Velferðarnefnd Fjallabyggðar

Deildarstjóri félagsmáladeildar, ásamt sviðsstjóra, fóru yfir starfsemi deildarinnar árið 2025 og árið framundan.
Fjölgun hefur orðið í þjónustu við aldraða milli ára og ljóst að svo verður áfram miðað við íbúasamsetningu í Fjallabyggð.
Vinnu við breytingar á íbúðum í Skálarhlíð er að ljúka og framundan endurnýjun á eldhúsi sem komið er til ára sinna og annar ekki því sem til þarf til að mæta þjónustunni.
Fjöldi heimila sem þáði fjárhagsaðstoð er svipuð og árið 2024.
Þjónusta í málefnum fatlaðs fólks er að aukast og breytingar fyrirhugaðar. Eins og áður hefur komið fram er endurskoðun á fyrirkomulagi og skipulagi þjónustunnar hafið.

Deildarstjóri og sviðsstjóri fóru yfir stöðu mála í Fjallabyggð varðandi fósturúrræði. Engin börn eru í fósturúrræði í Fjallabyggð en nefndarmenn eru sammála um að ef til þess þarf að koma að nýta slíkt úrræði er mikilvægt að eftirlit sé í lagi.

Sviðsstjóri fór yfir verkefni farsældarráðs SSNE og vinnuna framundan.