Starfsaðstæður og skipulag í Leikskóla Fjallabyggðar

Fræðslu- og frístundanefnd leggur til við bæjarráð að skipaður verði vinnuhópur sem hafi það að markmiði að skoða kosti og galla breytinga á starfaðstæðum í Leikskóla Fjallabyggðar. Horft verði til þess að mögulegar breytingar taki gildi frá og með næsta skólaári.

Rætt um húsnæðismál Leikhóla Ólafsfirði. Fjöldi barna á deildum er kominn að þolmörkum. Nauðsynlegt er að ráðast í aðgerðir til lausna. Fræðslu- og frístundanefnd óskar eftir hugmyndum frá starfsfólki Leikhóla.

Bæjarráð samþykkir drög að erindisbréfi vinnuhóps um gjaldfrjálsan leikskóla. Hópinn munu skipa:
Kristín María Hlökk Karlsdóttir skólastjóri Leikskóla Fjallabyggðar,
Björk Óladóttir deildarstjóri í stjórnendateymi Leikskóla Fjallabyggðar, fulltrúi/fulltrúar skipaðir af fræðslu- og frístundanefnd, Sigríður Guðrún Hauksdóttir forseti bæjarstjórnar og
Ríkey Sigurbjörnsdóttir deildarstjóri fræðslu-, frístunda- og menningarmála.

Fræðslu- og frístundanefnd tilnefnir Katrínu Freysdóttur sem fulltrúa nefndarinnar í vinnuhóp um bættar starfsaðstæður og gjaldfrjálsan leikskóla. Vinnuhópurinn mun taka til starfa á nýju ári. Katrín mun halda nefndinni upplýstri um vinnuna.

Undir þessum lið sátu Kristín María Hlökk Karlsdóttir skólastýra Leikskóla Fjallabyggðar, Halldóra H. Hafdísardóttir fulltrúi starfsmanna og Sæunn Gísladóttir fulltrúi foreldra.
Fulltrúi fræðslunefndar í vinnuhópi um Betri starfsaðstæður í Leikskóla Fjallabyggðar og Kristín María skólastjóri leikskólans fóru yfir vinnu hópsins með fundarmönnum. Góður gangur er í vinnunni.

Fræðslu- og frístundanefnd þakkar Vinnuhópi um betri leikskóla fyrir vel unnin störf til þessa. Farið var yfir stöðu vinnunnar á þessum tímapunkti.

Undir þessum lið sátu Kristín María Hlökk Karlsdóttir skólastjóri Leikskóla Fjallabyggðar, Björk Óladóttir deildarstjóri, Sæunn Gísladóttir fulltrúi foreldra og Sigurbjörg Steinsdóttir fulltrúi starfsmanna leikskólans. Þá sat Sigríður Guðrún Hauksdóttir, fulltrúi bæjarstjórnar í Vinnuhópi um betri leikskóla, undir þessum dagskrárlið.
Fræðslu- og frístundanefnd þakkar vinnuhópnum fyrir kynninguna. Teknar voru niður athugasemdir og spurningar varðandi hugmyndir hópsins sem unnið verður úr í framhaldinu. Á miðvikudaginn verður haldin kynning fyrir íbúa Fjallabyggðar og foreldrar leikskólabarna sérstaklega hvattir til að mæta. Vinnuhópur stefnir að skilum á lokaskýrslu fyrir 1. maí nk.

Bæjarráð þakkar vinnuhópnum fyrir góða vinnu og vísar skýrslu hópsins til umfjöllunar og afgreiðslu í bæjarstjórn.

Fræðslu- og frístundanefnd samþykkir niðurstöðu og tillögur starfshópsins fyrir sitt leyti og vísar til afgreiðslu bæjarstjórnar.

Bæjarstjórn Fjallabyggðar þakkar vinnuhópi um betri leikskóla fyrir mikla og góða vinnu sem hefur skilað sér í þeim tillögum sem nú liggja fyrir.

Eins og fram kemur í greinargerð vinnuhópsins þarf að taka tillit til ýmissa þátta í starfsumhverfi leikskóla og þjónustu við íbúa, s.s. styttingu vinnuviku starfsmanna, álags á starfsmönnum, samþætting við atvinnulífið, hófleg gjaldtaka og fleira. Tillagan sem hér liggur fyrir ber þess merki að taka verður tillit til allra þessara þátta og er einungis til eins árs og er því ekki hugsuð sem lausn til lengri tíma. Mikilvægt er að gera leikskólann að eftirsóknarverðum vinnustað og verði þá hægt að auka þjónustu við íbúa ef vel tekst til að manna í allar þær stöður sem stofnunin krefst.

