Bæjarráð Fjallabyggðar

Fyrir liggur umsögn skipulags -og umhverfisnefndar á gögnum vegna útboðs á snjómokstri og hálkuvörnum en nefndin tók málið fyrir á fundi sínum þann 22.september.
Meirihluti nefndarinnar leggur til við bæjarráð að farið verði í útboð á snjómokstri og hálkuvörnum sem tekur mið af fyrirliggjandi gögnum. Meirihluti nefndarinnar ítrekar við bæjarráð að tryggt sé að útboðsferlið sé unnið samkvæmt lögum og reglum sem gilda um útboð, þjónustukaup og lögum nr 120/2016 lög um opinber innkaup.

Fyrir liggja upplýsingar um uppsögn sextán starfsmanna í rækjuvinnslu Ísfélagsins á Siglufirði.

Fyrir liggur erindi frá formanni Starfsgreinasambands Íslands þar sem óskað er upplýsinga um hvað sveitarfélagið Fjallabyggð er tilbúið að leggja af mörkum til að ná verðbólgu og vöxtum niður og hvort sveitarfélagið sé reiðubúið að taka þátt í þjóðarsátt um verðstöðuleika þannig að gjaldskrár hækki en ekki sem nemur 2,5% það sem eftir lifir gildandi kjarasamninga.

Fyrir liggur erindi frá Hollvinasamtökum Reykjalundar þar sem leitað er til sveitarfélaga í landinu um að taka virkan þátt í uppbyggingu Reykjalunds með fjárframlagi.

Fyrir liggur erindi frá Innviðaráðuneyti þar sem óskað er eftir upplýsingum um stefnumótun sveitarfélaga.

Fyrir liggja erindi frá Nefndasviði Alþingis þar sem eru til umsagnar tvö frumvörp til laga.
Annars vegar er um að ræða frumvarp til laga um varnir gegn snjóflóðum og skriðuföllum og hins vegar sveitarstjórnarlög. Frestur til að senda inn umsagnir er til 1.október n.k.

Fyrir liggur þinggerð frá haustþingi SSNE sem fram fór í Dalvíkurbyggð 4.september s.l.

Fyrir liggur fundargerð SSNE frá 86.fundi stjórnar samtakanna.