Störf laus til umsóknar í stjórnsýslu

Fyrir liggur tillaga að auglýsingu um laus störf til umsóknar í stjórnsýslu Fjallabyggðar. Tillagan er í samræmi við það skipurit sem bæjarráð hefur staðfest og er annars vegar auglýst í starf skrifstofustjóra Fjallabyggðar og hins vegar í starf sviðsstjóra velferðasviðs.

Bæjarstjóri greindi frá því að samkvæmt upplýsingum frá Mögnum hafi borist 5 umsóknir um starf sviðsstjóra Velferðarsviðs og 6 umsóknir um starf skrifstofustjóra. Mögnum er að vinna úr umsögnum og skipuleggja viðtöl við umsækjendur.

Tvö störf voru auglýst til umsóknar hjá Fjallabyggð og sá Mögnum ráðningaþjónusta um umsóknarferli, mat á umsóknum og viðtöl.
5 umsækjendur voru um starf sviðsstjóra velferðarsviðs. Að undangengnum viðtölum og mati á umsækjendum mælir Mögnum með ráðningu Bjarkeyjar Olsen Gunnarsdóttur í starfið.
6 umsækjendur voru um starf skrifstofustjóra. Að undangengnum viðtölum og mati á umsækjendum mælir Mögnum með ráðningu á Þóri Hákonarsyni í starfið.

Fyrir liggur tillaga bæjarráðs að ráðningu Bjarkeyjar Olsen Gunnarsdóttur í starf sviðsstjóra velferðarsviðs Fjallabyggðar og ráðningu Þóris Hákonarsonar í starf skrifstofustjóra Fjallabyggðar.

Fyrir liggur undirritaður samningur við sviðsstjóra velferðarsviðs Fjallabyggðar ásamt starfslýsingu með fyrirvara um staðfestingu bæjarráðs og bæjarstjórnar.

Helgi Jóhannsson vék af fundi við afgreiðslu málsins.

Fyrir liggur samningur og starfslýsing sviðsstjóra velferðarsviðs Fjallabyggðar, Bjarkeyjar O Gunnarsdóttur.

Fyrir liggur starfslýsing og launasamningur við skrifstofustjóra.