Bæjarráð Fjallabyggðar

Á fundinn er mættur Gísli Davíð Sævarsson sviðsstjóri skipulags- og framkvæmdasviðs til þess að fara yfir komandi verkefni og framkvæmdir sumarsins.

Lögð fram beiðni bæjarstjóra um heimild til að sækja um lán til Ofanflóðasjóðs vegna snjóflóðavarna fyrir árið 2024 að fjárhæð kr. 70.680.000.-

Með fundarboði bæjarráðs fylgdi yfirlit launakostnaðar og kostnaðar vegna langtímaveikinda fyrir janúar-mars 2025, lagt fram til kynningar. Áfallinn launakostnaður er 98,82% af tímabilsáætlun.

Með fundarboði bæjarráðs fylgdi yfirlit staðgreiðslu fyrir mars 2025. Staðgreiðsla fyrir tímabilið nemur kr. 136.457.742,- eða 108,89% af tímabilsáætlun 2025. Íbúum bæjarfélagsins hefur fjölgað um 5 á árinu.

Fyrir liggja gögn í starfsmannahandbók Fjallabyggðar sem er hluti af mannauðsstefnu sbr. samþykkt bæjarstjórnar frá 27.mars s.l. Um er að ræða Velferðarstefnu, Stefnu gegn einelti, áreitni og ofbeldi og jafnréttisáætlun, ásamt nýrri viðverustefnu sem kemur í stað núgildandi viðverustefnu Fjallabyggðar.

Fyrir liggur tillaga að útfærslu á rekstri og umsjón knattspyrnuvalla í Fjallabyggð.

Fyrir liggur tillaga bæjarstjóra að breytingum á samþykkt um kjör fulltrúa í stjórnum, ráðum og nefndum Fjallabyggðar í samræmi við þær breytingar sem samþykktar hafa verið á nefndaskipan.

Fyrir liggur samantekt deildarstjóra fræðslu-, frístunda- og menningarmála og markaðs- og menningarfulltrúa á umsóknum um rekstur tjaldsvæða í Fjallabyggð þar sem lagt er til að gengið verði til samninga við Evanger ehf. um rekstur tjaldsvæða á Siglufirði og við Keyrum ehf. um rekstur tjaldsvæðis í Ólafsfirði. Drög að samningum við þessa aðila liggja jafnframt fyrir.

Fyrir liggur erindi frá Sýslumanninum á Norðurlandi eystra þar sem óskað er umsagnar vegna umsóknar Hornbrekku á tímabundnu áfengisveitingaleyfi vegna kráarkvölds sem fyrirhugað er 10.apríl n.k.

Fyrir liggur erindi frá Síldarminjasafninu þar sem lýst er yfir áhuga á að sinna varðveislu og umsýslu við Listasafn Fjallabyggðar en í Salthúsi Síldarminjasafnsins hafa verið búnar góðar aðstæður til varðveislu á listmunum.

Fyrir liggur bréf frá Eignarhaldsfélagi Brunabótafélags Íslands þar sem styrktarsjóður EBÍ er kynntur en tilgangur sjóðsins er að styrkja með fjárframlögum sérstakar athuganir eða rannsóknir á ýmsum þróunarþáttum í atvinnulífi, samgöngum og fræðslu - og menningarmálum.

Fyrir liggja umsagnargögn frá stjórn Samtaka sjávarútvegsfélaga um drög að frumvarpi um breytingar á lögum um veiðigjald.

Fyrir liggur auglýsing stjórnartíðinda um staðfestingu á reglum Fjallabyggðar um úthlutun byggðakvóta á fiskveiðiárinu 2024/2025. Ekki var fallist á þá ósk Fjallabyggðar að landa mætti afla á markað en hins vegar er heimilt að vinna afla utan sveitarfélagsins sé honum landað í Fjallabyggð.

Fyrir liggur vinnuskjal vegna 14. stöðufundar.

Lagt fram til kynningar erindi frá Eignarhaldsfélagi Brunabótafélags Íslands (EBÍ) vegna kosninga í fulltrúaráð félagsins.

Bæjarstjóri greindi frá því að samkvæmt upplýsingum frá Mögnum hafi borist 5 umsóknir um starf sviðsstjóra Velferðarsviðs og 6 umsóknir um starf skrifstofustjóra. Mögnum er að vinna úr umsögnum og skipuleggja viðtöl við umsækjendur.

Fyrir liggur erindi frá Fiskistofu þar sem fram kemur að Hafrannsóknarstofnun leggi til að netaveiði göngusilungs í sjó verði bönnuð í 5 ár á svæði suður af línu sem dregin yrði frá Siglunesi að Gjögurtá. Þar sem Fjallabyggð er eigandi sjávarjarða á svæðinu er sveitarfélaginu gefinn kostur á andmælum við þessum áformum.

Fyrir liggur erindi frá Umhverfis - og samgöngunefnd Alþingis þar sem sent er til umsagnar verndar - og orkunýtingaráætlun.

Fundargerð 151. fundar fræðslu- og frístundanefndar lögð fram til kynningar.