Á 820. fundi bæjarráðs var lögð fram beiðni Ísfélags hf. um breytingu á gjaldskrá Hafnarsjóðs skv. heimildarákvæði í 5. fl. 10. gr. gjaldskrárinnar. Hafnarstjóra og deildarstjóra stjórnsýslu og fjármála falið að skoða sambærilegar hafnir og Fjallabyggðarhafnir og leggja tillögu að nánari útfærslu á núverandi heimild til veitingu afsláttar til stórnotenda og óska eftir umsögn hafnarstjórnar áður en málið er lagt fyrir næsta fund bæjarstjórnar.
Á 144. fundi hafnarstjórnar var erindi Ísfélags hf. lagt fram. Hafnarstjórn tók undir bókun bæjarráðs frá 820. fundi og vísaði málinu til fullnaðarafgreiðslu í bæjarstjórn.
Helgi Jóhannsson, Tómas Atli Einarsson, S. Guðrún Hauksdóttir og Guðjón M. Ólafsson tóku til máls.
Afgreiðslu frestað
Hvað varðar beiðni fyrirtækisins um festargjald þá er ekki heimild í núverandi gjaldskrá um aflagjöld að veita afslátt vegna þess og er því miður ekki hægt að verða við þeirri beiðni. Bæjarráð telur eðlilegt að mannaflaþörf í útköllum sé haldið í lágmarki og miðist við þörf hverju sinni.