Bæjarráð Fjallabyggðar

Formaður bæjarráðs lagði fram tilboð frá þremur aðilum vegna auglýsingar og ráðningar á bæjarstjóra. Óskað var eftir tilboðum frá Hagvangi, Vinnvinn og Intellecta.

Á 739. fundi bæjarráðs fól bæjarráð bæjarstjóra að vinna tillögur að næstu skrefum og leggja fyrir bæjarráð þar sem engin tilboð hafa borist í viðbygginguna.

Lagt fram til kynningar erindi Karls Björnssonar dags. 9. maí 2022 er varðar sveitarfélagaskólann, einnig lagt fram kynningarbréf til sveitarfélaga vegna skólans.

Deildarstjóri tæknideildar lagði fram fundarpunkta dags. 10. maí 2022 og yfirlit yfir málefni Vegagerðarinnar í Fjallabyggð.

Á 737. fundi bæjarráðs samþykkti bæjarráð að láta framkvæma viðhorfskönnun hjá íbúum 60 ára og eldri, hvað varðaði húsnæðismál í sveitarfélaginu. Rannsóknarstofnun Háskólans á Akureyri sá um framkvæmdina.

Lagt fram til kynningar yfirlit staðgreiðslu fyrir janúar til maí 2022. Staðgreiðsla fyrir tímabilið nemur 526,7 millj.kr. eða 97,45% af tímabilsáætlun 2022.

Deildarstjóri tæknideildar fór yfir stöðu framkvæmda.

Lagt fram erindi Árna Rúnars Örvarssonar þar sem óskað er eftir öllum þeim gögnum er varða nýja samninga og nánari útlistun á innihaldi samninganna er gerðir voru við aðila á varpsvæðum 1-4 í Siglufirði með tilliti til dúntekju.

Lagt fram erindi frá Sigríði K. Þorgrímsdóttur, sérfræðingi á þróunarsviði Byggðastofnunar þar sem óskað var eftir þátttöku Fjallabyggðar í ráðstefnu í Nuuk á Grænlandi þar sem kynntar verða niðurstöður rannsóknar sem Fjallabyggð var þátttakandi í. Í rannsókninni var sjónum beint að þróun mannlífs og atvinnulífs í sjávarbyggðum.

Lagt fram erindi Samtaka sveitarfélaga og atvinnuþróunar á Norðurlandi eystra (SSNE) eftir tilnefningum frá Akureyrarbæ, Dalvíkurbyggð og Fjallabyggð í samræmi við meðfylgjandi bréf ráðuneytisins.

Lagt fram erindi Sýslumannsins á Norðurlandi eystra, dags. 24.05.2022 er varðar beiðni um umsögn vegna umsóknar Sjómannafélags Ólafsfjarðar um tímabundið áfengisleyfi (tækifærisleyfi).

Lagt fram til kynningar erindi frá dómsmálaráðuneytinu vegna áform um breytingu á kosningalögum sem aðgengileg er í samráðsgátt stjórnvalda.

Lagt fram fundarboð vegna aðalfundar veiðifélags Ólafsfjarðar sem haldinn verður 11. júní 2022.

Lagt fram erindi Árna Rúnars Örvarssonar þar sem óskað er eftir undanþágu frá 11. gr. lögreglusamþykktar fyrir Fjallabyggð um meðferð skotvopna. Tilgangur undanþágunnar er að eyða flugvargi við Leirutanga og við hafnir Fjallabyggðar og á fleiri stöðum.

Lagt fram erindi frá Sigurlínu Káradóttir vegna verulegra hækkana á fasteignamati í Fjallabyggð þar sem óskað er eftir því að brugðist verði við þessum hækkunum með því að lækka verulega álagningarprósentu fasteignaskatts.

Lagt fram til kynningar áskorun stjórnar Félags atvinnurekenda til sveitarfélaga að lækka álagningarprósentu fasteignaskatts á atvinnuhúsnæði við gerð fjárhagsáætlana fyrir næsta ár til að bregðast við miklum hækkunum fasteignamats fyrir árið 2023.

Lagt fram til kynningar erindi frá Hjördísi Guðmundsdóttur samskiptastjóra Almannavarna um opnun vefgáttar um leiðbeiningar almannavarna fyrir greiningu á áhættu og áfallaþoli.

Lagt fram til kynningar erindi Allsherja- og menntamálanefndar Alþingis dags. 17. 05 2022 er varðar umsögn um frumvarp til laga um útlendinga.

Lagt fram til kynningar erindi Umhverfis- og samgöngunefndar Alþingis dags.18. 05 2022 er varðar umsögn um frumvarp til laga um stefnumótandi byggðaáætlun fyrir árin 2022-2036.

Lagt fram til kynningar erindi Velferðarnefndar Alþingis dags. 18. 05 2022 er varðar tillögu til þingsályktunar um framkvæmdaáætlun í málefnum innflytjenda.

Lagt fram til kynningar Umhverfis- og samgöngunefnd Alþingis dags. 23.05 2022 er varðar frumvarp til laga um skipulagslög (uppbygging innviða).

Lögð fram til kynningar fundargerð 2. verkfundar vegna verkefnisins Tjaldsvæðahús Ólafsfirði.

Lögð fram til kynningar fundargerð 2. verkfundar vegna verkefnisins Íþróttamiðstöð Ólafsfirði, endurbætur á búningsklefum.

Lögð fram til kynningar fundargerð 4. verkfundar vegna verkefnisins Suðurgata 4, félagsmiðstöðin NEON.