Fréttir

Leitað er eftir áhugasömum einstaklingi í 100% starf sem er tilbúinn til að leiða metnaðarfullt og öflugt frístundastarf barna og unglinga. Í Fjallabyggð er góð samvinna milli íþróttafélaga, grunnskóla, tónlistarskóla og sveitarfélags um fjölbreytt frístundastarf.

Grunnskóli Fjallabyggðar leitar að liðsauka í frábæran hóp starfsmanna skólans frá 1. ágúst 2026. Leitað er að einstaklingi sem er tilbúinn til að viðhalda og byggja upp öflugt skólasamfélag af dugnaði og atorku samkvæmt gildandi fræðslustefnu, með virðingu, metnað og gleði að leiðarljósi.

Þriðjudaginn 30. júní verður rafmagnslaust í Íþróttamiðstöð Siglufjarðar frá kl. 13:00–16:00 vegna framkvæmda.

Nú styttist í eina af rótgrónustu menningarhátíðum landsins þegar Þjóðlagahátíðin á Siglufirði verður haldin í 26. sinn dagana 1.–5. júlí. Hátíðin var fyrst haldin árið 2000 og hefur síðan fest sig í sessi sem einstakur vettvangur fyrir íslensk þjóðlög, heimstónlist og fjölbreytta menningarupplifun.

Staða skólastjóra Grunnskóla Fjallabyggðar var auglýst laus til umsóknar 7. apríl sl. Þrír umsækjendur voru um stöðuna.

Óskað er eftir áhugasömum rekstraraðila að skíðasvæðinu í Skarðsdal á Siglufirði með það að markmiði að auka aðsókn að svæðinu og halda áfram uppbyggingu á jákvæðri ímynd svæðisins.

 273. fundur bæjarstjórnar Fjallabyggðar, verður haldinn í Tjarnarborg, Aðalgötu 13, Ólafsfirði 25. júní 2026 kl. 17:00. 

Berjadagar tónlistarhátíð – Olafsfjordur Music Festival verður haldin 26. júní–28. júní í Ólafsfirði, frá föstudagsmorgni til sunnudagskvölds. Þar verða flutt einleiksverk, óperuaríur, íslensk sönglög, þjóðlög og spuni og koma fram tveir af allra fremstu óperusöngvurum landsins, þau Sigrún Hjálmtýsdóttir og Hrólfur Sæmundsson.

Þjóðhátíðarhöld 17. júní í Fjallabyggð tókust vel þrátt fyrir að veðrið hafi sett strik í reikninginn. Þegar leið á daginn fór að hvessa verulega og regndropar fóru að láta á sér kræla. Af þeim sökum var ákveðið að færa hátíðardagskrána inn í íþróttahúsið í Ólafsfirði.