Viðauki við fjárhagsáætlun 2025

Með fundarboði bæjarráðs fylgdi viðauki nr. 1 við fjárhagsáætlun 2025. Í viðaukanum er gert ráð fyrir tilfærslum og leiðréttingum að upphæð kr. 44.378.938 og auknum framkvæmdum og færslu á framkvæmdum sem samþykktar voru árið 2024 að upphæð kr. 92.465.949. Mismunur er því kr. 48.087.011 og er fjárfestingarammi Eignasjóðs aukinn sem því nemur.

Með fundarboði bæjarráðs fylgdi viðauki nr. 2 við fjárhagsáætlun 2025. Í viðaukanum er gert ráð fyrir tilfærslum og hækkunum á fjárfestingum að upphæð kr. 17.000.000

Í samstarfssamningi við Skíðafélag Ólafsfjarðar um rekstur og uppbyggingu skíðasvæðis í Tindaöxl sem samþykktur var í desember 2024 er gert ráð fyrir framkvæmdafé vegna Bárubrautar að upphæð 5 milljónir fyrir árið 2025.

Við gerð fjárhagsáætlunar 2025 var ekki gert ráð fyrir þessu framkvæmdafé.

Með fundarboði bæjarráðs fylgdi útfærður viðauki nr. 3 við fjárhagsáætlun 2025. Í viðaukanum er fjárfestingarammi Eignasjóðs aukinn um 5 milljónir vegna framkvæmda við skíðasvæðið í Ólafsfirði. Viðaukanum verður mætt með lækkun á handbæru fé.

Fyrir liggur tillaga bæjarstjóra að tilfærslum innan fjárfestingaáætlunar fyrir árið 2025 sem hefur í för með sér lækkun á fjárfestingum á árinu og hækkun á handbæru fé um ríflega 1,5 milljónir króna. Rekstrarniðurstaða A og B hluta breytist ekki frá fyrri viðauka.