Bæjarráð Fjallabyggðar

Lögð fram kostnaðaráætlun deildarstjóra tæknideildar sem óskað var á 730. fundi bæjarráðs, einnig er lagt fram að nýju minnisblað EFLU dags. 4. febrúar 2022, er varðar mögulegar lausnir á vanda sem upp hefur komið í miklum leysingum á svæðinu vestan við ós Ólafsfjarðarvatns. Áætlaður kostnaður við að ráðast í úrbætur sem lagðar eru til í minnisblaði eru 4,4 millj.kr.

Lagt fram til kynningar yfirlit yfir launakostnað og kostnað vegna langtímaveikinda vegna janúar og febrúar 2022.

Lagt fram umbeðið minnisblað deildarstjóra dags. 3. febrúar 2022 er varðar götulýsingu í byggðakjörnum Fjallabyggðar.

Á 732. fundi bæjarráðs fór fram umræða utan dagskrár um ástand lýsinga við stofnanir sveitarfélagsins, mál þetta er sett á dagskrá í kjölfar þeirrar umræðu.

Lögð fram umbeðin umsögn fræðslu- og frístundanefndar sem samþykkt var á 109. fundi nefndarinnar.

Undir þessum lið kom á fund bæjarráðs Anna Lind Björnsdóttir, starfsmaður Samtaka sveitarfélaga og atvinnuþróunar á Norðurlandi eystra (SSNE) á Tröllaskaga, kl. 8:20 í gegnum TEAMS fund.

Anna Lind fór yfir starfsemi samtakanna og helstu verkefni sem hún hefur verið að vinna að í Fjallabyggð.

Anna Lind vék af fundi kl. 8:46.

Lögð fram drög að samningi SSNE f.h. 12 sveitarfélaga á starfssvæði samtakanna og N4 ehf. er varðar verkefni sem hefur það að markmiði að efna til almennrar umfjöllunar og vekja athygli á landsfjórðungnum á breiðum grunni. Samkvæmt yfirliti sem fylgdi áður framlögðu erindi SSNE þá er kostnaðarhlutur Fjallabyggðar vegna verkefnisins kr. 450.666 sem rúmast innan gildandi fjárhagsáætlunar 2022.

Lögð fram til kynningar bókun bæjarráðs Sveitarfélagsins Voga á 350. fundi ráðsins er varðar ítrekun á umsögn ráðsins um 353. mál á 151. löggjafarþingi.

Lagt fram til kynningar erindi efnahags- og viðskiptanefndar Alþingis, dags., 07.03.2022 er varðar umsögn um frumvarp til laga um tekjustofna sveitarfélaga (gjaldastofn fasteignaskatts), 78. mál.

Bæjarstjóri lagði fram og fór yfir svör RARIK, Orkusölunnar og MÍLU við spurningum bæjarstjóra um framgang verkefna sem fram komu að ráðast ætti í eftir óveður í lok árs 2019.

Lagður er fram til kynningar tölvupóstur Eygerðar Margrétardóttur f.h. Sambands íslenskra sveitarfélaga dags. 28. febrúar 2022. Efni póstsins er að kynna fyrir sveitarfélögum verkefnið ,,Samtaka um hringrásarhagkerfið" sem Samband íslenskra sveitarfélaga hefur sett á fót með aðstoð umhverfis- orku- og loftslagsráðuneytisins til að aðstoða sveitarfélög við að innleiða þessar miklu breytingar. Verkefnið skiptist í þrjá verkefnahluta, sem allir hafa það hlutverk að renna styrkari stoðum undir innleiðingu hringrásarhagkerfis hérlendis.

Lagður fram til kynningar tölvupóstur Gauta Daðasonar f.h. Innviðaráðuneytisins dags. 4. mars 2022. Efni tölvupóstsins er að kynna fyrir sveitarfélögum að Innviðaráðuneytið hafi birt í samráðsgátt drög að frumvarpi til laga um breytingu á sveitarstjórnarlögum, nr. 138/2011. (Íbúakosningar á vegum sveitarfélaga).

Lögð fram til kynningar fundargerð 907. fundar stjórnar Sambands íslenskra sveitarfélaga.