Snjóflóðavarnir í Siglufirði - staða framkvæmda

Lögð fram skýrsla Verkfræðistofu Siglufjarðar um stöðu framkvæmda við snjóflóðavarnir í Siglufirði.
Í skýrslunni er lagt til að Fjallbyggð hefji viðræður við Umhverfisráðuneyti og stjórn Ofanflóðasjóðs um gerð framkvæmdaáætlunar um að ljúka stoðvirkjagerð í Siglufirði, sem miði að því að framkvæmdir geti hafist á næsta ári.
Bæjarráð samþykkir að fela bæjarstjóra að senda erindi til Umhverfisráðuneytis og stjórnar Ofanflóðasjóðs varðandi málið.

Borist hefur bréf frá Umhverfisráðuneytinu dags. 1. nóvember, er varðar framkvæmdir við ofanflóðavarnir á Siglufirði á svæðinu "Fífladalir norður."

Þar kemur fram að ætlunin sé að hefja framkvæmdir með stuðningi sjóðsins á árinu 2013. Ætlunin er að ljúka öllum framkvæmdum fyrir árið 2016.

Lagt fram til kynningar og er erindinu vísað til skipulags- og umhverfisnefndar.
Það er skoðun bæjarráðs að svörin séu nægjanlega skír til að hægt sé að fá deiliskipulag við Snorragötu samþykkt hjá Skipulagsstofnun.

Borist hefur bréf frá Umhverfisráðuneytinu dags. 1. nóvember, er varðar framkvæmdir við ofanflóðavarnir á Siglufirði á svæðinu "Fífladalir norður."

Þar kemur fram að ætlunin sé að hefja framkvæmdir með stuðningi sjóðsins á árinu 2013. Ætlunin er að ljúka öllum framkvæmdum fyrir árið 2016.

Lagt fram til kynningar og er erindinu vísað til skipulags- og umhverfisnefndar.
Það er skoðun bæjarráðs að svörin séu nægjanlega skír til að hægt sé að fá deiliskipulag við Snorragötu samþykkt hjá Skipulagsstofnun.

Lagt fram bréf frá Skipulagsstofnun dags. 11. janúar 2012, þar sem gerðar eru athugasemdir við að sveitarstjórn birti auglýsingu um samþykki deiliskipulagsins við Snorragötu í B-deild Stjórnartíðinda, þar sem ekki liggur fyrir aðgerðaráætlun um aðgerðir sveitarstjórnar varðandi byggingu hótels á svæði A og B, skv. 18. og 19. gr. reglugerðar um hættumat.

Bæjarstjóri upplýsti að hann hefði strax haft samband við Umhverfisráðuneytið og að verið sé að vinna umrædda aðgerðaráætlun í samræmi við áætlanir um ofanflóðavarnir. Fyrstu drög liggja nú fyrir og verða ræddar á næsta fundi skipulags- og umhverfisnefndar.

Bæjarráð felur bæjarstjóra að koma umræddum framkvæmdum, í samstarfi við Ofanflóðasjóð, af stað strax þannig að undirbúningur geti farið fram á árinu 2012.

Lagt fram til kynningar framkvæmdaáætlun vegna snjóflóðavarna í Siglufirði 2012-2020.
Fyrirhugaður er fundur Umhverfisráðuneytis í næsta mánuði til yfirferðar á forsendum framkvæmdaáætlunarinnar.
Bæjarráð felur bæjarstjóra að óska eftir því að fulltrúi sveitarfélagsins fái að sækja þennan fund.

Skýrsla frá Verkfræðistofunni á Siglufirði sf. lögð fram til kynningar.

Lagt fram til kynningar svarbréfi Umhverfisráðuneytis f.h. Ofanflóðanefndar dagsettu 22. mars 2012, varðandi framvkæmdir við upptakastoðvirki í Hafnarhyrnu.

Fjallabyggð hefur gert framkvæmdaáætlun um að ljúka uppsetningu stoðvirkja ofan við byggðina á Siglufirði, á árabilinu 2012 til 2020, og hefur fyrsti hluti þessarar áætlunar verið samþykktur af Ofanflóðasjóði með fyrirvara um fjárveitingu á fjárlögum.

Fyrirhugað er að aðal framkvæmdir hefjist vorið 2013, en á þessu ári verði unnin sú undirbúningsvinna, sem er forsenda þess að unnt verði að hefja vinnu við stoðvirkin strax þegar snjóa leysir vorið 2013.  

Skipulagsstofnun hefur bent á að áður en framkvæmdaleyfi er gefið út fyrir bráðabirgðavegi að stoðvirkjasvæði í Fífladölum, þarf að leita eftir meðmælum Skipulagsstofnunar samkvæmt 1. tölulið ákvæða til bráðabirgða í skipulagslögum nr. 123/2010.

Í bréfi til Skipulagsstofnunar dagsettu 20. apríl 2012 fer bæjarstjóri f. h. Fjallabyggðar fram á meðmæli stofnunarinnar vegna framkvæmdaleyfis fyrir lagningu á bráðabirgðavegi að stoðvirkjasvæði í Fífladölum á Siglufirði.

Lagt fram til kynningar.

Undir þessum dagskrárlið komu á fund bæjarráðs fulltrúi Ofanflóðasjóðs, Hafsteinn Pálsson, fulltrúi Framkvæmdasýslu ríkisins, Guðmundur Pálsson og Flosi Sigurðsson frá Verkís.
Einnig deildarstjóri tæknideildar Ármann V Sigurðsson og bæjarfulltrúarnir Helga Helgadóttir, S. Guðrún Hauksdóttir og Ingvar Erlingsson.

Farið var yfir tímasetningar varðandi fyrirhugaða vegalagningu að vinnusvæði  og byggingu stoðvirkja í Hafnarfjalli yfir byggðinni í Siglufirði.

Beðið er svara frá Skipulagsstofnun vegna vegalagningarinnar og í framhaldinu er fyrirhugað að halda íbúafund vegna framkvæmdarinnar. 

Lögð fram eftirtalin gögn.

1. Bréf frá Skipulagsstofnun frá 1. júní 2012.

2. Auglýsing um opinn fund í ráðhúsi bæjarfélagsins fimmtudaginn 28. júní kl. 20.00.

Lagt fram til kynningar.

Tilboð í framkvæmdir við bráðabirgðaveg við Snjóflóðavarnir á Siglufirði voru opnuð þann 8. ágúst s.l. hjá Framkvæmdasýslu ríkisins.
Fimm gild tilboð bárust:
Norðurtak ehf. 13.715.000 - 49,10% af kostnaðaráætlun
ÍSAR ehf. 13.745.000 - 49,21%
Finnur ehf. 19.448.700 - 69,63%
G. Hjalmarsson hf. 25.400.000 - 90,94%
Reisum ehf. 30.885.000 - 110,58%

Kostnaðaráætlun 27.931.000 - 100,00%

Framkvæmdasýsla ríkisins hefur lokið yfirferð tilboða í verkið og mælir með því að tilboði Norðurtaks ehf. að fjárhæð kr. 13.715.000 verði tekið.

Bæjarráð samþykkir að taka tilboði Norðurtaks ehf.