Bæjarráð Fjallabyggðar

465. fundur 16. september 2016 kl. 08:00 í Ráðhúsi Fjallabyggðar, Gránugötu 24, Siglufirði
Nefndarmenn
  • Kristinn Kristjánsson varaformaður, F lista
  • S. Guðrún Hauksdóttir aðalmaður, D lista
  • Sólrún Júlíusdóttir áheyrnarfulltrúi, B lista
  • Hilmar Þór Elefsen varamaður, S lista
  • Gunnar Ingi Birgisson bæjarstjóri
  • Ólafur Þór Ólafsson deildarstjóri stjórnsýslu og fjármála
Fundargerð ritaði: Ólafur Þór Ólafsson deildarstjóri stjórnsýslu og fjármála

1.Beiðni um styrk vegna viðhalds/viðgerða á troðara og toglyftu

Málsnúmer 1608030Vakta málsnúmer

Á 462. fundi bæjarráðs, 23. ágúst 2016 var tekið fyrir erindi Skíðafélags Ólafsfjarðar, þar sem óskað var eftir styrk vegna viðgerða á troðara og lyftu með vísan til 2. greinar samnings Fjallabyggðar og félagsins. Bæjarráð frestaði afgreiðslu málsins og óskaði eftir umsögn frá deildarstjóra tæknideildar og deildarstjóra fræðslu-, frístunda- og menningarmála.
Á 464. fundi bæjarráðs, 6. september 2016 var umsögn lögð fram og í bæjarráð óskaði í framhaldi eftir því að fulltrúi skíðafélagsins kæmi á næsta fund bæjarráðs.

Á fund bæjarráðs kom fyrir hönd Skíðafélags Ólafsfjarðar, Kristján Hauksson.
Einnig mættu deildarstjóri tæknideildar Ármann Viðar Sigurðsson og deildarstjóri fræðslu- frístunda- og menningarmála, Kristinn J. Reimarsson.

Bæjarráð samþykkir viðhaldsstyrk að upphæð kr. 350 þúsund.

2.Yfirbreiðsla á sundlaugina í Ólafsfirði

Málsnúmer 1609034Vakta málsnúmer

Tekin fyrir beiðni forstöðumanns Íþróttamiðstöðva Fjallabyggðar, dagsett 9. september 2016, um endurnýjun á yfirbreiðslu fyrir sundlaugina í Ólafsfirði.

Á fund bæjarráð komu deildarstjóri fræðslu- frístunda- og menningarmála, Kristinn J. Reimarsson og deildarstjóri tæknideildar, Ármann V. Sigurðsson.

Bæjarráð samþykkir endurnýjun yfirbreiðslu og vísar til viðhaldsáætlunar næsta árs.

3.Úthlutun frítíma í íþróttamiðstöð Fjallabyggðar

Málsnúmer 1502029Vakta málsnúmer

Á fundi bæjarráðs þann 3.nóvember 2015 var lagt fram erindi Óskars Þórðarsonar, dagsett 29. október 2015, er m.a. varðaði akstur skólarútu í haustfríi grunnskólans og reglur um frítíma aðildarfélaga Ungmenna- og íþróttasambands Fjallabyggðar, sem Fjallabyggð veitir.
Bæjarráð samþykkti að vísa erindinu til umfjöllunar í fræðslu- og frístundanefnd.
Á 31. fundi fræðslu- og frístundanefndar, 5. september 2016 var samþykkt að leggja til að reglur um frítíma yrðu endurskoðaðar og tekið yrði tillit til athugasemda sem fram koma í bréfi Óskars Þórðarsonar.
Á 135. fundi bæjarstjórnar, 7. september 2016, var samþykkt að vísa þessu máli til umfjöllunar í bæjarráði.

Á fund bæjarráðs kom deildarstjóri fræðslu- frístunda- og menningarmála, Kristinn J. Reimarsson.

Bæjarráð samþykkir að reglur um frítíma verði endurskoðar. Jafnframt verði rekstrar- og þjónustusamningar endurskoðaðir.

4.Samningur við Sálfræðiþjónustu Norðurlands

Málsnúmer 1609033Vakta málsnúmer

Lagt fram minnisblað deildarstjóra fræðslu- frístunda- og menningarmála, Kristins J. Reimarssonar, dagsett 5. september 2016 er varðar samning vegna sálfræðiþjónustu.
Einnig voru lögð fram drög að samningi við Sálfræðiþjónustu Norðurlands.

Á fund bæjarráðs kom deildarstjóri fræðslu- frístunda- og menningarmála, Kristinn J. Reimarsson.

Bæjarráð samþykkir drög að samningi við Sálfræðiþjónustu Norðurlands.
Beiðni um viðbótarfjármagn vegna ársins 2016 að upphæð kr. 400.000 er frestað til næsta fundar.

