Bæjarráð Fjallabyggðar

Bæjarráð samþykkir að vísa fyrirliggjandi drögum að fjárhagsáætlun fyrir árið 2026 og þriggja ára áætlun 2027 - 2029 til fyrri umræðu í bæjarstjórn og leggur áherslu á að drögin fari til umfjöllunar hjá forstöðumönnum stofnanna og viðkomandi nefnda sem allra fyrst.

Ýmsar framkvæmdir eru vel undir áætluðum kostnaði en hins vegar eru nokkrar stórar framkvæmdir yfir áætlun. Mikilvægt er við vinnu framkvæmdaáætlunar fyrir árið 2026 að hönnunarkostnaður fylgi öllum kostnaðaráætlunum og að framkvæmdum fylgi jafnframt áætlun um framkvæmdatíma.

Í ljósi fyrirliggjandi upplýsinga um áhugasama aðila samþykkir bæjarráð að ganga til samninga við L7 um rekstur skíðasvæðisins í Skarðsdal fyrir tímabilið 2025-2026 og felur bæjarstjóra að ganga frá undirritun samnings með fyrirvara um samþykki bæjarstjórnar þess efnis á forsendum fyrirliggjandi gagna.

Bæjarráð fagnar framkomnum tillögum sviðsstjóra og felur framkvæmdasviði að útfæra gögn þannig að hægt verði að leita verðtilboða í verkið sem fyrst og þá hefja framkvæmdir snemma næsta vor.

Bæjarráð tekur undir þær áhyggjur um plássleysi í Leikhólum sem fram koma í bréfi foreldrafélagsins og leggur áherslu á að framkvæmdasvið leggi fram tillögur að lausnum sem fyrst þannig að hægt verði að bregðast við því ástandi sem blasir við. Bæjarráð vísar málinu til gerðar fjárhagsáætlunar.

Bæjarráð felur bæjarstjóra að svara erindinu í samræmi við fyrirliggjandi gögn en ljóst er að framkvæmdakostnaður fór um 6% fram úr tilboði vegna aukaverka auk þess sem framkvæmdatími lengdist verulega vegna þessara aukaverka. Á fundi bæjarráðs þann 30.maí s.l. var tekið tilboði K16 að upphæð kr. 156.541.600 sem var um 21% yfir kostnaðaráætlun verksins sem var 129.594.815. Við tilboð K16 bættust auk þess við aukaverk vegna ástands á þaki á vesturhlið. Framkvæmdakostnaður nú stendur í um 167 milljónum króna sem er 10 milljónum yfir tilboði K16 en auk þess er í verkinu hönnunarkostnaður sem bætist ofan á og er því heildarkostnaður um 171 milljónir króna samkvæmt fyrirliggjandi gögnum. Samhliða verkinu var jafnframt sinnt nauðsynlegu viðhaldi svosem málun á laugarrýminu.

Bæjarráð samþykkir afnot SSS af íþróttasal grunnskólans og veitir til þess styrk að upphæð kr. 250.000 sem gjaldfærist á styrki til íþróttamála.

Bæjarráð gerir ekki athugasemdir við umsóknina fyrir sitt leyti.

Bæjarráð er fylgjandi því að Samband íslenskra sveitarfélaga vinni að heildarsamningi sveitarfélaga við STEF og felur bæjarstjóra að koma þeirri afstöðu á framfæri.

Lagt fram til kynningar

Lagt fram til kynningar

Lagt fram til kynningar

Lagt fram til kynningar