Hafnarstjórn Fjallabyggðar

Lagt fram til kynningar tilskipun Evrópuþingsins og ráðsins 2005/65/EB um að efla hafnarvernd, en sú tilskipun var innleidd inn í íslensk lög með lögum nr. 18/2007, sem er breyting á lögum um siglingavernd nr. 50/2004. Reglugerð um framkvæmd siglingaverndar nr. 265/2008 inniheldur meginatriði tilskipunar 2005/65/EB.

Sjávarútvegssýning verður haldin frá 22. til 24. september n.k. í Smáranum í Kópavogi.
Bæjarráð telur ekki ástæðu til að taka þátt í sýningunni að þessu sinni. Bæjarráð bendir á að verið sé að vinna að markaðsátaki hafnarinnar - verkefnið kallast hafnsækin starfsemi og verður sú niðurstaða notuð í markaðssetningu hafnarinnar á næstu árum.
Hafnarstjóra er falið að láta fyrrum samstarfsaðila að sýningunni vita af niðurstöðu bæjarráðs.
Samþykkt samhljóða.

Siglingastofnun hefur tekið saman yfirlitsskýrslu um sjóvarnir 2011. Skýrslan er tekin saman í tengslum við endurskoðun samgönguáætlunar sem nú stendur yfir.

Fram kemur í skýrslunni að Siglunes er til sérstakrar skoðunar.

Lagt fram til kynningar.

Lagður fram verksamningur og verkfundargerð frá 1. september, en samningurinn er að upphæð kr. 31.922.000,- við Jóhann Garðar Jóhannsson f.h. Björgunar ehf. sem var undirritaður 31. ágúst 2011.
Verkáætlunin gerir ráð fyrir að dýpkun verði lokið 1. október 2011.

Lagt fram til kynningar og er framkvæmdunum fagnað en áætlaður kostnaður bæjarfélagsins eða hafnarsjóðs er um 6 m.kr.

Sjá 1. dagskrárlið mál nr. 1107096.

Lagður fram tölvupóstur frá Siglingastofnun um innihald bréfs frá Innanríkisráðuneytinu, þar sem kemur fram að Fjallabyggð hafi fengið framlag til viðgerða á sandfangara og Vesturgarði að upphæð 18.0 m.kr.

Hlutur hafnarsjóðs er 6.0 m.k. en heildarframkvæmdarkostnaður er því um 24 m.kr.

Ráðist verður í lagfæringar á Vesturgarði og er hlutur bæjarfélagsins um 1300 þúsund og er tekið af viðhaldsfé.

Sandfangarinn verður unninn á næsta ári og er framlag bæjarfélagsins um 4.5 m.kr. og verður tekið inn í fjárhagsáætlun næsta árs.

Hafnarstjórn leggur til að ráðist verði í umræddar framkvæmdir í samræmi við framkomnar væntingar og áætlanir Siglingastofnunar.

Samþykkt samhljóða.

Nokkur umræða varð um gjaldtöku og að fullt samræmi sé í gjaldtöku á milli hafna.

Hafnarstjórn leggur áherslu á að gjaldtaka sé eins á báðum höfnum.

Hafnarstjórn leggur áherslu á að eftirtaldar framkvæmdir verði teknar í fjárhagsáætlun næsta árs.

1. Bílastæði við hafnarsvæði Fjallabyggðar á Siglufirði við vigtina.

Hafnarstjórn leggur áherslu á að neðanrituðum verkefnum verði lokið fyrir vetrarbyrjun.

1. Framkvæmdum við trébryggju verði hraðað. Hafnarstjóri lagði fram bréf frá Siglingastofnun þar sem fram kemur að

Kristjáni Helgasyni hafi verið falið verkefnið.

2. Málun á vigtarhúsum.

3. Kranar og masturshús verði máluð.

4. Lagfæringar á malbiki á hafnarsvæði og að fiskmarkaði.

5. Lagfæringar á stigum.

6. Lagfæringar á landgangi að flotbryggjum.

Samþykkt samhljóða.

Lagðar fram teikningar af skipulagi hafnarsvæða á Siglufirði.

Hafnarstjórn óskar eftir að fulltrúi Siglingastofnunar og skipulagshöfundar mæti á næsta fundi hafnarstjórnar til að fara yfir skipulag hafnarinnar.

Lögð fram fundargerð deildarstjóra frá 15. ágúst s.l.

Vettvangsferð með Þorbirni Sigurðssyni.