Bæjarstjórn samþykkir fyrirliggjandi tillögu og leggur áherslu á að vinnuhópurinn starfi áfram með það að markmiði að bæta starfsumhverfi leikskólans og þar með þjónustu við íbúa til lengri tíma.

Nefndarmenn ræddu um hvernig til hefur tekist fram til þessa og ljóst mætti vera að aldrei yrði hægt að koma til móts við allar þarfir en nauðsynlegt að nálgast flesta hópa eins og kostur er. Gerð verður könnun meðal fyrirtækja og foreldar á fyrsta ársfjórðungi næsta árs.

Lagt fram til kynningar.

Leikskólastjóri fór yfir fyrirhugaða könnun sem samþykkt var að gera í tengslum við þær breytingar sem gerðar voru á opnunartíma og leikskólagjöldum. Könnunin fer fram í mars og nær til foreldra, fyrirtækja og stofnana. Ásgarður mun framkvæma könnunina. Samráðsfundur verður með Ásgarði 27. febrúar. Skólapúls verður lagður fyrir starfsfólk í mars.
Vel hefur gengið með eldri börnin í aðstöðunni í UÍF húsnæðinu og þau afskaplega ánægð.

Nefndarmenn þakka Kristínu fyrir yfirferðina.

Sviðsstjóri fór yfir stöðuna á fyrirhugaðri viðbyggingu á Leikhólum en gert er ráð fyrir að henni verði lokið 7. apríl.

Þegar farið var í breytingar á opnunartíma og gjaldskrá leikskólans var gert ráð fyrir að gera könnun meðal foreldra, atvinnulífs og starfsfólks. Starfshópurinn fékk Ásgarð til að framkvæma könnunina sem nú liggur fyrir. 88 foreldrar, 40 starfsmenn og 5 fyrirtæki svöruðu könnuninni.

Foreldrakönnun:
Niðurstöður úr foreldrakönnun sýna að tæplega helmingur foreldra sem svaraði könnununni telur föstudagslokun hafa haft talsverð neikvæð áhrif með tilliti til vinnu og afkomu. Um 39% telja að skráningadagar henti vel, 26% eru sátt við fyrirkomulagið en telja það of dýrt. Varðandi sex tíma vistun þá er meirihlutinn sem segir að vinnutíminn leyfi það ekki og sum segja að tekjutapið sé meira en sparnaðurinn. Tæp 41% höfðu ekki kynnt sér réttinn til tekjuafsláttar en tæp 50% sögðust ekki eiga rétt á slíkum afslætti.
Samantekið úr foreldrakönnunni má segja að sé óskin um lengri föstudagsopnun, auka þurfi sveigjanleika í sex tíma vistun og kostnaði við skráningardaga.
Einnig ber að geta þess að fram kom að núverandi fyrirkomulag væri gott og að breytingarnar hafi bætt mönnun og aukið stöðugleika.

Atvinnulífið:
Svör bárust frá fimm fyrirtækjum/stofnunum og samandregið má segja að áhrif styttri opnunar á föstudögum og skráningadagar hafi aukið fjarveru fólks úr vinnu. En 50% segja þó að þessi breyting hafi haft smávægileg áhrif á dagleg störf en 67% segja að föstudagsopnun henti illa.
Þrátt fyrir þetta eru 60% sem svara því til að núverandi kerfi henti betur en 40% vilja meiri sveigjanleika og jafnari opnun.

Starfsfólk:
Yfirgnæfandi meirihluti starfsfólks er ánægður með breytingarnar og telja vinnuálagið aðeins minna. Nær öll telja að föstudagslokunin sé af hinu góða og nýtist til styttingar vinnuvikunnar. Breytingin hefur haft mikil áhrif og fólk betur í stakk búið að takast á við veikindi og forföll - samheldnin hefur aukist. Skráningadagarnir og lokun milli jóla og nýárs nýtast vel til frítöku. Helst ber að geta að huga þarf enn frekar að svigrúmi til faglegs undirbúnings skólastarfs.
Starfsfólk telur að breytingarnir skili minni streitu, betri mönnun og betra faglegu starfi þrátt fyrir ýmsar áskoranir. Börnin eru almennt ánægðari og meiri ró í húsunum.

Tillögur frá leikskólastjóra eru að: 30 tíma vistun verði gjaldfrjáls og fari vistun fram úr þeim tíma greiðist fullt gjald fyrir alla vistun.
Aðrar breytingar sem hægt er að gera til að mæta því sem fram kom í könnunni er að gera 30 tíma vistunina sveigjanlegri yfir vikuna en lagt til að áfram verði lokað kl. 14 á föstudögum.

Leikskólinn mun funda með foreldarráði í vikunni.

Fyrir liggja fundargerðir starfshóps um starfsaðstæður og skipulag í Leikskóla Fjallabyggðar.