Bæjarráð Fjallabyggðar

Bæjarráð þakkar sviðsstjóra og deildarstjóra fyrir yfirferðina á málaflokknum og því samkomulagi sem liggur fyrir varðandi ábyrgð á rekstri og kostnaði vegna búsetu barna með fjölþættan vanda. Áhrifin af samkomulaginu verða jákvæð fyrir þau verkefni sem Fjallabyggð er að sinna í málaflokknum á þessu ári en gert er ráð fyrir að ríkisvaldið taki alfarið yfir þau verkefni um næstu áramót.

Bæjarráð þakkar félögunum fyrir þeirra starf og erindið og vísar umsókn um styrk til gerðar fjárhagsáætlunar 2026.

Bæjarráð þakkar þær ábendingar sem fram koma í erindinu og bendir á að ítarleg vinna fór fram í vinnuhópi um betri leikskóla varðandi þær breytingar sem búið er að samþykkja. Vinnuhópurinn hélt fundi með ýmsum hagaðilum áður en til lokaskýrslu hópsins kom, m.a. var haldinn íbúa- og foreldrafundur þann 9. apríl þar sem helstu hugmyndir voru kynntar. Mikilvægt er jafnframt að gera leikskólann að eftirsóknarverðum vinnustað og er því þetta fyrirkomulag einungis hugsað sem tilraunaverkefni til eins árs. Bæjarráð beinir því til velferðarsviðs og vinnuhópsins að inn í hópinn komi fulltrúar foreldra leikskólabarna í báðum byggðakjörnum til þess að rýna breytingarnar í nóvember og mars líkt og óskað er eftir í erindinu.

Bæjarráð samþykkir að veita verkefninu styrk í formi aðstöðu og aðstoðar við framkvæmd ef mögulegt er.
Jafnframt kr. 200.000 í fjárstyrk vegna kynningar bæjarins í verkefninu.

Bæjarráð staðfestir þátttöku Fjallabyggðar í mótun loftlagsstefnu Norðurlands eystra og beinir því til sviðsstjóra skipulags- og framkvæmdasviðs að tilnefna fulltrúa af sviðinu í samstarfshópinn.

Bæjarráð felur sviðsstjóra velferðarsviðs og deildarstjóra félagsþjónustu að yfirfara drög að samningi um Barnaverndarþjónustu Mið-Norðurlands og skila inn greinargerð til bæjarráðs fyrir næsta fund framkvæmdaráðs sem fyrirhugaður er í ágúst.

Lagt fram til kynningar

Lagt fram til kynningar

Lagt fram til kynningar

Lagt fram til kynningar