Fundargerðir Farsældarráðs Norðurlands eystra

Lagt fram til kynningar

Sviðsstjóri fór yfir verkefni farsældarráðs SSNE og vinnuna framundan.

Sviðsstjóri fór yfir helstu mál sem tekin hafa verið fyrir á fundum Farsældarráðs SSNE.

Sviðsstjóri kynnti fundargerðir Farsældarráðs Norðurlands eystra.

Lagt fram til kynningar.

Kom fram að barnaverndarþjónustan nær nú yfir 11 sveitarfélög með Akureyrarbæ sem leiðandi sveitarfélag. Hún sagði að mikil aukning væri í tilkynningum til barnaverndar frá árinu 2021, einkum vegna vanrækslu, ofbeldis og áhættuhegðunar barna, þar sem vímuefnavandi foreldra er algengasta ástæða tilkynninga. Vilborg lýsti samþættingu félags- og barnaverndarþjónustu, þar sem verklagsreglur og sameiginleg skjöl eru nýtt til að tryggja betri yfirsýn og samvinnu milli kerfa.

Barnavernd starfar í nánu sambandi við lögreglu, heilbrigðisþjónustu, kvennaathvarf og aðra aðila, meðal annars með sértækum teymum fyrir flókin mál.
Þá greindi hún frá opnun fjölskylduheimilisins Sólberg á síðasta ári sem þjónustar allan landshlutann. Það kom fram í máli Vilborgar að svo virðist sem dregið hafi úr þörf fyrir vistun barna utan heimilis vegna tilkomu Sólbergs og þar með hefur fósturvistunar kostnaður sveitarfélaga lækkað nokkuð á móti.

Fundargerðin kynnt og sviðsstjóri sagði nefndarmönnum að áætlað væri að halda farsældardag 4. september í Hofi á Akureyri. Óskað var eftir að fá kynningu á ráðinu í ágúst. Sviðsstjóri mun leita eftir því hjá verkefnisstjóra SSNE að vera með slíka kynningu.

Sviðsstjóri fór yfir fundargerð farsældarráðs SSNE og sagði frá fyrirhuguðum farsældardegi 4. september n.k.

Fundargerðin lögð fram til kynningar. Sviðsstjóri sagði einnig frá vel heppnuðum farsældardegi sem haldinn var í Hofi á Akureyri þann 4. september og mættu um 130 manns á af upptökusvæði SSNE.

Nefndin fagnar vinnu við svæðisbundna áætlun um farsæld barna 2027 - 2030 og leggur áherslu á að aðgerðir, ábyrgð og mælikvarðar verði skýrt skilgreind við áframhaldandi vinnu.

Nefndin vekur sérstaklega athygli á niðurstöðum Íslensku æskulýðsrannsóknarinnar, þar sem andleg líðan ungmenna kemur fram sem helsta áskorunin, og tekur undir mikilvægi öflugra forvarna og stuðnings við börn, fjölskyldur, skóla og frístundastarf.
Beðið er niðurstöðu Íslensku æskulýðsrannsóknarinnar fyrir Fjallabyggð.