af allra fremstu óperusöngvurum landsins, þau Sigrún Hjálmtýsdóttir og Hrólfur Sæmundsson.

Þjóðhátíðarhöld 17. júní í Fjallabyggð tókust vel þrátt fyrir að veðrið hafi sett strik í reikninginn. Þegar leið á daginn fór að hvessa verulega og regndropar fóru að láta á sér kræla. Af þeim sökum var ákveðið að færa hátíðardagskrána inn í íþróttahúsið í Ólafsfirði.

Fjölbreytt hátíðardagskrá verður í Fjallabyggð á þjóðhátíðardaginn 17. júní.

Lokun sundlaugarinnar á Siglufirði vegna framkvæmda hefst 15. júní 2026. Af því tilefni býður Íþróttamiðstöð Fjallabyggðar eigendum sund- og líkamsræktarkorta að frysta kort sín á meðan á framkvæmdum stendur.

Vatnslaust verður í íþróttamiðstöð Siglufjarðar frá og með mánudeginum 15. júní. Gestir í tækjasal og íþróttahúsi komast því ekki á salerni, geta ekki farið í sturtu né fengið sér vatn að drekka úr krana.

Bæjarstjóri gegnir lykilhlutverki í þróun sveitarfélagsins og leiðir daglegan rekstur þess í samstarfi við bæjarstjórn, starfsfólk og íbúa. Leitað er að einstaklingi sem hefur hæfni til að leiða fjölbreytt verkefni, halda uppi háu þjónustustigi, byggja upp traust samstarf og skapa sameiginlega sýn um áframhaldandi uppbyggingu og velferð samfélagsins.

Framkvæmdir eru hafnar við Þjóðveg í þéttbýli, áfanga 3 á Ólafsfirði. Framkvæmdasvæðið nær frá Ægisbyggð til Tjarnarstígs að sunnanverðu og frá Ólafsvegi að Garðstíg að norðan. Framkvæmdir standa til 16. september.