Bæjarráð Fjallabyggðar

Fyrir liggur vinnuskjal frá bæjarstjóra þar sem farið er yfir hugmyndir að byggingu knatthúss í Fjallabyggð sem yrði 50x70 metrar að stærð og myndi stórauka nýtingu á æfingaaðstöðu fyrir knattspyrnu í sveitarfélaginu jafnframt því sem húsið gæti nýst fyrir ýmsa aðra starfsemi.

Fyrir liggur vinnuskjal frá bæjarstjóra þar sem greint er frá rekstrarstöðu stofnunarinnar undanfarin ár. Bæjarstjóri lýsir yfir áhyggjum af hallarekstri sem hefur verið hjá stofnuninni undanfarin ár en þjónustan er lögbundin þjónusta ríkisins og því ekki á ábyrgð bæjarsjóðs. Bæjarstjóri leggur til að málið verið tekið til umfjöllunar í Velferðarnefnd Fjallabyggðar.

Bæjarstjóri greindi frá því að gengið hafi verið til samninga við Berg um sameiningu íbúða í Skálarhlíð á forsendum útboðs sem fram fór á síðasta ári. Gert er ráð fyrir að framkvæmdir hefjist á næstu dögum.

Fyrir liggur bréf frá Skógræktarfélagi Ólafsfjarðar sem sent var sviðsstjóra skipulags - og framkvæmdasviðs og tilkynnt er um framkvæmdir við lagningu útivistarbrautar í gegnum svæði Skógræktarfélagsins. Sviðsstjóri hefur þegar bent Skógræktarfélaginu á að ekki liggur fyrir leyfi fyrir þessari stígagerð og ekkert samráð var haft við Fjallabyggð um lagninguna. Fram kemur í svari sviðsstjóra að sérstaklega þurfi að taka tillit til aurflóðahættu sem skapast getur á svæðinu.

Fyrir liggur vinnuskjal frá fundi hjá skipulags - og framkvæmdasviði.

Innviðaráðuneytið minnir á skráningu á fræðslufundi um hinsegin málefni fyrir kjörna fulltrúa og starfsfólk sveitarfélaga en fræðslan fer fram á fjarfundi dagana 9. og 10. september n.k.

Bæjarstjóri greindi frá stöðu mála varðandi endurbætur á sundlaug Siglufjarðar en vegna aukinna framkvæmda mun opnun sundlaugar frestast til 15.september.

Fyrir liggur erindi frá Innviðaráðuneyti þar sem hvatt er til skráningar á Innviðaþing sem haldið verður 28.ágúst n.k. á Reykjavík Hótel Nordica undir yfirskriftinni "Sterkir innviðir - sterkt samfélag".

Sviðsstjóri velferðarsviðs og bæjarstjóri tóku þá ákvörðun að loka ferli vegna umsóknar um starf deildarstjóra fræðslu - og frístundamála án ráðningar í ljósi þess ferlis sem er í gangi í tengslum við skipulagsbreytingar. Starfið verður auglýst að nýju síðar í haust með ákveðnum breytingum á áherslum.