Framkvæmda-, hafna og veitunefnd Fjallabyggðar

Með fundarboði fylgdu innkaupareglur Fjallabyggðar ásamt drögum að nýjum innkaupareglum sem taka mið af útgefnum viðmiðunarfjárhæðum Fjársýslu Íslands.

Hafnarstjóri lagði fram vinnuskjal um tímabundið fyrirkomulag starfsmannahalds við Fjallabyggðarhöfn. Rekstrarafkoma hafnarinnar hefur versnað verulega á síðustu árum, tekjur hafa minnkað á meðan kostnaður hefur aukist. Rekstrarafkoma ársins 2024 var aðeins um 20% af því sem hún var árið 2019. Gera má ráð fyrir enn meiri samdrætti á næstu árum standist sú áætlun að komur skemmtiferðaskipa muni fækka um 65-70% á milli áranna 2025 og 2026.

Með fundarboði fylgdu drög að reglum um úthlutun viðleguplássa smábáta við Fjallabyggðarhöfn.

Fyrir liggur erindi frá skólameistara MTR um viðhaldsþörf húsnæðis menntaskólans.

Fyrir liggur samantekt Sigurðar J. Ólafssonar, framkvæmdastjóra Cruise Iceland, á bókunum skemmtiferðaskipa í höfnum á Íslandi næstu árin í samanburði við síðustu ár. Samantektin sýnir verulega fækkun komu skemmtiferðaskipa til Siglufjarðar á næstu tveimur árum.

Á fundi sínum þann 18.júní s.l. vísaði skipulags - og umhverfisnefnd umsókn um leyfi fyrir staðsetningu á hleðslustöð fyrir smábáta til kynningar fyrir framkvæmda-, hafna- og veitunefnd.

Sviðsstjóri greindi frá stöðu mála á fráveitukerfi á Siglufirði. Sviðsstjóri leggur áherslu á að við gerð fjárhagsáætlunar fyrir árið 2026 verði gert ráð fyrir kostnaði við kortlagningu fráveitukerfis og aðgerðaáætlun gerð í framhaldi af því.

Sviðsstjóri greindi frá stöðu mála á fráveitukerfi í Ólafsfirði. Jafnframt liggja fyrir upplýsingar um kostnað við úttekt á fráveitukerfi Ólafsfjarðar líkt og framkvæmt var á fráveitukerfinu á Siglufirði í upphafi árs 2025.
Sviðsstjóri leggur áherslu á að við gerð fjárhagsáætlunar fyrir árið 2026 verði gert ráð fyrir kostnaði við kortlagningu fráveitukerfis og aðgerðaáætlun gerð í framhaldi af því.

Fyrir liggur samantekt hafnasambands Íslands á þörf fyrir fjárfestingum í höfnum landsins á næstu árum.

Lagðar fram aflatölur fyrir tímabilið 1. janúar - 31.ágúst 2025. Á tímabilinu er búið að landa 8.600 tonnum í 946 löndunum en á sama tímabili árið 2024 var búið að landa 10.250 tonnum í 1.132 löndunum. Samdráttur í lönduðum afla er nálægt 20% á milli ára.

Úttekt á flotbryggju í Ólafsfjarðarhöfn. Köfunarþjónustan hefur framkvæmt úttekt á flotbryggju í Ólafsfirði sem lítið er notuð og er niðurstaðan sú að bryggjan sé nánast ónýt og mikilvægt að hún verði tekin á land þannig að hún losni ekki frá í komandi vetrarveðrum.