Félagsmálanefnd Fjallabyggðar

Nefndarmenn undirrituðu drengskaparheit um þagnarskyldu með vísan í 28. grein sveitarstjórnarlaga nr. 138/2011.

Nefndin felur deildarstjóra að koma á framfæri við bæjarráð tillögum að orðalagsbreytingum á erindisbréfinu.

Lagt fram yfirlit yfir starfsemi og helstu verkefni félagsmáladeildar Fjallabyggðar.

Lögð fram drög að endurnýjaðri jafnréttisáætlun og jafnréttisstefnu Fjallabyggðar. Umtalsverð breyting er á framsetningu áætlunarinnar m.v. fyrri áætlanir, sem skýrist fyrst og fremst af lagabreytingu jafnréttislöggjafarinnar sem samþykkt var á Alþingi 2020. Gert er ráð fyrir að uppfærð drög að Jafnréttisáætlun Fjallabyggðar verði lögð fram fyrir fund félagsmálanefndar í septembermánuði.

Deildarstjóri kynnti helstu breytingar í kjölfar lagabreytingar á barnaverndarlögum.

Deildarstjóri kynnti helstu áherslur varðandi innleiðingarferli laga um samþætta þjónustu í þágu farsældar barna.

Deildarstjóri gerði grein fyrir stöðu verkefnisins og helstu verkþáttum sem fram undan eru.

Lögð fram til kynningar drög að samningi milli Dalvíkurbyggðar og Fjallabyggðar um samráð og samstarf um félagslega þjónustu, sem bæjarstjórn Fjallabyggðar samþykkti fyrir sitt leyti á fundi sínum þann 25. maí og sveitarstjórn Dalvíkurbyggðar samþykkti á fundi sínum þann 8. júní síðastliðinn.

Gert er ráð fyrir að innleiðingarferli á stafrænni lausn við umsóknarferli fjárhagsaðstoðar sveitarfélaga verði lokið í júlímánuði. Lausnin felst í miðlægum hugbúnaði fyrir öll sveitarfélög sem tengist island.is.

Félagsmálanefnd samþykkir að jafnaði verði nefndarfundir haldnir á fimmtudögum í fyrstu viku hvers mánaðar.