Endurbætur á sundlaug Siglufjarðar

Fyrir liggja upplýsingar um uppfærða kostnaðaráætlun vegna fyrirhugaðra framkvæmda við sundlaugina á Siglufirði á þessu ári, þ.m.t. endurnýjun á þaki og lagnarými í sundlauginni.

Fyrir liggja útboðsgögn vegna framkvæmda við þak á sundlauginni á Siglufirði ásamt kostnaðaráætlun.

Tilboð í endurbætur á þaki sundlaugarinnar á Siglufirði voru opnuð þriðjudaginn 27.maí. Eitt tilboð barst í verkið og kom það frá K16 ehf. að upphæð kr. 156.541.600 en kostnaðaráætlun verksins er kr. 129.594.815. Tilboðið er því um 21% yfir kostnaðaráætlun. Jafnframt liggur fyrir tillaga að tilfærslu innan áætlaðra framkvæmda við sundlaugina.

Bæjarstjóri greindi frá stöðu mála varðandi endurbætur á sundlaug Siglufjarðar en vegna aukinna framkvæmda mun opnun sundlaugar frestast til 15.september.

Tilboð í endurbætur á tæknirými, þ.e. sundlaugarlögnum, raflögnum og fleiru, voru opnuð fimmtudaginn 29.janúar og barst eitt tilboð í verkið frá Finni Inga Sölvasyni að upphæð kr. 81.695.344 en kostnaðaráætlun verksins er kr. 79.061.813. Tilboðið er því um 3% yfir kostnaðaráætlun.

Bæjarráð samþykkti á fundi sínum þann 5.febrúar að taka tilboði í endurbætur á lagnarými í Sundlaug á Siglufirði frá Finni Inga Sölvasyni. Tilboðið var um 3% umfram kostnaðaráætlun.