Fræðslu- og frístundanefnd Fjallabyggðar

Minnisblað frá deildarstjóra fræðslu- og frístundamála um fyrirkomulag frístundarmála. Nefndarmenn ræddu um að efla þurfi frístundarúrræði á ársgrundvelli. Sviðsstjóra og deildarstjóra falið að vinna málið áfram og leggja fyrir næsta fund fræðslu- og frístundanefndar.

Sviðsstjóri fór yfir stöðuna í lok skólaárs. Auglýst hefur verið eftir skólastjóra og kennurum en ekki hefur tekist að manna í allar stöður ennþá. Unnið verður áfram í þeim málum.

Kynning á Sveitafélagaskólanum á vef Sambands íslenskra sveitarfélaga þar sem fræðsla er um störf nefnda og annað er varðar nýkjörna sveitarstjórnarfulltrúa.

Sviðsstjóri fór yfir erindisbréf Fræðslu- og frístundanefndar Fjallabyggðar, dagsett 6. júní 2025.

Dagatal nefndarinnar liggur fyrir fram að áramótum og mun sviðsstjóri senda fundarboð samkvæmt því þannig að nefndarmenn hafi í dagatalinu.

Afgreiðslu frestað þar sem leikskólastjóri var með starfsfólki í vorheimsókn á Akureyri.

Kynnt var samantekt á starfi vetrarins hjá TÁT.

Nefndin fagnar því að í boði séu námskeið fyrir börn og ungmenni í sumar en leggur áherslu á að gera þurfi enn betur í þessum málum og munu nefndarmenn m.a. leggja áherslu á það í störfum sínum.

Samantekt vegna ungmennaþings sem haldið var á Húsavík kynnt. Mikil ánægja var með ungmennaþingið hjá fulltrúum ungmennaráðs Fjallabyggðar. Áréttað er að nefndir sveitarfélagsins sendi ungmennaráði erindi, sem varða þeirra hagsmuni, til umfjöllunar og umsagnar.

Fundarmenn undirrituðu drengskaparheit um þagnarskyldu vegna setu í Fræðslu- og frístundanefnd Fjallabyggðar.

Fundargerðin kynnt og sviðsstjóri sagði nefndarmönnum að áætlað væri að halda farsældardag 4. september í Hofi á Akureyri. Óskað var eftir að fá kynningu á ráðinu í ágúst. Sviðsstjóri mun leita eftir því hjá verkefnisstjóra SSNE að vera með slíka kynningu.