Bæjarráð Fjallabyggðar

Á fund bæjarráðs kom settur sparisjóðsstjóri AFLs-sparisjóðs, Jóel Kristjánsson og upplýsti um stöðu sjóðsins.

Á fund bæjarráðs mætti framkvæmdastjóri Knattspyrnufélags Fjallabyggðar, Óskar Þórðarson og fór yfir starfsemi félagsins.

116. fundur bæjarstjórnar, 27. maí 2015, samþykkti að vísa afgreiðslu 19. fundar fræðslu- og frístundanefndar frá 21. maí 2015, um umsókn leikskólakennara við leikskóla Fjallabyggðar um námsleyfi, til fullnaðarafgreiðslu bæjarráðs.

395. fundur bæjarráðs, 2. júní 2015, óskaði eftir því að leikskólastjóri og deildarstjóri fjölskyldudeildar kæmu á næsta fund bæjarráðs.

Á fund bæjarráðs komu deildarstjóri fjölskyldudeildar, Hjörtur Hjartarson og leikskólastjóri, Olga Gísladóttir og svöruðu fyrirspurnum um námsleyfisumsóknina og námsleyfi almennt.

Bæjarráð telur að ekki eigi að vera fleiri en einn leikskólakennari að jafnaði í launuðu námsleyfi hverju sinni.

Bæjarráð samþykkir umsóknina.

Undir þessum dagskrárlið vék Steinunn María Sveinsdóttir af fundi. Í hennar stað kom Hilmar Elefsen.

Fyrirhugað er að halda norræna strandmenningarhátíð 2018 á Siglufirði. Lögð var fram staðfesting frá stjórn Síldarminjasafns Íslands ses um þátttöku í hátíðinni með framlagi að upphæð kr. 1,5 milljón.

Bæjarráð leggur til við bæjarstjórn að Fjallabyggð taki þátt í hátíðinni með framlagi til jafns á við Síldarminjasafn Íslands ses.

Rekstrarniðurstaða Fjallabyggðar fyrir fyrstu fjóra mánuði ársins 2015, er 23,2 milljónum betri en tímabilsáætlun gerir ráð fyrir, 2,5 millj. í stað 25,7 millj.
Tekjur eru 51,3 millj. hærri en áætlun, gjöld 32,6 millj. hærri og fjárm.liðir 4,5 millj. lægri.

Lagt fram til kynningar yfirlit yfir staðgreiðslu útsvars fyrir tímabilið janúar - maí 2015.

Málinu frestað.

Á 395. fundi bæjarráðs, 2. júní 2015, var lagt fram erindi frá stjórn Hestamannafélagsins Gnýfara, í Ólafsfirði, þar sem óskað er eftir rökstuðningi á afgreiðslu skipulags- og umhverfisnefndar og bæjarstjórnar vegna bréfs félagsins frá 26. ágúst 2014.

Bæjarráð samþykkti að óska eftir umsögn deildarstjóra tæknideildar.

Umsögn deildarstjóra lögð fram.

Bæjarráð tekur undir rökstuðning og skýringar deildarstjóra tæknideildar við erindi Hestamannafélagsins Gnýfara.

Lögð fram drög að samkomulagi við Eureka Golf ehf um hönnun á tjald- og útivistarsvæði á Leirutanga í Siglufirði.

Bæjarráð samþykkir fyrirliggjandi drög og felur deildarstjóra tæknideildar að undirrita.

Lögð fram beiðni frá Sýslumanninum á Norðurlandi eystra dagsett 4. júní 2015 er varðar umsögn um nýtt rekstrarleyfi til sölu gistinga og veitinga á hóteli á Snorragötu 3, Siglufirði.

Bæjarráð gerir ekki athugasemd við þau atriði sem tilheyra umsögn er varðar afgreiðslutíma og staðsetningu.

Lagt fram til kynningar erindi bæjarstjóra, dagsett 4. júní 2015, til Norðurorku vegna málefnis Golfklúbbs Ólafsfjarðar og afsláttarbeiðni á heitu vatni til almenningssundlauga.

Lagður fram undirritaður ræktunarsamningur milli Fjallabyggðar og Skógræktarfélags Siglufjarðar um skógrækt austan Hólsár í Siglufirði.

Samkvæmt ákvæðum samningsins öðlast hann gildi þegar fulltrúar beggja aðila hafa undirritað samninginn.

Bæjarráð felur markaðs- og menningarfulltrúa að haldið sé utan um talningu á farþegum í almenningssamgöngum á vegum bæjarfélagsins.
Einnig að óskað verði eftir því við Eyþing að fá upplýsingar um farþegafjölda á leið Strætó til og frá Fjallabyggð.

Bæjarstjóri lagði fram og kynnti hugmynd að breyttu skipuriti Fjallabyggðar.

Málinu frestað.

Lagt fram erindi deildarstjóra tæknideildar varðandi garðslátt fyrir örorku- og ellilífeyrisþega.

Bæjarráð samþykkir að bæjarfélagið bjóði upp á garðslátt á vegum þjónustumiðstöðvar Fjallabyggðar fyrir örorku- og ellilífeyrisþega með lögheimili í bæjarfélaginu.
Gjald fyrir hvern slátt verði kr. 4.500.

Tekið fyrir erindi frá Sævari Eyjólfssyni varðandi Kirkjuveg 4 Ólafsfirði.

389. fundur bæjarráðs samþykkti að auglýsa húsið til sölu með þeirri kvöð að kaupanda yrði gert að gera húsnæðið upp og bæjarfélagið veiti styrk að upphæð 3 milljónir til endurbóta, sem yrði greitt út samkvæmt framgöngu verksins.

Bæjarráð ítrekar fyrri bókun og felur deildarstjóra tæknideildar og bæjarstjóra að taka upp viðræður við bréfritara.

Á 393. fundi bæjarráðs, 21. maí 2015, var tekið fyrir erindi frá Logos lögmannsþjónustu, dagsett 8. maí 2015, um möguleg kaup og framtíðaráform varðandi íþróttamiðstöðina að Hóli, í Siglufirði.

Bæjarráð frestaði afgreiðslu málsins þar til afstaða Ungmenna- og íþróttasambands Fjallabyggðar lægi fyrir.

Lagt fram afrit af bréfi UÍF til Logos lögmannsþjónustu dagsett 3. júní 2015.

Þar kemur fram að stjórn UÍF mun taka afstöðu til ráðstöfunar Hóls í september n.k. og sú niðurstaða yrði síðan til umfjöllunar á næsta ársþingi UÍF.

Lögð fram til kynningar úthlutun Eignarhaldsfélagsins Brunabótafélag Íslands úr Styrktarsjóði EBÍ 2015.

Fram kemur að ekki reyndist unnt að veita styrk til bæjarfélagsins vegna upplýsingaskiltis við hafnir Fjallabyggðar.

Samþykktar voru styrkveitingar til 16 aðila, samtals að upphæð 5,0 milljónir króna.

Tekið fyrir erindi frá íbúum að Vesturgötu 5, Ólafsfirði, dagsett 5. júní 2015, er varðar skúr á baklóð er tilheyrir Ólafsvegi 2.

Bæjarráð felur bæjarstjóra að vinna að lausn málsins.

Lagðar fram til kynningar fundargerðir 19. og 20. funda frá 17. og 27. apríl 2015.

Lögð fram til kynningar fundargerð 828. fundar frá 29. maí 2015.