Skipulags- og umhverfisnefnd Fjallabyggðar

Lögð fram tillaga að deiliskipulagi hafnar- og athafnasvæðis í Ólafsfirði dagsett 25. júní 2021, sem kynnt var fyrir opnu húsi þann 27. maí sl.

Lögð fram fyrirspurn Róberts Guðfinnssonar f.h. Selvíkur ehf. vegna fyrirhugaðra breytinga á útliti og starfsemi Gránugötu 15B. Áætlað er að breyta húsnæðinu í svítur og útlit hússins mun svipa til Sigló Hótels skv. meðfylgjandi drögum að hönnun. Inngangur yrði á norðurgafli hússins og bílastæði í sundinu við norðurenda hússins. Óskað er eftir umsögn nefndarinnar um verkefnið áður en ráðist verður í frekari hönnun. Einnig er lagt fram minnisblað skipulags- og tæknifulltrúa vegna málsins þar sem rakin er skipulagsleg staða lóðarinnar og hvaða skilyrði þyrfti að uppfylla til að þetta yrði að veruleika.

Lagt fram erindi Sturlaugs Fannars Þorsteinssonar dags. 3.júní 2021 þar sem óskað er eftir leyfi til að staðsetja garðkofa við lóðamörk Túngötu 26 og bæjarlands.

Lögð fram umsókn um byggingarleyfi dagsett 16. júní 2021 þar sem Hreinn Júlíusson sækir um leyfi fyrir hönd hestamannafélagsins Glæsis, fyrir því að setja þak yfir gang meðfram kaffistofu félagsins í samræmi við meðfylgjandi teikningar.

Lögð fram umsókn um byggingarleyfi dagsett 25. júní 2021 þar sem Konráð Karl Baldvinsson sækir um leyfi fyrir hönd Selvíkur ehf, til að setja þrjár hurðir á norðurhlið og eina hurð á austurhlið Snorrabrautar 6 í samræmi við meðfylgjandi teikningar.

Lögð fram umsókn um byggingarleyfi dagsett 23. júní 2021 þar sem Brynhildur R. Vilhjálmsdóttir sækir um leyfi til að hækka skorstein á Bylgjubyggð 4 um 1 meter samhliða viðgerðum sem hann er að fara í. Skorsteinninn mun ekki hafa áhrif á sjónlínu nágranna eða vera líti á heildarútliti hússins.

Lögð fram umsókn um byggingarleyfi dagsett 24. júní 2021 þar sem Olíudreifing ehf. sækir um leyfi fyrir hönd Skeljungs hf., til niðurrifs á tveimur gasolíugeymum.

Lögð fram umsókn um byggingarleyfi dagsett 27. júní 2021 þar sem Hermann Resinger sækir um leyfi fyrir nýrri hurð á austurhlið hússins, stærri glugga á norðurhlið hússins og nýjan glugga á suðurhlið hússins í samræmi við meðfylgjandi teikningar. Einnig er lögð fram umsögn Minjastofnunar Íslands þar sem ekki eru gerðar athugasemdir við fyrirhugaðar breytingar.

Lögð fram umsókn um byggingarleyfi dagsett 14. júní 2021 þar sem Ellert Magnús Ólafsson sækir um leyfi fyrir brottflutning á sumarhúsi af lóðinni Hólkot 6.

Lagt fram erindi dagsett 7. júní 2021 þar sem Vignir Þór Siggeirsson og Katrín Jónsdóttir sækja um lóð nr. 6 við Bakkabyggð.

Þar sem skilyrði til lóðarúthlutunar hafa ekki verið uppfyllt er lóðarúthlutun Sólarstígs 3, frá 14. október 2020 afturkölluð.

Lagt fram erindi dagsett 19. júní 2021 þar sem Brent Ozar sækir um frístundalóð nr. 4 við Ráeyrarveg á Saurbæjarási.

Lagt fram erindi dagsett 25. júní 2021 þar sem Konráð Karl Baldvinsson sækir um bílastæðalóð nr. 4 við Snorragötu f.h. eigenda Selvíkur ehf. þar sem áætlað er að útbúa bílastæði í samræmi við deiliskipulag Snorragötu. Einnig óska eigendur eftir viðræðum um samstarf við uppsetningu og rekstur hraðhleðslustöðva við væntanleg bílastæði.

Lögð fram drög að lóðarleigusamning við Mílu hf. vegna nýrrar lóðar undir fjarskiptastöð sem staðsett er við vesturhöfn í Ólafsfirði.

Lagt fram erindi dagsett 28. júní þar sem Páll Emil Beck og Lilja Guðný Guðmundsdóttir sækja um endurnýjun á lóðarleigusamningi við Hlíðarveg 25A.

Lagðar fram tvær tillögur að bættu umferðaröryggi við leikskólann Leikhóla í Ólafsfirði.

Lögð fram drög að breytingum á samþykktum um búfjárhald í Fjallabyggð ásamt vinnuskjali tæknifulltrúa, dags. 25.03.2021.

Lagðar fram til kynningar umsagnir sem bárust vegna kynningar á skipulagslýsingu deiliskipulags þjóðvega í þéttbýlum Fjallabyggðar sem unnin var af Mannviti.

Lögð fram til kynningar krafa um endurupptöku máls til úrskurðarnefndar umhverfis- og auðlindamála, vegna hliðrunar á byggingarreit við Skógarstíg 2. Einnig lagt fram svar Fjallabyggðar vegna kröfunnar.

Lögð fram til kynningar samskipti bæjarstjóra við Vegagerðina vegna vatnsleka í Héðinsfjarðargöngum og viðhaldsþörf á malbiki í göngunum.

Nefndin fór yfir stöðu umhverfisverkefna sem samþykkt voru á síðasta fundi þann 2. júní sl.