Velferðarnefnd Fjallabyggðar

Þorleifur Kr. Níelsson, verkefnastjóri farsældar hjá SSNE, fór yfir hvernig svæðisbundnum farsældarráðum er ætlað að vinna og hvar tækifærin liggja í vinnunni. Hann leggur áherdlu á samvinnu allra hagaðila í að stofna og leggja rækt við svæðisbundið farsældarráð.
Nefndin þakkar Þorleifi fyrir góða kynningu.

Sviðsstjóri fór yfir erindisbréfið, hlutverk nefndarmanna. Rætt var um frumkvæði nefnarinnar til að taka mál á dagskrá og að fá forstöðumenn sem heyra undir nefndina á fund.

Sviðsstjóri fór yfir samkomulag milli ríkis og sveitarfélaga vegna barna með fjölþættan vanda.

Sviðsstjóri fór yfir umsókn um breytingu á samstarfi vegna barnaverndarþjónustu. Fjallabyggð hefur verið í samstarfi um barnavernd á Mið-Norðurlandi en hefur óskað eftir því að vera í samstarfi við Barnaverndarþjónustu á Norðurlandi eystra þarn sem það er talið mun hentugra.

Mennta- og barnamálaráðuneytið auglýsti í lok maí eftir umsóknum frá sveitarfélögum um styrki til verkefna sem miða að því að efla farsæld barna. Styrkirnir eru veittir til verkefna sem stuðla að bættri þjónustu og velferð barna,þar á meðal á sviði frístundastarfs, forvarna, samfélagslegrar virkni og ráðgjafar og stuðnings við börn og fjölskyldur þeirra.
Sviðsstjóri fór yfir umsóknir sem velferðarsvið Fjallabyggðar sendi ráðuneytinu. Önnur snýr að verkefni sem kallast Heillaspor og hin er vegna íþrótta-, lista og tómstundasmiðja fyrir börn með fjölbreyttar áskoranir. Einnig er Fjallabyggð hluti af sameiginlegri umsókn allra sveitarfélaga innan SSNE um heildstæða fjölskylduþjónustu.

Lögð fram ályktun aðalfundar SUM - samtök um áhrif umhverfis um mikilvægi öruggs og heilnæms húsnæðis.

Hanna Sigríður Ásgeirsdóttir, starfsmaður velferðarsviðs, fór yfir stöðuna vegna sveigjanlegrar dagdvalar og dagþjálfunar.

Innviðaráðuneytið býður kjörnum fulltrúum og starfsfólki sveitarfélaga til fræðslufundar um hinsegin málefni. Samtökin ´78 sjá um fræðsluna en markmiðið er auka þekkingu sveitarstjórnarfólks og starfsfólks sveitarfélaga á réttindum og félagslegri stöðu hinsegin fólks. Fræðslan fer fram á fjarfundi (Teams) og í boði eru tvær tímasetningar til að velja úr:

Þriðjudagur 9. september kl. 11
Miðvikudagur 10. september kl. 16.

Nefndarmenn eru hvattir til að taka þátt. Sviðsstjóri mun sitja fundinn seinni daginn.

Verkefnið er liður í aðgerðaáætlun í málefnum hinsegin fólks fyrir árin 2022-2025.

Sviðsstjóri fór yfir breytingar á starfsmannahaldi Sambýlisins en Bryndís Hafþórsdóttir hefur látið af störfum sem forstöðumaður og mun Ólöf Þóra Tómasdóttir leysa stöðuna tímabundið.
Nefndin þakkar Bryndísi fyrir vel unnin störf.