Færsla á flotbryggju í innri höfn, Siglufirði

Hafnarstjórn felur deildarstjóra tæknideildar að kostnaðarmeta framkvæmdina og eiga samtal við Vegagerðina vegna kostnaðarþátttöku í verkinu.

Hafnarstjórn þakkar deildarstjóra tæknideildar fyrir kostnaðarmatið og leggur áherslu á að málið verði skoðað í heildarsamhengi við hugsanlegar aðrar viðbætur á flotbryggjum og lengingu á grjótgörðum í innri höfn.

Í ljósi þeirra upplýsinga er fyrir liggja varðandi hugsanlega færslu á flotbryggju í innri höfninni á Siglufirði felur nefndin hafnarstjóra og sviðsstjóra að leita ráðgjafar Vegagerðar um mögulegar útfærslur. Jafnframt felur nefndin hafnarstjóra að leggja fram tillögur að reglum um úthlutun leguplássa við flotbryggjuna og skipulag fyrir næsta fund.