Erindi frá Hestamannafélaginu Glæsi

Lagt er fram erindi Hestamannafélagsins Glæsis dags. 2. september 2021, í erindinu óskar stjórn félagsins eftir fundi með bæjarráði vegna þriggja atriða sem tíunduð eru í erindinu. Einnig er lagt fram vinnuskjal deildarstjóra tæknideildar dags. 15. september.

Á 710. fundi bæjarráðs var lagt fram erindi Hestamannafélagsins Glæsis vegna þriggja atriða. Bæjarráð samþykkti að bjóða stjórn hestamannafélagsins á næsta fund bæjarráðs.
Á fundinn mættu Haraldur Marteinsson, Hreinn Júlíusson og Magnús Jónasson fyrir hönd Hestamannafélagsins Glæsis.

Lagt fram vinnuskjal bæjarstjóra og deildarstjóra tæknideildar dags. 18, janúar 2022 ásamt fylgiskjölum. Í minnisblaðinu er farið yfir þau ágreiningsefni sem uppi hafa verið og voru m.a. reifuð af fulltrúum hestamannafélagsins á 710. fundi bæjarráðs og í minnisblaði formanns félagsins dags. 7. janúar sl.

Lagt fram til kynningar svar við kröfu Hestamannafélagsins Glæsis um bætur vegna innköllunar á landi dags. 10. febrúar 2022 ásamt öðrum atriðum sem fram komu í erindi félagsins til bæjarráðs dags. 2. september 2021 og á fundum aðila.