5.Samningur um talmeinaþjónustu 2016-2018

Málsnúmer 1609037Vakta málsnúmer

Lagt fram minnisblað deildarstjóra fræðslu- frístunda- og menningarmála, Kristins J. Reimarssonar, dagsett 9. september 2016 er varðar samning vegna talmeinaþjónustu.
Einnig voru lögð fram drög að samningi við talmeinafræðingana Eyrúnu Svövu Ingvadóttur og Sonju Magnúsdóttur.

Á fund bæjarráðs kom deildarstjóri fræðslu- frístunda- og menningarmála, Kristinn J. Reimarsson.

Bæjarráð samþykkir drög að samningi við talmeinafræðingana Eyrúnu Svövu Ingvadóttur og Sonju Magnúsdóttur.

6.Aðsókn að tjaldsvæðum Fjallabyggðar 2016

Málsnúmer 1609028Vakta málsnúmer

Lagðar fram upplýsingar um aðsókn að tjaldsvæðum 2016.
Fjöldi gistinátta í Ólafsfirði á tímabilinu maí til ágúst er 368 en voru 227 gistinætur 2015.
Fjöldi gistinátta í Siglufirði á tímabilinu maí til ágúst er 4.185 en voru 3673 gistinætur 2015.

7.Breyting á launaáætlun vegna kjarasamninga

Málsnúmer 1609017Vakta málsnúmer

Á 464. fundi bæjarráðs, 6. september 2016, var lagður fram til kynningar útreikningur á þeim breytingum sem hafa orðið á launum vegna kjarasamninga 2016.
Bæjarráð samþykkti að vísa breytingu á launaáætlun til frekari umfjöllun til næsta fundar.

Lagður fram útreikningur á breytingum vegna kjarasamninga og einnig annarra breytinga.

Bæjarráð samþykkir að vísa breytinum á launaáætlun til umræðu á næsta fundi bæjarráðs.

8.Staðgreiðsla tímabils 2016

Málsnúmer 1603055Vakta málsnúmer

Lagt fram til kynningar yfirlit yfir staðgreiðslu útsvars á tímabilinu 1. janúar til 31. ágúst 2016.
Innborganir nema kr. 654,8 milljónum sem er 95,2% af tímabilsáætlun, sem gerði ráð fyrir 687,8 milljónum.

9.Íbúðarhúsnæði í Fjallabyggð

Málsnúmer 1609030Vakta málsnúmer

Lögð fram samantekt tæknifulltrúa á íbúðarhúsnæði í Fjallabyggð sem auglýst er á netinu til skammtímaleigu.

Bæjarráð felur tæknideild að senda eigendum auglýsts íbúðahúsnæðis bréf þar sem þeir eru hvattir til að sækja um leyfi til sölu gistingar og að álagningu fasteignaskatts verði breytt á þann veg að um sé að ræða atvinnuhúsnæði.

10.Heitt vatn til húshitunar á Reykjum.

Málsnúmer 1608018Vakta málsnúmer

Fyrirspurn barst frá Kristni E. Hrafnssyni 10.ágúst sl. um hvort bæjarfélagið geti sem landeigandi tryggt öllum sumarhúsaeigendum til jafns, heitt vatn til húshitunar á Reykjum í Ólafsfirði.

Fram kemur að Norðurorka hefur ekki uppi áform um sérstaka nýtingu á heitu vatni á þessum slóðum.

Bæjarráð samþykkir að óska eftir umsögn frá deildarstjóra tæknideildar.

11.Bílhræ í Ólafsfirði

Málsnúmer 1609025Vakta málsnúmer

Í erindi Júlíusar K. Magnússonar, dagsettu 5. september 2016, er vakin athygli á miklum fjölda ryðgaðra og ónýtra bílhræja, gáma og vinnutækja þegar farið er um Ólafsfjörð.
Bréfritari telur að þar sem ástand það sem hann gerir að umtalsefni fari aðeins versnandi, þá verði því miður ekki önnur ályktun dregin en að stjórnvaldið, stjórn bæjarfélagsins, sé að sýna alvarlega vanrækslu í þessu máli.

Bæjarráð tekur heilshugar undir ábendingar bréfritara og felur deildarstjóra tæknideildar að fylgja málinu eftir til betri vegar.
Til upplýsinga þá á Fjallabyggð aðild að Heilbrigðisnefnd Norðurlands vestra og Heilbrigðiseftirliti Norðurlands vestra.

12.Uppbygging innviða fyrir rafbíla á Norðurlandi

Málsnúmer 1609026Vakta málsnúmer

Tekið fyrir erindi frá Norðurorku, dagsett 6. september 2016 um uppbyggingu innviða fyrir rafbíla á Norðurlandi.

