Bæjarráð Fjallabyggðar

Aðalfundur Lánasjóðs sveitarfélaga ohf. vegna ársins 2011 verður haldinn föstudaginn 23. mars 2012 kl. 16.00 í Reykjavík.

Bæjarráð felur bæjarstjóra að fara með umboð Fjallabyggðar á fundinum í samræmi við ákvæði hlutafélagalaga.

Samþykkt samhljóða.

Flugklasinn AIR 66N hefur unnið að því verkefni að koma á reglulegu millilandaflugi um Akureyrarflugvöll allt árið og er markmiðið að fjölga ferðamönnum á Norðurlandi.

Óskað er eftir stuðningi og aðkomu Fjallabyggðar sem nemur 300 kr. pr. íbúa á ári í þrjú ár.

Bæjarráð telur rétt og eðlilegt að taka þátt í verkefninu með öðrum sveitarfélögum og hagsmunaaðilum á svæðinu. Framlag bæjarfélagsins verður tekið inn í vinnu við gerð fjárhagsáætlunar fyrir árin 2013 og 2014.

Samþykkt samhljóða.

Á fundi nefndar á vegum Eyþings þann 1. mars s.l. var VSÓ falið að skoða nýjar tillögur um þjónustu almenningssamgangna á svæðinu.

Nefndin hefur nú samþykkt á fundi sínum 13. mars tillögu nr. 2 í framsettum tillögum VSÓ.

Á 8. fundi nefndarinnar var m.a. samþykkt einróma í nefndinni að kalla eftir samþykki stjórnar á fram kominni tillögu, en þar er lögð áhersla á að bæta m.a. samgöngur til Siglufjarðar frá Akureyri.

Stjórn Eyþings hefur nú fallist á tillögur nefndarinnar en eftir er að fá fjármagn til að standa undir þessum væntingum frá Vegagerð ríkisins.

Lagt fram til kynningar.

Óskað er eftir stuðningi Fjallabyggðar við uppbyggingu á Alþýðuhúsinu á Siglufirði, en þar á að hefjast menningarstarfsemi í húsinu í júlí n.k.

Aðalhlutverk hússins er að vera vinnustofa fyrir allar listgreinar og fræðimennsku.

Eigandi hússins Aðalheiður S. Eysteinsdóttir óskar eftir styrk sem nemur álagningu fasteignagjalda á húsið enda er ætlun hennar að standa fyrir menningardegi og listasmiðju fyrir bæjarbúa ár hvert.

Bæjarráð leggur til við bæjarstjórn að veittur verði styrkur sem nemur fasteignaskatti ársins 2011, í samræmi við reglur bæjarfélagsins og er hann kr. 198.990.

Samþykkt samhljóða.

Um er að ræða ósk um úrskurð bæjarráðs og heimild til lækkunar á gjöldum vegna 18 m2 viðbyggingar á húsnæði við Hólaveg 65.

Bæjarráð vísar í reglur og lög um gatnagerðargjöld og bendir á 5. gr. sem fjallar um almenna lækkunarheimild sjá og 4. lið vegna stækkunar íbúðarhúss, sjá þar lið 3.

Bæjarráð samþykkir að innheimt skuli afgreiðslu- og byggingarleyfisgjald, en ekki gatnagerðargjald.

Lagt fram bréf dags. 6. mars 2012 frá Önnu Dís Bjarnadóttur.

Bæjarráð leggur áherslu á að farið sé að lögum í slíkum málum. Bæjarráð telur einnig rétt að leigusali og leigutaki tryggi öryggi þeirra sem dvelja í húsnæðinu hverju sinni.

Lögð er áhersla á að umrætt húsnæði verði ekki leigt frekar sem íbúðarhúsnæði og er íbúum og leigusala gefinn frestur til 1.október n.k. til að rýma húsnæðið.

Samþykkt samhljóða.

Lögð fram til kynningar lýsing á skipulagsverkefni á Þormóðseyri á Siglufirði, ásamt matslýsingu vegna deiliskipulagsvinnu samkvæmt lögum um umhverfismat áætlana.

Deildarstjóri tæknideildar hefur leitað til fyrirtækisins X2 hönnun - skipulag ehf. til að sjá um verkefnið f.h. Fjallabyggðar.

Bæjarráð fagnar því að vinnan sé hafin og óskar eftir kostnaðaráætlun frá tæknideild.

Lagt fram bréf dags. 7. mars 2012 um hugsanleg kaup á flotbryggju til að taka á móti sjóflugvél í sumar og er í bréfinu vitnað til bókunar í hafnarstjórn 23. febrúar s.l.

Bæjarráð vísar í gerð fjárhagsáætlunar fyrir hafnarsjóð fyrir árið 2012, en þar er ekki gert ráð fyrir kaupum á slíkri flotbryggju á árinu.

Bæjarráð vill hins vegar taka fram að bæjarfélagið er tilbúið til að skoða lausnir sem gætu tryggt slíka þjónustu og þar með kynningu á bæjarfélaginu.

Lögð fram tillaga frá skrifstofu- og fjármálastjóra um skiptingu á framlagi bæjarfélagsins til stjórnmálasamtaka og frambjóðenda í samræmi við lög nr. 162 frá árinu 2006.

Miðað er við atkvæðamagn sjá 5. gr. og er heildarfjármagn til skiptanna kr. 360.000.

Samþykkt samhljóða.

247. fundur bæjarráðs Fjallabyggðar tók fyrir tillögu að verklagi og upphæð vegna endurgreiðslu á kaupum á vinnufatnaði til ófaglærðra starfsmanna í leikskólum, sbr grein 8.2.5. g í kjarasamningi Sambands ísl. sveitarfélaga við St. Fjallabyggðar, Kjöl og Einingu Iðju.
Fyrir lá samþykki fulltrúa viðkomandi stéttarfélaga á tillögunni.
Bæjarráð samþykkti að leita álits kjarasviðs Sambands ísl. sveitarfélaga á tillögunni áður en til afgreiðslu kæmi.
Kjarasvið gerir ekki athugasemdir við fyrirkomulagið um endurgreiðslu kostnaðar, að því gefnu að það sé gert í samráði við stéttarfélög á staðnum.

Samþykkt samhljóða.

Lagt fram til kynningar.

Launayfirlitið er í samræmi við fjárhagsáætlun fyrir árið 2012.

Félag eldri borgara, Ólafsfirði óskar eftir aðstoð Fjallabyggðar við rekstur á húsi þeirra að Bylgjubyggð 2b í Ólafsfirði.
Sótt er um styrk til að standa undir greiðslu fasteignagjalda að fullu, ásamt tryggingargjöldum.
Bæjarráð leggur til við bæjarstjórn að veita styrk að upphæð kr 339.191.-  á árinu 2012.

Skýrsla frá Verkfræðistofunni á Siglufirði sf. lögð fram til kynningar.

Sótt er um styrk vegna reksturs Úra- og gullsmíðaverkstæðisins að Eyrargötu 16 á Siglufirði.

Bæjarráð hafnar erindinu.

Lagt fram til kynningar.

Bæjarráð vísar breytingunni til næstu fjárhagsáætlunar en felur deildarstjórum að kanna hvort hægt sé að gera nauðsynlegar lagfæringar í samræmi við óbreytta fjárhagsáætlun.

Lagt fram til kynningar.

Lagt fram til kynningar.