Bæjarráð Fjallabyggðar

Lagt er fram minnisblað Eflu dags. 4. febrúar 2022 er varðar mögulegar lausnir á vanda sem upp hefur komið í miklum leysingum á svæðinu vestan við ós Ólafsfjarðarvatns. Í minnisblaðinu eru lagðar til nokkrar framkvæmdir sem minnka eiga líkur á uppsöfnun vatns á svæðinu.

Lagt er fram minnisblað deildarstjóra stjórnsýslu og fjármála dags. 10. febrúar 2022 er varðar beiðni um viðauka við launaáætlun 2022. Ástæða viðauka er breyting á tryggingargjaldi úr 6,1% í 6,35%. Breyting á prósentu tryggingargjalds hefur áhrif þvert yfir málaflokka og deildir og nemur alls kr. 4.511.015.
Lagt er til að viðaukanum verði mætt með lækkun á handbæru fé.

Lagt fram til kynningar svar við kröfu Hestamannafélagsins Glæsis um bætur vegna innköllunar á landi dags. 10. febrúar 2022 ásamt öðrum atriðum sem fram komu í erindi félagsins til bæjarráðs dags. 2. september 2021 og á fundum aðila.

Lögð fram drög að húsnæðisáætlun Fjallabyggðar 2022 unnin á samræmdu formi Húsnæðis- og mannvirkjastofnunar.

Lagt fram minnisblað bæjarstjóra, deildarstjóra fræðslu- frístunda- og menningarmála dags. 11. febrúar 2022 er varðar greiningu á kostum sem gerðu mögulegt að flytja kennslu 5. bekkjar í starfstöð grunnskólans á Ólafsfirði. Bæjarstjórn óskaði eftir minnisblaðinu á 203. fundi sínum í kjölfar bókunar fræðslu og frístundanefndar á 98. fundi nefndarinnar.

Lagðir fram til kynningar punktar bæjarstjóra sem hafðir voru til hliðsjónar framsögu hans á fundi sveitarfélaga með þingmönnum kjördæmisins 15. febrúar sl.

Inn á fundinn kom Björn Traustason framkvæmdastjóri Bjargs íbúðafélags hses. og fylgdi eftir erindi félagsins frá 2. febrúar 2022.

Lagt fram erindi SSNE dags. 13. febrúar er varðar ósk um fulltrúa í starfshóp um samgöngu- og innviðastefnu.

Lagt er fram skjal samið af Guðjóni Guðmundssyni löggiltum fasteigna-, fyrirtækja- og skipasala dags. 13. febrúar 2022 er varðar lögbundið boð til Fjallabyggðar um að nýta forkaupsrétt á fiskiskipinu Mávi SI 96.

Lagt fram erindi Hins Norðlenzka Styrjufélags dags. 9. febrúar 2022 er varðar m.a. ósk forsvarsmanna félagsins um að fá að koma á fund bæjarráðs til að kynna starfsemi félagsins og óskir félagsins um ívilnun sveitarfélagsins hvað varðar kostnað vegna ferskvatns.

Lögð fram drög að umsögn bæjarráðs vegna 12. máls - þ.e. tillögu til þingsályktunar um úttekt á tryggingavernd í kjölfar náttúrhamfara.

Lagt fram til kynningar 23. tölublað Fréttbréfs SSNE

Lagt fram til kynningar erindi Atvinnuveganefndar Alþingis dags. 9. febrúar 2022 er varðar umsögn um tillögu til þingsályktunar um endurskoðun á laga og reglugerðaumhverfi sjókvíaeldi, 93. mál.
Einnig lagt fram erindi Umhverfis- og samgöngunefnd Alþingis er varðar umsögn um tillögu til laga um breytingu á lögum um fjarskipti, nr. 81/2003, með síðari breytingum (farsímasamband á þjóðvegum), 43. mál.
Að síðustu er lagt fram erindi umhverfis- og samgöngunefndar Alþingis er varðar umsögn um tillögu til þingsályktunar um áætlun um vernd og orkunýtingu landsvæða, 332. mál.

Lögð fram til kynningar auglýsing um ákvörðun innviðaráðherra til að tryggja starfhæfi sveitarstjórna og auðvelda ákvarðanatöku við stjórn sveitarfélaga dags. 2. febrúar 2022.

Lagt fram til kynningar erindi Óttars Guðjónssonar f.h. kjörnefndar Lánasjóðs sveitarfélaga ohf., dags. 11.02.2022 þar sem auglýst er eftir framboðum til stjórnar Lánasjóðsins. Frestur til að skila inn tilnefningum til kjörnefndar rennur út kl. 12 á hádegi miðvikudaginn 9. mars nk. Áformað er að halda aðalfund félagsins föstudaginn 29. mars nk. á Grand hóteli í Reykjavík.

Lagt fram fundarboð vegna aðalfundar Samorku dags. 14. febrúar 2022. Fundurinn verður haldinn þann 15. mars nk. kl. 10:30 í Norðurljósasal Hörpu. Einnig eru lögð fram fylgiskjöl fundarboðs.

Lagðar fram til kynningar eftirtaldar fundagerðir nefnda og stjórna:
108. fundur Fræðslu- og frístundanefndar sem haldinn var þann 7. febrúar 2022.
281. fundur skipulags- og umhverfisnefndar sem haldinn var þann 7. febrúar 2022.
21. fundur Stýrihóps Heilsueflandi samfélags sem haldinn var þann 10. febrúar 2022.

Lögð fram til kynningar fundargerð 35. fundar stjórnar Samtaka sveitarfélaga og atvinnuþróunar á Norðurlandi eystra dags. 9. febrúar 2022.