Bæjarráð Fjallabyggðar

Niðurstaða færð í trúnaðarbók

Fyrir liggur tillaga bæjarstjóra að tilfærslum innan fjárfestingaáætlunar fyrir árið 2025 sem hefur í för með sér lækkun á fjárfestingum á árinu og hækkun á handbæru fé um ríflega 1,5 milljónir króna. Rekstrarniðurstaða A og B hluta breytist ekki frá fyrri viðauka.

Fyrir liggja drög að samkomulagi við Golfklúbb Fjallabyggðar (GFB) um ráðstöfun fjármuna sem áður var búið að samþykkja í uppbyggingu bílastæðis og golfskála í Skeggjabrekkudal á árinu 2025.

Fyrir liggur uppfærsla á áður samþykktum samstarfssamningi Fjallabyggðar og hestamannafélagsins Glæsis fyrir árin 2025-2029 en uppfæra þarf samninginn m.a. vegna skipulagsbreytinga í Hólsdal í tengslum við veglagningu að fyrirhuguðum Fljótagöngum.

Fyrir liggur vinnuskjal vegna möguleika á rekstrarfyrirkomulagi upplýsingamiðstöðvar Fjallabyggðar næsta sumar.

Lögð fram tillaga bæjarstjóra yfir greiðslur og skiptingu framlags til stjórnmálasamtaka fyrir árið 2025 í samræmi við ákvæði 5.gr. laga nr. 162/2006. Samtals er lagt til kr. 490.684 framlag sem skiptist á milli stjórnmálasamtaka í Fjallabyggð í samræmi við atkvæðafjölda í síðustu sveitarstjórnarkosningum eins og lög gera ráð fyrir. Gert er ráð fyrir greiðslunni í fjárhagsáætlun líðandi árs.

Fyrir liggur samantekt á mótteknum umsóknum félaga og félagasamtaka um styrk til greiðslu fasteignaskatts árið 2026 í samræmi við reglur sem um slíka styrki gildir.

Fyrir liggur beiðni frá lögmannsstofunni Megin um gögn vegna málsnúmers 2408040, Fráveitukerfi á Siglufirði, og tengist tjóni er varð vegna hamfaraúrkomu í ágúst 2024.

Fyrir liggur niðurstaða stýrihóps um eignarhlut sveitarfélaga í hjúkrunarheimilinum.

Fyrir liggja vinnuskjöl frá tveimur fundum skipulags- og framkvæmdasviðs.

Fyrir liggur ákvörðun heilbrigðisráðherra um að fela Heilbrigðisstofnun Norðurlands að taka við rekstri 22 hjúkrunarrýma á Hornbrekku. Fram kemur að lögð sé áhersla á að tryggja að við ferlið verði ekki rof í þjónustu eða öryggi starfsmanna og íbúa verði ekki raskað.

Með fundarboði bæjarráðs fylgdi yfirlit launakostnaðar fyrir tímabilið janúar - nóvember 2025. Áfallinn launakostnaður er 99,3% af tímabilsáætlun.

Fyrir liggur afrit af erindi frá sveitarstjórn Eyjafjarðarsveitar til Heilbrigðisráðuneytis dagsett 20.nóvember 2025.

Fyrir liggur tillaga til þingsályktunar um samgönguáætlun fyrir árin 2026-2040 ásamt fimm ára áætlun fyrir árin 2026-2030 þar sem gert er ráð fyrir að framkvæmdir vegna Fljótaganga geti hafist á árinu 2026. Innviðaráðherra kynnti áætlunina á fundi þann 3.desember 2025.

Fyrir liggur fundargerð starfshóps um skipulag í Leikskóla Fjallabyggðar frá 12. nóvember s.l.

Innviðaráðuneytið kynnir til samráðs „Endurskoðun stjórnvaldsfyrirmæla um Jöfnunarsjóð sveitarfélaga eftir setningu laga nr. 56/2025“. Umsagnarfrestur er til og með 16. desember n.k.

Fyrir liggja fundargerðir nefnda og stjórna Fjallabyggðar