Tjaldsvæði Fjallabyggðar 2025-2027

Málsnúmer 2502042

Vakta málsnúmer

Markaðs- og menningarnefnd Fjallabyggðar - 116. fundur - 10.03.2025

Samningur við rekstraraðila að tjaldsvæðum Fjallabyggðar er útrunninn. Auglýsa þarf eftir rekstraraðila.
Vísað til bæjarráðs
Markaðs- og menningarnefnd leggur til að auglýst verði eftir rekstraraðilum fyrir tjaldsvæði í Fjallabyggð til næstu þriggja ára. Nefndin vísar hugmynd að fyrirkomulagi útvistunar á rekstri tjaldsvæða til bæjarráðs í drögum að auglýsingu eftir rekstraraðila.

Bæjarráð Fjallabyggðar - 866. fundur - 13.03.2025

Á 116. fundi sínum, 10. mars sl. lagði markaðs- og menningarnefnd til við bæjarráð að auglýst verði eftir rekstraraðilum fyrir tjaldsvæði í Fjallabyggð til næstu þriggja ára. Með fundarboði fylgir hugmynd að auglýsingu þar sem fyrirkomulag útvistunar er útlistað.
Samþykkt
Bæjarráð staðfestir fyrirliggjandi tillögu að auglýsingu og felur bæjarstjóra að fylgja birtingu eftir.

Bæjarráð Fjallabyggðar - 870. fundur - 10.04.2025

Fyrir liggur samantekt deildarstjóra fræðslu-, frístunda- og menningarmála og markaðs- og menningarfulltrúa á umsóknum um rekstur tjaldsvæða í Fjallabyggð þar sem lagt er til að gengið verði til samninga við Evanger ehf. um rekstur tjaldsvæða á Siglufirði og við Keyrum ehf. um rekstur tjaldsvæðis í Ólafsfirði. Drög að samningum við þessa aðila liggja jafnframt fyrir.
Samþykkt
Bæjarráð samþykkir tillögu deildarstjóra fræðslu-, frístunda- og menningarmála að gerður verði samningur við Evanger ehf. um umsjón tjaldstæðisins á Siglufirði annars vegar og hins vegar við Keyrum ehf. vegna umsjónar tjaldstæðisins í Ólafsfirði og felur deildarstjóra að ganga frá undirritun.