Lögð fram fyrirspurn Róberts Guðfinnssonar f.h. Selvíkur ehf. vegna fyrirhugaðra breytinga á útliti og starfsemi Gránugötu 15B. Áætlað er að breyta húsnæðinu í svítur og útlit hússins mun svipa til Sigló Hótels skv. meðfylgjandi drögum að hönnun. Inngangur yrði á norðurgafli hússins og bílastæði í sundinu við norðurenda hússins. Óskað er eftir umsögn nefndarinnar um verkefnið áður en ráðist verður í frekari hönnun. Einnig er lagt fram minnisblað skipulags- og tæknifulltrúa vegna málsins þar sem rakin er skipulagsleg staða lóðarinnar og hvaða skilyrði þyrfti að uppfylla til að þetta yrði að veruleika.