Útboð á snjómokstri og hálkuvörnum í Fjallabyggð 2026-2029

Bæjarráð samþykkir að vísa fyrirliggjandi gögnum til umræðu í skipulags- og umhverfisnefnd og óskar eftir afstöðu nefndarinnar á þeim áherslum sem fram koma í þeim.

Nefndin leggur til að afgreiðslu verði frestað til næsta fundar. Sviðstjóra falið að vinna málið áfram með nefndarmönnum.

Nefndin leggur til að hafin verði vinna við endurskipulagningu á snjómokstri með hagræðingu og nútímavæðingu í huga. Þeirri vinnu þarf að ljúka fyrir maí 2027, svo hægt sé að bjóða verkið út. Samhliða verði unnið að lausn varðandi snjómokstur veturinn 2026 - 2027.

Bæjarráð frestar málinu til næsta fundar þar sem beðið er frekari gagna.

Bæjarráð þakkar sviðsstjóra skipulags- og framkvæmdasviðs fyrir framlögð gögn vegna væntanlegs útboðs á snjómokstri og hálkuvörnum í Fjallabyggð. Málinu vísað til skipulags- og umhverfisnefndar til umsagnar.

Minnihluti nefndarinnar leggur fram eftirfarandi bókun vegna málsins:

"Fulltrúi minnihlutans harmar að meirihlutinn hafi hafnað tillögu minnihlutans um að óska eftir áliti bæjarlögmanns á því hvort útboðið samræmist lögum nr. 120/2016, þ. á m. innbyrðis ósamræmi milli ákvæða 0.4.6 og 1.0.4 um val og forgangsröðun verktaka. Einnig hvort að forval hafi ekki átt að eiga sér stað samkvæmt lögum.
Mikilvægt er að óska eftir slíku áliti þegar um er að ræða umfangsmikið útboð til þriggja ára, sérstaklega þegar útboðsgögn innihalda ákvæði sem virðast stangast á.
Mikilvægt er að Fjallabyggð fari ávalt eftir lögum þannig að jafnræði ríki milli aðila."


Meirihluti nefndarinnar leggur til við bæjarráð að farið verði í útboð á snjómokstri og hálkuvörnum sem tekur mið af fyrirliggjandi gögnum. Meirihluti nefndarinnar ítrekar við bæjarráð að tryggt sé að útboðsferlið sé unnið samkvæmt lögum og reglum sem gilda um útboð, þjónustukaup og lögum nr 120/2016 lög um opinber innkaup.

Bæjarráð samþykkir að óska eftir frekari gögnum og frestar afgreiðslu málsins.