Bæjarráð Fjallabyggðar

933. fundur 17. september 2026 kl. 08:45 - 10:45 í fjarfundi
Nefndarmenn
  • Helgi Jóhannsson formaður
  • Jóhann K. Jóhannsson varaformaður
  • Tómas Atli Einarsson aðalfulltrúi
Starfsmenn
  • Hafdís Huld Björnsdóttir bæjarstjóri
  • Þórir Hákonarson skrifstofustjóri
Fundargerð ritaði: Þórir Hákonarson skrifstofustjóri

1.Rekstur skíðasvæðis í Skarðsdal

Málsnúmer 2510036Vakta málsnúmer

Á fundi bæjarráðs þann 3. september s.l. var samþykkt af meirihlutanum að sveitarfélagið sjái um rekstur skíðasvæðisins á komandi vetri. Fyrir liggur minnisblað til bæjarstjóra þar sem óskað er eftir að auglýsa eftir starfsfólki.
Samþykkt
Bæjarfulltrúi D-lista lagði fram eftirfarandi bókun:

"Fulltrúi D-listans telur að framlögð gögn sýni ekki fram á hagkvæmni þess að sveitarfélagið taki yfir rekstur skíðasvæðisins í Skarðsdal. Minnisblaðið lýsir fyrirhuguðu starfsmannahaldi en þar vantar mat á heildarkostnaði, tekjuforsendum og fjárhagslegri áhættu, auk samanburðar við aðrar rekstrarleiðir. Gögnin veita því ekki fullnægjandi grunn til að meta fjárhagslegar afleiðingar yfirtökunnar."

Bæjarráð samþykkir með tveimur atkvæðum að heimila að eftirfarandi störf verði auglýst:
-Umsjónarmanns Skíðasvæðisins í Skarðsdal, 100% starf
-Almennur starfsmaður, 100%
-Tveir starfsmenn til að sinna vinnu á snjótroðurum.

Bæjarstjóra falið að ganga frá auglýsingu

2.Útboð á snjómokstri og hálkuvörnum í Fjallabyggð 2026-2029

Málsnúmer 2605038Vakta málsnúmer

Fyrir liggur uppfærð tillaga sviðsstjóra skipulags - og framkvæmdasviðs á útboðsgögnum og verklýsingu vegna snjómoksturs og hálkuvarnar 2026-2029.
Vísað til nefndar
Bæjarráð þakkar sviðsstjóra skipulags- og framkvæmdasviðs fyrir framlögð gögn vegna væntanlegs útboðs á snjómokstri og hálkuvörnum í Fjallabyggð. Málinu vísað til skipulags- og umhverfisnefndar til umsagnar.

3.Fjárhagsáætlun 2027 og þriggja ára áætlun 2028-2030

Málsnúmer 2605049Vakta málsnúmer

Fyrir liggur tillaga meirihluta bæjarráðs um eftirfarandi forsendur við rammaáætlun fjárhagsáætlunar 2027:

Álagsprósenta útsvars hækki úr 14,93% í 14,97% líkt og hún er hjá þorra sveitarfélaga á Íslandi
Álagningarhlutfall fasteignaskatts, lóðarleigu, vatnsgjalds og fráveitugjalds verði óbreytt frá fyrra ári.
Almennt hækki gjaldskrár um 2,5%

Samþykkt
Með því að halda hækkun á gjaldskrá í lágmarki og töluvert undir núverandi verðbólgu og verðbólguvæntingum þá leggur Fjallabyggð sitt lóð á vogarskálarnar að ná verðbólgu niður á næstu misserum.
Bæjarráð samþykkir framlagða tillögu.

