Samtaka um hringrásarhagkerfi

Lagður er fram til kynningar tölvupóstur Eygerðar Margrétardóttur f.h. Sambands íslenskra sveitarfélaga dags. 28. febrúar 2022. Efni póstsins er að kynna fyrir sveitarfélögum verkefnið ,,Samtaka um hringrásarhagkerfið" sem Samband íslenskra sveitarfélaga hefur sett á fót með aðstoð umhverfis- orku- og loftslagsráðuneytisins til að aðstoða sveitarfélög við að innleiða þessar miklu breytingar. Verkefnið skiptist í þrjá verkefnahluta, sem allir hafa það hlutverk að renna styrkari stoðum undir innleiðingu hringrásarhagkerfis hérlendis.

Lagt fram til kynningar erindi Sambands Íslenskra sveitarfélaga dags. 30. mars 2022 er varðar bókun stjórnar sambandsins þann 25. mars um átak um hringrásarhagkerfið.

Lagt fram til kynningar dreifibréf frá Samtökum íslenskra sveitarfélaga um ráðstefnuna "Samtaka um hringrásarhagkerfi - réttur farvegur til framtíðar" sem fram fer föstudaginn 7. október.

Samband íslenskra sveitarfélaga efnir til opins fjarfundar undir yfirskriftinni Samræmd fræðsla og upplýsingagjöf sem ein undirstaða hringrásarhagkerfis miðvikudaginn 22. mars kl. 10:00 til 11:30.
Tilefnið eru breytingar á ýmsum lögum vegna innleiðingar hringrásarhagkerfis sem innleiddar voru í íslenskt regluverk í júní 2021 og komu til framkvæmda um síðustu áramót. Í lögunum er lögð áhersla á fræðslu til almennings og lögaðila og bera Umhverfisstofnun, sveitarfélög, Úrvinnslusjóður og Endurvinnslan ákveðna ábyrgð á henni. Á fundinum verður kynnt sú fræðsla sem lykilaðilar til að koma á hringrásarhagkerfi munu standa fyrir á næstunni.