Bæjarráð Fjallabyggðar

Minnisblað deildarstjóra félagsmáladeildar um málefni akstursþjónustunnar lagt fram.

Lögð fram beiðni deildarstjóra stjórnsýslu og fjármála um heimild til að sækja um lán til Ofanflóðasjóðs vegna snjóflóðavarna fyrir árið 2023 að fjárhæð kr. 68.700.000.-

Yfirlit launakostnaðar og kostnaðar vegna langtímaveikinda fyrir janúar 2024 lagt fram til kynningar. Áfallinn launakostnaður er 98,64% af tímabilsáætlun.

Yfirlit staðgreiðslu fyrir janúar 2024 lagt fram til kynningar. Staðgreiðsla fyrir tímabilið nemur kr. 111.003.204,- eða 81,18% af tímabilsáætlun 2024. Íbúum bæjarfélagsins hefur fjölgað um 11 á árinu.

Lögð fram útboðsgögn fyrir síðasta áfanga á endurnýjun Aðalgötu á Siglufirði og jafnframt fyrsta áfanga í nýju skipulagi miðbæjarins á Siglufirði. Deildarstjóri tæknideildar óskar eftir heimild bæjarráðs til þess að halda útboð vegna verkefnisins.

Staða veitustofnanna í Fjallabyggð rædd í ljósi þeirra stöðu sem uppi hefur verið, sérstaklega í Ólafsfirði og að einverju leyti á Siglufirði. Veitustofnanir í Fjallabyggð virðast vera komnar að þolmörkum hvað varðar afhendingaröryggi og því mikilvægt að bregðast við þeirri stöðu sem upp er komin.

Kristalhreint ehf., verktaki sem sér um ræstingar í Leikskóla Fjallabyggðar Leikhólum, hefur sagt upp samningi frá og með 1. febrúar sl.

Skíðafélag Ólafsfjarðar óskar eftir leyfi bæjarins til að loka og þrengja eftirfarandi götur bæjarins vegna Fjarðargöngunnar 2024.
Fjarðargangan fer fram 9.og 10. febrúar næstkomandi og óskum við eftir að framkvæma lokanir og þrengingar í samráði við bæjarverkstjóra/tæknideild eins og hefur verið undanfarin ár.
Ósk okkar um lokanir á götum eru eftirfarandi:
Frá kl. 18:00 föstudaginn 9.febrúar til kl. 18:00 laugardaginn 10.febrúar.
Aðalgata frá gatnamótum Gunnólfsgötu að Strandgötu.
Kirkjuvegur frá Aðalgötu að Ólafsfjarðarkirkju.
Brekkugata
Hornbrekkuvegur frá Brekkugötu að Aðalgötu(hjá Tjarnarborg)
Þrengingar á sama tíma:
Strandgata (verður ökufær)
Bakkabyggð(verður ökufær)
Túngata(verður ökufær)

Beiðni Ísfélags hf. um afslátt af aflagjöldum skv. heimildarákvæði í 5. fl. 10. gr. gjaldskrár Hafnarsjóðs lagt fram.

Lagt fram erindi Eyþórs Eyjólfssonar, f.h. Hins Norðlenzka Styrjufjelags ehf. þar sem óskað er eftir viðræðum við bæjaryfirvöld vegna vatnsþarfar styrjueldis félagsins í Ólafsfirði.

Kynningarbréf um móttöku rafrænna gagna á vegum héraðsskjalasafna og stofnun Miðstöðvar héraðsskjalasafna um rafræna skjalavörslu lagt fram til kynningar.
Meginmarkmið með stofnun miðstöðvarinnar er að styðja við stafræna umbreytingu hjá sveitarfélögum ásamt því að byggja upp þekkingu á málaflokknum innan héraðsskjalasafna, finna hentugar lausnir á hýsingu og ekki síst að lækka kostnað við móttöku og langtímavörslu rafrænna og stafrænna gagna.
Stýrihópur héraðsskjalavarða sem unnið hefur að verkefninu boðar nú til formlegs stofnfundar MHR. Fundurinn verður haldinn á skrifstofu Sambands íslenskra sveitarfélaga, Borgartúni 30 í Reykjavík, föstudaginn 9. febrúar kl. 13:00. Kostnaði við grunnrekstur miðstöðvarinnar verður skipt niður á héraðsskjalasöfnin með tilliti til íbúafjölda sveitarfélaganna sem þau reka. Þetta gefur héraðsskjalasöfnunum aðgang að viðeigandi eyðublöðum, aðstoð við kortlagningu gagnasafna, ráðgjöf varðandi skipulag gagna og aðgang að hugbúnaði til að afgreiða úr og halda utan um vörsluútgáfur. Aftur á móti þarf hver skjalamyndari fyrir sig (sveitarfélag, stofnun sveitarfélags eða aðrir aðilar sem ber að skila gögnum sínum á héraðsskjalasafn) að greiða fyrir þjónustu varðandi tilkynningar um gagnasöfn og afhendingu á vörsluútgáfum.

Lögð fram umsagnarbeiðni frá allsherjar- og menntamálanefnd Alþingis, dags. 1. febrúar 2024, þar sem sent er til umsagnar 13. mál, frumvarp til laga um breytingu á ýmsum lögum til að bæta stöðu námsmanna (fæðingarorlof, atvinnuleysistryggingar og námslán). Þess er óskað að undirrituð umsögn berist eigi síðar en 15. febrúar nk.

Lögð fram umsagnarbeiðni frá atvinnuveganefnd Alþingis, dags. 1. febrúar 2024, þar sem sent er til umsagnar 521. mál, veiðar í fiskveiðilandhelgi Íslands og stjórn fiskveiða (veiðistjórn grásleppu). Þess er óskað að undirrituð umsögn berist eigi síðar en 15. febrúar nk.

Lögð fram umsagnarbeiðni frá velferðarnefnd Alþingis, dags. 31. janúar 2024, þar sem sent er til umsagnar 629. mál, Barnaverndarlög (endurgreiðslur). Þess er óskað að undirrituð umsögn berist eigi síðar en 14. febrúar nk.

Lagðar fram til kynningar verkfundargerðir nr.1 og 2 vegna endurbóta á svölum og þökum í Skálarhlíð.

Fundargerð 38. fundar stjórnar Hornbrekku lögð fram til kynningar.