Framkvæmda-, hafna og veitunefnd Fjallabyggðar

Erindisbréfið hefur þegar verið samþykkt í bæjarstjórn og hafa nefndarmenn kynnt sér það.

Gert er ráð fyrir að nefndin fundi mánaðarlega og verður skipulag funda rætt fyrir næsta fund nefndarinnar.

Sviðsstjóri og bæjarstjóri fóru yfir stöðu einstakra verkefna á framkvæmdaáætlun fyrir árið 2025 og upplýsti nefndina um þær tilfærslur sem gerðar hafa verið. Nefndin gerir ekki athugasemdir við stöðu framkvæmdaáætlunar fyrir árið 2025.

Sviðsstjóri og bæjarstjóri fóru yfir nokkrar hugmyndir varðandi ýmsar framkvæmdir sem nauðsynlegt er að fara í á næsta ári. Áfram verður unnið að tillögum að áætlun um framkvæmdir og kostnaðarmati á fyrirhuguðum framkvæmdum.

Nefndin óskar eftir frekari upplýsingum varðandi úttekt á fráveitu Ólafsfjarðar líkt og Verkís gerði fyrir fráveitu Siglufjarðar á síðasta ári og skilað var í byrjun árs 2025. Nefndin leggur áherslu á að úttekt fráveitu í Ólafsfirði verði hraðað eins og kostur er.

Nefndin óskar eftir því að skýrsla Verkís um fráveitu á Siglufirði verði kynnt nefndarfólki á næsta fundi nefndarinnar.

Rekstur hafnarinnar það sem af er ári er að mestu í samræmi við áætlanir.
Í ljósi þeirrar þróunar sem fyrirsjáanleg er fyrir næsta rekstrarár m.a. með færri komum skemmtiferðaskipa leggur nefndin áherslu á að skoðaðir verði möguleikar á allri hagræðingu er snýr að rekstri Fjallabyggðarhafna. Nefndin felur hafnarstjóra og sviðsstjóra að leggja fram tillögur um útfærslur á starfsmannahaldi og öðrum rekstrarþáttum fyrir næsta fund nefndarinnar.

Í ljósi þeirra upplýsinga er fyrir liggja varðandi hugsanlega færslu á flotbryggju í innri höfninni á Siglufirði felur nefndin hafnarstjóra og sviðsstjóra að leita ráðgjafar Vegagerðar um mögulegar útfærslur. Jafnframt felur nefndin hafnarstjóra að leggja fram tillögur að reglum um úthlutun leguplássa við flotbryggjuna og skipulag fyrir næsta fund.

Nefndin leggur áherslu á að fyrir næsta framkvæmdaár verði fundað með verktökum í Fjallabyggð tímanlega og áætluð verkefni kynnt þannig að verktakar hafi tækifæri til þess að skipuleggja starfsemi sína í samræmi við fyrirhugaðar framkvæmdir.

Nefndin óskar eftir að á næsta fundi verði innkaupareglur Fjallabyggðar kynntar nefndarfólki.

Nefndin óskar eftir samantekt á sorphirðumálum og förgun í sveitarfélaginu fyrir næsta fund til kynningar.

Jafnframt var óskað eftir upplýsingum um stöðu mála varðandi nýjan kirkjugarð í Ólafsfirði og mun sviðsstjóri setja sig í samband við sóknarnefnd varðandi næstu skref í málinu.

Sviðsstjóra og hafnarstjóra falið að skoða frágang og merkingar á löndunarkrönum við höfnina með hafnarvörðum.

Framkvæmda-, hafna- og veitunefnd Fjallabyggðar lýsir áhyggjum sínum af þeirri þróun sem augljóslega er í bókun skemmtiferðaskipa fyrir næsta sumar og tekur undir bókun bæjarráðs frá 31. júlí s.l. þar sem skorað er á stjórnvöld að endurskoða lagasetningu sem heimilar aukna skattlagningu skemmtiferðaskipa með þessum afleiðingum.

Lagðar fram aflatölur fyrir tímabilið 1. janúar - 31.júlí 2025. Á Siglufirði er búið að landa um 6.100 tonnum í 872 löndunum á árinu 2025 á móti 7.200 tonnum í 1.037 löndunum á sama tímabili á síðasta ári. Í Ólafsfirði er búið að landa um 57 tonnum í 53 löndunum á móti 131 tonni í 110 löndunum á sama tímabili á síðasta ári. Afli í heild er því um 1.200 tonnum minni heldur en á sama tímabili á árinu 2024 skv. upplýsingum frá Fjallabyggðarhöfn.