Erindi frá Hestamannafélaginu Gnýfara

Lögð eru fram 7 aðskilin erindi Hestamannafélagsins Gnýfara dags. 28. og 29. október 2021.

Lagt er fram minnisblað deildarstjóra stjórnsýslu og fjármála, deildarstjóra tæknideildar og deildarstjóra fræðslu-, frístunda- og menningarmála dags. 8. nóvember 2021. Í minnisblaðinu er farið yfir sjö aðskilin erindi hestamannafélagsins Gnýfara í samræmi við ósk bæjarráðs á 717. fundi ráðsins.

Lagt er fram minnisblað Eflu dags. 4. febrúar 2022 er varðar mögulegar lausnir á vanda sem upp hefur komið í miklum leysingum á svæðinu vestan við ós Ólafsfjarðarvatns. Í minnisblaðinu eru lagðar til nokkrar framkvæmdir sem minnka eiga líkur á uppsöfnun vatns á svæðinu.

Lögð fram kostnaðaráætlun deildarstjóra tæknideildar sem óskað var á 730. fundi bæjarráðs, einnig er lagt fram að nýju minnisblað EFLU dags. 4. febrúar 2022, er varðar mögulegar lausnir á vanda sem upp hefur komið í miklum leysingum á svæðinu vestan við ós Ólafsfjarðarvatns. Áætlaður kostnaður við að ráðast í úrbætur sem lagðar eru til í minnisblaði eru 4,4 millj.kr.

Á 733. fundi bæjarráðs var samþykkt að fela deildarstjóra stjórnsýslu- og fjármála að gera tillögu að útfærðum viðauka við fjárhagsáætlun 2022 og leggja fyrir næsta fund bæjarráðs. Lagður er fram útfærður viðauki nr. 6 við fjárhagsáætlun 2022, sem færist á málaflokk 11410, lykil 4960 kr. 4.400.000.-