Bæjarráð Fjallabyggðar

Á fjarfund bæjarráðs er mættur fulltrúi Hins Norðlenzka Styrjufjelags, Kristmann Pálmason, en bæjarráð óskaði eftir fundi með forsvarsmönnum fyrirtækisins.

Fyrir liggur erindi frá Skíðafélagi Ólafsfjarðar þar sem óskað er eftir tengingu á vatni inn á skíðasvæðið í Ólafsfirði þannig að hægt sé að nýta vatn til snjóframleiðslu. Skíðafélagið ábyrgist allan kostnað við framleiðsluna og uppbyggingu á öðrum kerfum.

Fyrir liggja frekari upplýsingar varðandi umsókn Þjóðlagahátíðar um viðbótarstyrk þar sem hátíðin fékk ekki úthlutað styrk úr Uppbyggingasjóði fyrir árið 2026.

Fyrir liggur erindi frá Félagi Hobbýbænda í Ólafsfirði þar sem óskað er eftir samstarfi við Fjallabyggð varðandi endurnýjun á girðingum í Ólafsfirði.

Fyrir liggja drög að nýrri reglugerð um strandveiði sem kynnt hefur verið í samráðsgátt. Meðal breytinga sem settar eru fram í reglugerðardrögunum er að skýrari rammi er settur um eignahald á fiskibátum, útgerðum og lögaðilum sem óska eftir leyfi til strandveiða. Auk þessa er lögð til sú breyting að umsóknartímabil verði lengt þannig að það sé frá 1. mars til 15. apríl ár hvert.

Fyrir liggur launayfirlit fyrir árið 2025 ásamt samanburði við áætlun ársins. Áfallinn launakostnaður ársins 2025 er nokkru lægri en áætlanir gerðu ráð fyrir eða 99,3% af áætlun þrátt fyrir verulegar launahækkanir einstakra deilda vorið 2025.

Bæjarstjóri greindi frá stöðu varðandi skil til endurskoðenda vegna ársreiknings 2025 og er ferlið í samræmi við áætlun. Jafnframt var lögð fram staða á rekstri málaflokka og tekjum fyrir árið en töluvert á eftir að færast í bókhald bæði af tekjum og gjöldum.

Fyrir liggja vinnuskjöl vegna tveggja stöðufunda hjá framkvæmdasviði í janúar.