Bæjarráð Fjallabyggðar

Helga Helgadóttir vék af fundi undir þessum dagskrárlið.
Með bréfi dagsettu 30. maí 2011, sækir þjálfari 3. flokks karla hjá Knattspyrnufélagi Fjallabyggðar fyrir hönd foreldra, um styrk vegna ferðar á mót erlendis, Casablanca cup.

Bæjarráð getur ekki orðið við þessari beiðni.
Vakin athygli á því að félögin sæki um styrk næst þegar auglýst verður eftir þeim.

Fyrir bæjarráði liggur tillaga íþrótta- og tómstundafulltrúa um taxtalaun vinnuskóla.
Gert er ráð fyrir því að taxti miðist við launaflokk 115, þrep 1.
Laun yrðu því eftirfarandi:
14 ára :
35% af viðmiðunarflokki er 360 + orlof, samtals 397
15 ára : 
40% af viðmiðunarflokki er 411 + orlof, samtals.: 453
16 ára : 
60% af viðmiðunarflokki er 617 + orlof, samtals.: 680
Taxti fylgi síðan alm. hækkunum skv. kjarasamningum.
Bæjarráð samþykkir tillögu að taxtalaunum vinnuskóla.

Lagðar fram upplýsingar frá umhverfisfulltrúa um skilgreiningu á afrétti og upplýsingar um svæði sem telst afréttur fyrir Ólafsfjörð og Siglufjörð. 

Héraðsdýralæknir Skagafjarðar- og Eyjafjarðarumdæmis, Ólafur Jónsson, mun koma á fund bæjarráðs í næstu viku ásamt umhverfisfulltrúa og búfjáreftirlitsmanni sveitarfélagsins.

Bæjarstjóri upplýsti um stöðu málsins.
Óljóst eignarhald á skipi sem stendur í slippnum veldur töfum á afgreiðslu málsins.

Formaður bæjarráðs fór yfir fund sem hann ásamt bæjarstjóra og forseta bæjarstjórnar áttu með forsvarsmönnum Arion banka s.l. þriðjudag, en Arion banki er aðaleigandi sparisjóðanna í Fjallabyggð.
Niðurstöðu Arion banka er að vænta fljótlega.
Helga Helgadóttir óskaði að bókuð yrði athugasemd við það hvernig staðið var að því að ákveða hverjir færu á fund Aroin banka.
Bæjarráð ásamt bæjarstjóra hefði átt að fara á þennan fund, þar sem svo stórt mál eins og framtíð sparisjóðanna í Fjallabyggð eru rædd.

Bæjarstjóri lagði fram upplýsingar um átaksverkefni ársins á vegum tæknideildar og tillögur.

Bæjarstjóri upplýsti bæjarráð um kynningu frá innheimtufyrirtækinu Inkasso.

Bæjarráð mun taka innheimtumál til skoðunar við gerð fjárhagsáætlunar fyrir næsta ár.

Lagðir fram undirskriftarlistar 238 íbúa þar sem mótmælt er fyrirhugaðri skerðingu á þjónustu heilsugæslunnar í Ólafsfirði í sumar.
Bæjarráð felur bæjarstjóra að leita skýringa hjá framkvæmdastjóra Heilbrigðisstofnunarinnar í Fjallabyggð, hverju það sæti að aukin framlög ríkisins til heilsugæslu í Fjallabyggð þýði skerðingu á þjónustu í Ólafsfirði.
Sjá dagskrárlið nr 18.

Lagt fram málaflokkayfirlit rekstrar fyrir tímabilið janúar til apríl 2011.

Fram koma frávik frá áætlaðri staðgreiðslu tímabilsins.

Fundargerð deildarstjóra Fjallabyggðar frá 8. júní lögð fram til kynningar.

Samband íslenskra sveitarfélaga sendi öllum sveitarfélögum leiðbeinandi fyrirmynd að gjaldskrá samkvæmt 20. gr. skipulagslaga.

Lagt fram til kynningar.

Nefnd á vegum Umhverfisráðuneytis hefur unnið að gerð nýrrar reglugerðar um framkvæmdaleyfi.

Ráðuneytið óskar eftir umsögnum um vinnudrög nefndarinnar að reglugerð eigi síðar en 15. ágúst.

Lögð fram til kynningar kæra Útgerðarfélagsins Nessins ehf til Sjávarútvegs- og landbúnaðarráðuneytis vegna ákvörðunar Fiskistofu, dags. 12. maí s.l. um að hafna úthlutun byggðakvóta til Útgerðarfélagsins Nessins ehf vegna Odds á Nesi ÓF 76 (2799).

Lagður fram til kynningar ársreikningur dvalar - og hjúkrunarheimilisins Hornbrekku í Ólafsfirði fyrir árið 2010 ásamt endurskoðunarskýrslu.

Fundargerðir lagðar fram til kynningar.

Fundargerð lögð fram til kynningar.

Þar kemur m.a. fram bókun stjórnar þar sem átalin eru vinnubrögð vegna ákvörðunar um opnunartíma og viðveru læknis á heilsugæslu í Ólafsfirði.
Sjá dagskrárlið nr 9.

Vaxtasamningur Eyjafjarðar fyrir árin 2011 til 2014 milli Iðnaðarráðuneytis og Atvinnuþróunarfélags Eyjafjarðar, lagður fram til kynningar.

Fundargerð 787. fundar frá 27. maí 2011, lögð fram til kynningar.

Fundargerð frá 6. júní 2011, lögð fram til kynningar.

Bæjarstjóri Sigurður Valur Ásbjarnarson gerði grein fyrir fundargerð

Óðinn Freyr Rögnvaldsson og Haraldur Björnsson sækja um fjárhúsabyggingu á reit 2 samkvæmt núgildandi deiliskipulagi um hesthúsabyggð og fjárhúsabyggð á Siglufirði fyrir neðan reiðskemmu, þar sem reitir sunnan við núverandi hesthúsabyggð eru mjög kostnaðarsamir byggingarlega séð.
Bæjarráð telur rétt að skipulags- og umhverfisnefnd taki erindið til umfjöllunar með tilliti til staðsetningar austast á reit í núgildandi deiliskipulagi um hesthúsa- og fjárhúsabyggð.