4.Styrkumsóknir í Framkvæmdasjóð ferðamannastaða 2024

Málsnúmer 2310048Vakta málsnúmer

Framkvæmdasjóður ferðamannastaða og Fjallabyggð gerðu samning árið 2024 um byggingu fuglaskoðunarskýlis á Leirutanga með fjárstyrk frá framkvæmdasjóðnum en ekki hefur orðið af framkvæmdum m.a. vegna skipulagsbreytinga á svæðinu. Áætlaður kostnaður við skýlið var ríflega 14 milljónir króna og styrkupphæð ríflega 11 milljónir króna. Fyrir liggur að framkvæmdasjóður er tilbúinn til þess að veita sömu styrkupphæð komist verkið á framkvæmdaáætlun ársins 2027.
Vísað til gerðar fjárhagsáætlunar
Bæjarráð vísar erindinu til gerðar fjárhagsáætlunar 2027 en hlutur sveitarfélagsins er áætlaður 2-3 milljónir.

5.Fundur ÖBÍ og Fjallabyggðar 2026

Málsnúmer 2609030Vakta málsnúmer

Fyrir liggur erindi frá ÖBÍ þar sem óskað er eftir fundi með bæjaryfirvöldum til þess að ræða m.a. aðgengis-, þjónustu- og atvinnumál fatlaðs fólks í sveitarfélaginu.
Samþykkt
Bæjarráð tekur jákvætt í erindið og felur bæjarstjóra að skipuleggja fund ÖBÍ og fulltrúum Fjallabyggðar og notendaráði sveitarfélagsins.

6.Erindi frá launþegasamtökum

Málsnúmer 2609036Vakta málsnúmer

Fyrir liggur erindi frá formönnum VR, Landssambandi íslenzkra verzlunarmanna og Rafiðnaðarsambandsins f.h. fagfélaganna þar sem óskað er upplýsinga um hvað sveitarfélagið Fjallabyggð er tilbúið að leggja af mörkum til að ná verðbólgu og vöxtum niður.
Vísað til afgreiðslu starfsmanns
Bæjarráð þakkar fyrir erindið frá launþegasamtökunum og felur bæjarstjóra að svara erindinu og má m.a. vísa í 3. lið hér að ofan í svari til þeirra.

7.Farsældarráð SSNE

Málsnúmer 2603031Vakta málsnúmer

Fyrir liggur áætlun um svæðisbundna forgangsröðun aðgerða um farsæld barna á Norðurlandi eystra.
Samþykkt
Áætlunin markar sameiginlegar áherslur landshlutans í málefnum barna og fjölskyldna til ársins 2030. Henni er ætlað að vera sameiginlegt leiðarljós fyrir áframhaldandi samstarf og þróun þjónustu í þágu farsældar barna, með það að markmiði að styrkja samhæfingu, snemmtækan stuðning og markvissa nýtingu þeirra tækifæra sem felast í auknu samtarfi þvert á kerfi og stofnanir. Bæjarráð óskar eftir að fá verkefnastjóra Farsældarráðs Norðurlands eystra til að kynna áætlunina.

8.Félagsaðstaða félagssamtaka eldri borgara

Málsnúmer 2609015Vakta málsnúmer

Fyrir liggja erindi frá félagi eldri borgara á Siglufirði sem hafa verið til umræðu í Öldungaráði þar sem óskað er eftir aðkomu Fjallabyggðar að félagsaðstöðu fyrir félagið.
Vísað til afgreiðslu starfsmanns
Bæjarráð tekur jákvætt í erindið og felur sviðsstjóra velferðarsviðs að vinna málið áfram með félaginu.

9.Loftslagsstefna Íslands

Málsnúmer 2609024Vakta málsnúmer

Fyrir liggja upplýsingar af samtalsfundi Sambands íslenskra sveitarfélaga með sveitarfélögunum um loftslagsstefnu Íslands.
Lagt fram til kynningar
Lagt fram til kynningar

10.Notendaráð sveitarfélaga

Málsnúmer 2609025Vakta málsnúmer

Fyrir liggur erindi frá Sambandi íslenskra sveitarfélaga þar sem sveitarfélögin eru minnt á að skipa í lögbundin notendaráð sveitarfélaga, þ.e. samráðshóp í málefnum fatlaðra, öldungaráð og ungmennaráð.
Lagt fram til kynningar
Fjallabyggð hefur nú þegar skipað í notendaráðin.

Fundi slitið - kl. 10:45.