Fræðslu- og frístundanefnd Fjallabyggðar

Sviðsstjóri sagði frá því að Ásdís Sigurðardóttir hefði verið ráðin í stöðu deildarstjóra fræðslu- og frístundamála og kemur hún til starfa 1. mars.

Nefndarmenn bjóða Ásdísi velkomna til starfa.

Sviðsstjóri fór yfir samning við félagsráðgjafa við grunnskólann og þjónustu sálfræðinga vegna greininga og úrvinnslu þeirra.

Leikskólastjóri fór yfir fyrirhugaða könnun sem samþykkt var að gera í tengslum við þær breytingar sem gerðar voru á opnunartíma og leikskólagjöldum. Könnunin fer fram í mars og nær til foreldra, fyrirtækja og stofnana. Ásgarður mun framkvæma könnunina. Samráðsfundur verður með Ásgarði 27. febrúar. Skólapúls verður lagður fyrir starfsfólk í mars.
Vel hefur gengið með eldri börnin í aðstöðunni í UÍF húsnæðinu og þau afskaplega ánægð.

Nefndarmenn þakka Kristínu fyrir yfirferðina.

Sviðsstjóri fór yfir stöðuna á fyrirhugaðri viðbyggingu á Leikhólum en gert er ráð fyrir að henni verði lokið 7. apríl.

Guðrún Unnsteinsdóttir kynnti samstarfsverkefni grunnskólans við Finna í Hankasalmi og Granna í Svíþjóð. Um er að ræða Nordplus-verkefni sem unnið var á árunum 2024-2025.
Nemendur úr Fjallabyggð hafa farið í heimsókn bæði til Svíþjóðar og Finnlands og s.l. haust komu nemendur að utan til Fjallabyggðar.

Grunnskólinn hefur sent inn nýja umsókn með styrk frá Rannís. Áherslan er á bókaklúbb en líka á umhverfismál og sérstöðu byggðarlaganna.

Nefndarmenn þakka Guðrúnu áhugaverða kynningu.

Skarphéðinn, forstöðumaður, leggur til að breyting verði á opnunartíma líkamsræktar á Siglufirði næsta sumar vegna viðhalds í húsinu þar sem loka þarf sundlauginni. Reynsla síðasta sumars gefur tilefni til að ekki sé mikil þörf á sambærilegri opnun og leggur hann til að lokað verði um helgar.

Nefndarmenn þakka Skarphéðni fyrir yfirferðina og taka undir að helgarlokun verði í líkamsræktinni á Siglufirði sumarið 2026.

Fyrir liggur erindi frá Birgittu Þorsteinsdóttur f.h. grunnskólans um að kaupa aðgang að Viskubrunni sem hún telur að muni spara og auðvelda kennurum margskonar utanumhald við vinnu kennara og stjórnenda.

Ekki var gert ráð fyrir þessu á fjárhagsáætlun og því ekki hægt að verða við beiðninni að svo stöddu. Nefndarmenn benda á að hugað verði að þessu við gerð næstu fjárhagsáætlunar.

Sviðsstjóri fór yfir helstu mál sem tekin hafa verið fyrir á fundum Farsældarráðs SSNE.