Skipulags- og umhverfisnefnd Fjallabyggðar

Nefndin samþykkir fyrir sitt leiti tillögur um 2,5% hækkun á gjaldskrám fyrir árið 2027.

Minnihluti nefndarinnar leggur fram eftirfarandi bókun vegna málsins:

"Fulltrúi minnihlutans harmar að meirihlutinn hafi hafnað tillögu minnihlutans um að óska eftir áliti bæjarlögmanns á því hvort útboðið samræmist lögum nr. 120/2016, þ. á m. innbyrðis ósamræmi milli ákvæða 0.4.6 og 1.0.4 um val og forgangsröðun verktaka. Einnig hvort að forval hafi ekki átt að eiga sér stað samkvæmt lögum.
Mikilvægt er að óska eftir slíku áliti þegar um er að ræða umfangsmikið útboð til þriggja ára, sérstaklega þegar útboðsgögn innihalda ákvæði sem virðast stangast á.
Mikilvægt er að Fjallabyggð fari ávalt eftir lögum þannig að jafnræði ríki milli aðila."


Meirihluti nefndarinnar leggur til við bæjarráð að farið verði í útboð á snjómokstri og hálkuvörnum sem tekur mið af fyrirliggjandi gögnum. Meirihluti nefndarinnar ítrekar við bæjarráð að tryggt sé að útboðsferlið sé unnið samkvæmt lögum og reglum sem gilda um útboð, þjónustukaup og lögum nr 120/2016 lög um opinber innkaup.