Velferðarnefnd Fjallabyggðar

Fyrir liggja samningar við HSN vegna ferlibíls og notkun hans fyrir skjólstæðinga félagsþjónustunnar sem og hvernig heimkeyrslu með matarbakka er háttað.
Þá liggur fyrir samningur um dagdvöl aldraðra sem fram fer m.a. í húsakynnum HSN í Hornbrekku.

Samningur Lyfju vegna Hornbrekku.

Fyrir liggja tvær fundargerðir þar sem Fjallabyggð, HSN og Kjölur funduðu vegna flutnings starfsfólks frá Fjallabyggð til HSN.

Sviðsstjóri fór yfir fund sem haldinn var með Einingu-Iðju, starfsfólki Sambýlisins ásamt starfsfólki velferðarsviðs Fjallabyggðar vegna breytinga sem hefur orðið á starfseminni.

Erindi frá þrem starfsmönnum Grunnskóla Fjallabyggðar þar sem hvatt er til þess að börn með sérþarfir sé enn betur mætt þegar kemur að frístund sem er eftir hefðbundinn skóladag. Þessi börn eigi ekki alltaf samleið í hefðbundnu frístundastarfi og nauðsynlegt sé að reyna að aðlaga starfið betur að þeirra þörfum.

Fyrir liggur fundargerð 5. fundar Farsældarráðs Norðurlands eystra. Þar kemur m.a. fram að fulltrúar Ungmennaráðs Fjallabyggðar, þær Hanna Valdís Hólmarsdóttir og Jana Katrín Merenda, kynntu starfsemi ráðsins fyrir nefndarfólki.
Vilborg Þórarinsdóttir var einnig gestur fundarins og fór yfir starfsemi Barnaverndarþjónustu Norðurlands eystra.