Bæjarráð samþykkir að fela bæjarstjóra og deildarstjóra tæknideildar að eiga fund með Norðurorku.

13.Síldarævintýri 2016

Málsnúmer 1607037Vakta málsnúmer

Lagt fram til kynningar afrit af erindi Atvinnuvega- og nýsköpunarráðuneytisins dagsett 1. september 2016, til Sýslumannsins á Norðurlandi eystra annars vegar og til Lögreglustjórans á Norðuralandi eystra hins vegar, vegna stjórnsýslukæru Fjallabyggðar vegna áforma um innheimtu löggæslukostnaðar á Síldarævintýrinu á Siglufirði 29. - 31. júlí 2016. Ráðuneytið óskar eftir því að gögn og upplýsingar er tengjast málinu og ekki hafa þegar komið fram, berist eigi síðar en 19. september nk.

14.Fjármálaráðstefna sveitarfélaga - 2016

Málsnúmer 1603066Vakta málsnúmer

Fjármálaráðstefna sveitarfélaga verður haldin dagana 22. og 23. september nk. í Reykjavík.
Bæjarráð samþykkir að bæjarráðsfulltrúar sæki ráðstefnuna, ásamt deildarstjóra stjórnsýslu- og fjármála.

15.Ársfundur Jöfnunarsjóðs sveitarfélaga 2016

Málsnúmer 1609031Vakta málsnúmer

Í bréfi Innanríkisráðuneytisins, dagsettu 6. september 2016, er boðað til ársfundar Jöfnunarsjóðs sveitarfélaga, miðvikudaginn 21. september n.k. kl 16:00 í Reykjavík.

Bæjarráð samþykkir að fulltrúi Fjallabyggðar verði formaður bæjarráðs Steinunn M. Sveinsdóttir.

16.Aðalfundur Samtaka sjávarútvegssveitarfélaga 2016

Málsnúmer 1609038Vakta málsnúmer

Boðað er til aðalfundar Samtaka sjávarútvegssveitarfélaga þann 23. september 2016 kl. 13:00 í Reykjavík. Með fundarboði fylgir dagskrá, drög að skýrslu stjórnar, ársreikningar sambandsins, tillaga að fjárhagsáætlun. Engar tillögur eru að lagabreytingum.

Bæjarráð samþykkir að fulltrúi Fjallabyggðar verði formaður bæjarráðs, Steinunn M. Sveinsdóttir.

17.Forsendur fyrir vinnslu fjárhagsáætlana árið 2017

Málsnúmer 1609029Vakta málsnúmer

Lagt fram til kynningar minnisblað frá Sambandi íslenskra sveitarfélaga, dagsett 30. ágúst 2016, um forsendur fyrir vinnslu fjárheimilda fyrir árið 2017 og fjárhagsáætlun til þriggja ára.

18.Kosningavaka ungs fólks

Málsnúmer 1609022Vakta málsnúmer

Lagt fram til kynningar hvatningarbréf, dagsett 26. ágúst 2016, frá Innanríkisráðuneytinu vegna verkefnisins "kosningavakning", sem nú þegar hefur verið sent til grunn-og menntaskóla landsins. Með verkefninu vilja stjórnvöld hvetja grunn- og framhaldsskóla til að efla lýðræðisvitund barna og ungmenna.

19.Námsleyfasjóður hefur opnað fyrir umsóknir

Málsnúmer 1609027Vakta málsnúmer

Lögð fram tilkynning til grunnskóla, skólaskrifstofa, fræðslunefnda og framkvæmdastjóra sveitarfélaga þar sem athygli er vakin á að Námsleyfasjóður hefur opnað fyrir umsóknir um námsleyfi grunnskólakennara og stjórnenda grunnskóla skólaárið 2017-2018. Umsóknarfrestur er til og með 3. október 2016.

20.Fundargerðir Samtaka sjávarútvegssveitarfélaga - 2016

Málsnúmer 1601006Vakta málsnúmer

Lögð fram til kynningar fundargerð 29. fundar stjórnar Samtaka sjávarútvegssveitarfélaga frá 5. september 2016.

21.Fundargerðir stjórnar Sambands íslenskra sveitarfélaga - 2016

Málsnúmer 1601008Vakta málsnúmer

Lögð fram til kynningar fundargerð 842. fundar stjórnar Sambands íslenskra sveitarfélaga, frá 2. september 2016.

Í tengslum við 10. lið fundargerðar óskar bæjarráð eftir upplýsingum frá forstöðumanni Hornbrekku varðandi endurskoðun daggjalda, gerð þjónustusamninga og hvernig það komi út fyrir Hornbrekku.

Fundi slitið.